دع الخلق للخالق

[™Amiliya]

مساء الخيرات والحياة

في المجتمع العربي الثرثرة في سيرة الناس بقيت حاجة عادية
انك تلاقي اتنين او مجموعة جايبين سيرة حد وبيقطعو في فروته

وخاصة لو مجتمع نسائي بيقى الوضع حدث ولا حرج

والغريب انه اصبح المجتمع الذكوري ثرثار مثل النساء الا من رحم ربي

والحاجة الاغرب ان معظمهم بيجبو في سيرة بعض مع ناس تانية

اما بقا الحاجة الي تضحك ان لعد منخلص نميمة وغيبة في سيرة الناس

نختم الكلام بـ ( دع الخلق للخالق )

ودا من ايه التقوى الي فاجاة نزلت متعرفش

وليه اصلا بيقولوها بردو متعرفش اعتياد ادمي بعد ماناكل لحم اخينا ميتا نختم بشيء

ولا يختمو القعدة بدعاء المجلس

لا بجد ناس متناقضة ومثيرة للشفقة

انت مين عشان تسمح لنفسك ولسانك تجيب سيرة حد بالباطل لو مفيش خير تذكره اتعلم تقفل فمك
بس دا راجع لتربية اولا واخلاق بتكسبها من بيئة عايش فيها ووسطها وصحبة وتعليم وتعلُم

/

بس في وحدة قالتلي مرة اننا بنقولها لما يصحى ضميرنا في اخر القعدة اننا مخليناش ع قلبنا
فضميرناي قولنا مالكمش دعوة دع الخلق للخالق فبنقولها وخلاص

( ودي حقيقة )

الحاجة الي اعرفها كويس ان مهما كان كرهك لحد او ضيقك منه او عيوب فيه بلاش تخليها مشاع
قدام الناس وتحكي وتتحاكا فيها حتى لو الناس متعرفش فلان او فلانة كفاية انت عارف

بس لا عجب ان من ستر مسلم ستره الله يوم القيامة مش موجود في مبادئ حياتنا

فعادي اننا نلوث لسانا بسيرة الاخرين

/

هو انتو ايه رايك في الكلام دا؟

[العاشق الذى لم يتب]

الخوض فى اعراض الناس
وذكراخبارهم
والحديث عنهم
هو قديم وسيظل ساريا إلى أن تقوم الساعة
ولذا منه أستعاذ سيد البشر
صلى الله عليه وسلم
وقال اللهم جنبنا ألسنة الناس
ومكتوب على باب الجنة خمسة أشياء
منهم لا سلامة من ألسنة الناس
هدى الله الجميع
وعرفهم أين طريق التقى
شكراايمى
تحياتى

[اشاعة شمس]

للاسف عندك حق فعلا

مجتمعنا كله كده حتى انا امبارح لسة كاتب موضوع بالمعنى ده
اقربها مثلا واحد صحبي عمل خطوبته علي الديق ومعزمش حد لانها كانت حاجة اسرية
وكتب علي الفيس كده
فجأة الدنيا قامت ومقعدتش وقريبه اللي المفروض اول ناس يفرحوله فضلوا يقولوا هو مش عاوز يعزمنا
وكلام كتير اتقال في حقه
مع انه كان اتفاق

اوسخ ناس في المجتمع هي اللي بتجيب في سيرة الناس بالشر وتقطع في فروتهم زي ما بيقولوا وبعد كده اول ما يخلص نميمة وشتيمة يقولك يلا مالناش دعوة ههههه

يعني مرة كنت في الشغل وفضل الناس تجيب في سيرة واحد وتقطع فيه
فجأة بعد ما خلصوا كلام عنه واسائه في حقه قالوا يلا ملناش دعوة

فعلطول ضحكت ؟؟

موضوعك جميل لدرجة ان بحس ردي علي مواضوعك بيحتاج كلام اكتر من الموضوع نفسه

في النهاية
زي ما قولتي دي بتبقى راجعة لتربية الشخص وتدينه ملهاش علاقة بالتعليم علي فكرة

لاني شوفت دكاترة طب بيقطعوا في زمايلهم وبيغلطوا في حق ناس مش موجودة

وفي ناس عمال غلابة مبيجبش سيرة الحد اذا التعليم ملوش دور او تأثيره مش كبير في المشكلة اللي حضرتك طرحتيها
الفكرة كلها في التربية
واذا الانسان بيحفظ لسانه
ويتذكر ان الاسلام وصف الانسان اللي بيخوض في اخيه المسلم
كأنه بياكل من جسته وهو ميت
فكان السؤال ؟؟ مين يقدر يعمل كده
فأمتنع كل الصحابة عن الاسائة لاخوهم المسلم مهما كان

انما احنا دلوقتي حدث ولا حرج
انا شخصيا بحاول قدر الامكان مدخلش في اي حوار يكون فيه ايسائه لحد
بحاول لو زعلان من حد او شايفه وحش حاجة من اتنين
يا اروح واقوله اللي جوايا في وشه حتى لو هخصره بعد كده

يا ابعد عنه واشيله من حياتي خالص كأنه مش موجود فيها

ودا ميمنعش اني اوقات بضعف وبغلط في حق ناس بدون وجه حق

بس اتمنى ربنا يصلح حالنا كمسلمين وكعرب وكبشر بنعيش مع بعض
ويحفظنا من الغيبة والنميمة والاسائة للناس بدون وجه حق

تحياتي
لموضوعك الراقي

[Lamees]

معاكِ حق ايمي الموضوع ده شائع جداً
ويرجع ذلك الى العقول التي اصبحت خاوية
ولذلك يميلون الى التفاهة ومن هذة التفاهة
التحدث فيما لا يعنينا
ربنا يهدينا جميعاً
والله المستعان
تحياااتي لرقي وجودك

[(طائر الشرق)]

ما دمنا نملك الوقت الكافى لجلوس لابد

أن نتوقع كل شئ أنحراف سوء سلوك

فتح المجال لهتك أعراض الناس والغوص

فى ما يخصهم وما لا يخصهم ويبتدى

الحديث بكلمات وينتهى بقصة ربما هى

من صنع الخيال ولا مجال للحديث بالخير

عن أحد لأن الخير أصبح قليل

خالص الدعوات

[دمعه حائره]

هو انتى تفتكرى اللى بيعمل كده ربنا بيسيبه
مستحيل
ربنا بيمهل ولايهمل
واكيد الجزاء بيكون من جنس العمل
والضمير الحى ماينفعش ينام ويصحا فى اخر الجلسه
ويكفر عنها بكلمتين
ده تناقض مالوش اى معنى غير قله الايمان
موضوع قيم ايمى تسلمى

[™Amiliya]

اقتباس المشاركة الأصلية كتبت بواسطة العاشق الذى لم يتب الخوض فى اعراض الناس وذكراخبارهم والحديث عنهم هو قديم وسيظل ساريا إلى أن تقوم الساعة ولذا منه أستعاذ سيد البشر صلى الله عليه وسلم وقال اللهم جنبنا ألسنة الناس ومكتوب على باب الجنة خمسة أشياء منهم لا سلامة من ألسنة الناس هدى الله الجميع وعرفهم أين طريق التقى شكراايمى تحياتى

إضافة اكثر من رائعة رفعت

سلمت لهذا المرور

[™Amiliya]

اقتباس المشاركة الأصلية كتبت بواسطة اشاعة شمس للاسف عندك حق فعلا مجتمعنا كله كده حتى انا امبارح لسة كاتب موضوع بالمعنى ده اقربها مثلا واحد صحبي عمل خطوبته علي الديق ومعزمش حد لانها كانت حاجة اسرية وكتب علي الفيس كده فجأة الدنيا قامت ومقعدتش وقريبه اللي المفروض اول ناس يفرحوله فضلوا يقولوا هو مش عاوز يعزمنا وكلام كتير اتقال في حقه مع انه كان اتفاق اوسخ ناس في المجتمع هي اللي بتجيب في سيرة الناس بالشر وتقطع في فروتهم زي ما بيقولوا وبعد كده اول ما يخلص نميمة وشتيمة يقولك يلا مالناش دعوة ههههه يعني مرة كنت في الشغل وفضل الناس تجيب في سيرة واحد وتقطع فيه فجأة بعد ما خلصوا كلام عنه واسائه في حقه قالوا يلا ملناش دعوة فعلطول ضحكت ؟؟ موضوعك جميل لدرجة ان بحس ردي علي مواضوعك بيحتاج كلام اكتر من الموضوع نفسه في النهاية زي ما قولتي دي بتبقى راجعة لتربية الشخص وتدينه ملهاش علاقة بالتعليم علي فكرة لاني شوفت دكاترة طب بيقطعوا في زمايلهم وبيغلطوا في حق ناس مش موجودة وفي ناس عمال غلابة مبيجبش سيرة الحد اذا التعليم ملوش دور او تأثيره مش كبير في المشكلة اللي حضرتك طرحتيها الفكرة كلها في التربية واذا الانسان بيحفظ لسانه ويتذكر ان الاسلام وصف الانسان اللي بيخوض في اخيه المسلم كأنه بياكل من جسته وهو ميت فكان السؤال ؟؟ مين يقدر يعمل كده فأمتنع كل الصحابة عن الاسائة لاخوهم المسلم مهما كان انما احنا دلوقتي حدث ولا حرج انا شخصيا بحاول قدر الامكان مدخلش في اي حوار يكون فيه ايسائه لحد بحاول لو زعلان من حد او شايفه وحش حاجة من اتنين يا اروح واقوله اللي جوايا في وشه حتى لو هخصره بعد كده يا ابعد عنه واشيله من حياتي خالص كأنه مش موجود فيها ودا ميمنعش اني اوقات بضعف وبغلط في حق ناس بدون وجه حق بس اتمنى ربنا يصلح حالنا كمسلمين وكعرب وكبشر بنعيش مع بعض ويحفظنا من الغيبة والنميمة والاسائة للناس بدون وجه حق تحياتي لموضوعك الراقي

الافضل في كثير من اللاحيان لا نجيب سيرة حد لا بالحير ولا بالشر
والاحسن زي منت قلت لو مدايق من حدتشطبه كانه مش موجود

ردك اضافة للموضوع اخي اشاعة

نورت

[™Amiliya]

اقتباس المشاركة الأصلية كتبت بواسطة اطياف الماضي معاكِ حق ايمي الموضوع ده شائع جداً ويرجع ذلك الى العقول التي اصبحت خاوية ولذلك يميلون الى التفاهة ومن هذة التفاهة التحدث فيما لا يعنينا ربنا يهدينا جميعاً والله المستعان تحياااتي لرقي وجودك

عقول خاوية صدقتي وتعشق اكل لحم الناس
والتفاهات مكانها عقول خاوية

نورتيني روني

[™Amiliya]

اقتباس المشاركة الأصلية كتبت بواسطة (عازف الصمت) ما دمنا نملك الوقت الكافى لجلوس لابد أن نتوقع كل شئ أنحراف سوء سلوك فتح المجال لهتك أعراض الناس والغوص فى ما يخصهم وما لا يخصهم ويبتدى الحديث بكلمات وينتهى بقصة ربما هى من صنع الخيال ولا مجال للحديث بالخير عن أحد لأن الخير أصبح قليل خالص الدعوات

فعلا عصام ويحدث ان تتناقل القصص الغير صحيحة بالمرة

نورتني