الف الف ميروك والحمد لله

[(طائر الشرق)]

السلام عليكم ورحمة الله طابت أوقاتكم بكل خير بأمر الله عندما نسمع عن أنجاز جديد نشعر بالسعادة ومعها الفخر عندما نجد أن شخصآ ما قدم شئ للبشر ربما لن ننظر لجنسية أو ديانته حتى وأن كنت أنا غير مستفيد من ذالك ولكن هناك شئ جديد يخدم الأنسان هذا هو ما يدعو للفرح والفخر ولكن عندما نجد أننا قد وصلنا لحد الأبداع فى كل ما هو تافه عندها ربما يكون الأمر مؤلم ولأننا دخلنا موسوعة جينس بأكبر طبق فول ومن قبلنا من دخل بأكبر طبق حمص وأخركيك هل تفرغنا من المهم حتى نجد الوقت الكافى لأشباع البطون لا عجب أن نظل فى القاع مع مخلفات العالم ونبقى نحن العرب أنتهى

[™Amiliya]

بصراحة شيء مشرف هههههههه

تقريبا كدا هناخد ع طول في الاكل لاننا مبنفكرش غير بملئ البطون
عقولنا داخل بطوننا

الله المستعان ولا فخر في هذا والله ياعصام

[واد حبيب]

يا عصام يا خويا
الشعب كله كان بيفكر ازاي ندخل موسوعه جنيس
مع العلم ان مفيش حد بيعرف يعمل حاجه غير الاكل
بقالو نعمل اكبر طبق فول وندخل بيه
وكمان اكلو اكتر من 1000واحد من الطبق ده
تسلم علي طبق الفول قصدي علي الموضوع
هههههههه

[ايمان طلعت]

وماذا تنتظر من بلد تدعم الراقصات
بدلاً من العلماء
تحياتي

[أميرة محمود]

هو طبعا لو دخلنا موسوعة جينس
في الفضاء او الفيزياء او النووية
او علم طبقات الارض او الادب .. الخ
هيكون انجاز وشيء مفرح

لكن انا مش شايفة انها حاجة تضايق اوى كدا
اننا نعمل اكبر طبق فول
وال فهمته انها كانت حفلة خيرية لاطعام
اكبر عدد من الايتام من الطبق
ثانك يو عازف على النقاش المهم

[راجعة لحبيبى]

طبق الفول المصر صارماركه عالميه
والحين مشهور بكل الدول العربيه
تسلم عازف لروحك السعاده

[Lamees]

طيب دي قدراتهم الاكل وبس
مبدعون ولسنا مقلدون
مش بقولك طبق فول
هتلاقي فول عند حد تاني

ربنا يهدي
التفاهة واخدة حدها اوي

شكراً للطرح

[جبل عالي]

ياسيدي الفاضل على مايبدو والله أعلم
إن الأشياء النابغة أو الإبداعات الغير مسبوقة
يتم التعتيم عليها ودي سياسة قديمة جدااا
لإبقائنا بالقاع على الرغم أنه من المعروف
والبديهي أن موسوعاتهم ومجلداتهم وإبداعاتهم
وتقدماتهم العلمية والغير علمية مُستقاة من النواة الأولى
والتي أخذوها من العرب قديماً
ولأننا أصبحنا نعيش على ذكرى ماضٍ ولى وذهب
بقينا محلك سر ولم نتقدم خطوة بل على العكس
نحن نتراجع حتى وصلنا لما تحت الأقدام والله المستعان


أخي الراقي عصام
نتمنى من الله أن تأخذ الأخبار الأخرى حقها
وأن يكون هناك من يتابع وينقلها بأمانة
ولكن لأن الفرقعة مطلوبة فعلينا بالتفاهات


تسلم ياراقي للطرح القيم
وندعوا الله ان يكشف عنا تلك الغُمة
ويشرح صدورنا للعزة والكرامة

[دمعه حائره]

ونسيت الكشرى بتاع ابو طارق كمان دخل الموسوعه
هى عموما بيدخل فيها كل ماهو غريب وغير مسبوق
زى الى بيطول شنبه او ضوافره حاجات كتير هايفه بنشوفها
بس يمكن مصر بدأت ونتمنى تدخل فى حاجه اقوى وليها فايدة
واللى يدور هايلاقى يعنى بنشوف اذكى طفل والمخترع الصغير
بس الاعلام مش واخد باله
تسلم عصام على الموضوع الجميل

[هادية]

الاطباق اللى بتدخل الموسوعة دي

زي طبق الفول والبيتزا والهامبرجر والحلويات السوري ,ووووو الخ

بتبقي بهدف تقديمها للفقراء.. وده حصل في بلاد كتيرة جدا فى العالم مش مصر بس

كل بلد بتعمل طبق من الاكل اللى بتشتهر بيه وبتدخل بيه الموسوعة

يعنى مش تفاهة ولا حاجة

احنا بس اللى للاسف مغرمين بجلد الذات

وتسفيه وتتفيه اى شئ نعمله في بدلنا

لكن لو قرينا ان ايطاليا عملت اكبر بيتزا فى العالم ودخلت بيها الموسوعة

وقدمتها للفقراء بعد كده .. كلنا حنهلل ونقول شايفين الناس المحترمين

اللى بيأكلوا الفقراء بطريقة شيك بدون ميجرحوا مشاعرهم

وبيلفتوا النظر لمشكلة الفقر عندهم بأسلوب متحضر

حقيقي لاكرامة لنبي فى وطنه