لو مش لاقى حاجة تكتب فيها ؟ تعالى وأنا اقول لك تكتب فى ايه ؟؟؟؟

[عاشق متيم]

بسم الله الرحمن الرحيم


لو أنت شغال فى صحيفه ومطلوب منك مقال يومى أو أسبوعى
وأنت مفلس وفاشل ولا تمتلك أفكار ؟
الحل السحرى موجود ومش هتتعب نفسك؟؟
لو أنت دخلت الأعلام صدفه وبقيت مذيع وأنت لا تمتلك أى مقومات
لكى تعمل هذه المهنه وعاوز تعمل ضجة والمواقع تكتب عنك
وتتشهر والناس تذكرك حتى لو بالسوء ؟؟؟
الحل السحرى موجود ؟؟؟؟
لو أنت شخص فاشل ومحدش يعرفك وعاوز تشتهر
( الحل السحرى موجود ) ؟؟؟؟
الحل السحرى ( اكتب فى الدين ) ؟؟؟؟
كل شخص عاوز يتشهر أو مش لاقى حاجة يكتب فيها
بيكتب فى الدين ؛ الى أن وصلنا الى وضعنا الحالى إن كل
من هب ودب بقى بيتكلم فى الدين حتى لو مش عنده علم
مش مشكله ؟
والمشكله الكبرى ان هؤلاء عندهم قصور فى الفهم ؟
أو بمعنى أصح لا يمتلكون فكر من الأساس ؟؟
وطالما المؤسسة الرسميه ( الازهر ) بيحتضر
وهناك سكوت لا أعلم سببه عن من ينتقد بدون علم
بل وصل الامر الى تفسير القرآن حسب الاهواء
لمجامله النصارى !!!!!! والكلام الى بيقول ان الشخص
الذى يخوض فى تفسير القرآن يحتاج الى 15 علم .
( فى يومنا هذا هناك أشخاص لا يحفظون جزء عم ولا حتى
بيعرف يقرأ القرآن بطريقة صحيحة وبيفسر القرآن !!!
والشيىء المضحك فى الموضوع ان هؤلاء يطلقون على
أنفسهم تنويرين ومجددى الخطاب الدين ؟؟؟
أى تنوير يتحدثون عنه ؟؟؟
كل شخص ما هو الا امعه يردد كلام قاله المستشرقون من
سنوات طويله ....
على سبيل المثال المستشرق اليهودى جولدتسيهر
الذى يعد من أخبث المستشرقين وكتابه دراسات محمديه
واللى طعن فيه فى البخارى ؛ هذا المستشرق له دراسه
اسمها ( ختم البخارى ) احد الاشخاص الذى يظهر على
أحد القنوات ولا يعرف الا سب كتب التراث والعلماء
وسب الائمه الاربعه ( بيردد نفس الكلمه ختم الجوده
ختم البخارى ومسلم ) فالذين يطعنون حاليا فى صحيح
البخارى عمرهم ما قرأوا صحيح البخارى ولا يعرفوا اسم
الكتاب ؟ وبيقوموا بترديد بعض الشبهات اللى موجوده
على النت ؟ والمستشرقين اتكلموا فيها قبل كده ؟؟
ولما تيجى ترد وتدافع يتقال انت بتقدس البخارى
وبتقدم النقل على العقل هههههه
هما كلمتين حافظينهم وبيرددوهم وخلاص
فكرونى بشخص كنت بتناقش معه فطرح بعض الشبهات
فكل ما ارد على شبهة وأعرفه انه جاهل بينقل وخلاص
وان الشبهات دى شفتها بدل المره ألف والرد بالنسبه لى سهل ؛ كان رده سيبك من دى ويجيب شبهه تانيه ( فهؤلاء غرضهم الطعن
من أجل الطعن ) ولكن هما بيستغلوا تنقيه التراث وتجديد الخطاب الدينى
لكى يكون وسيله لهم فى الطعن فى الدين .
وكما ذكرت لا أعلم سبب سكوت الازهر عن هذا العبث والتشويه
وهذه الحملات الشرسه التى يتعرض لها ائمه بذلوا كل حياتهم
من أجل أن يخرجوا لنا هذه الكتب ( فهل يكون جزائهم هو الخوض
فى اعراضهم وسبهم بأفظع الشتائم )
مصر لا تمتلك مفتى ودار الافتاء تدلس على الناس
وتصدر فتاوى مسيسه وده مش وقت الحديث فيه ..
ومصر لا تمتلك شيخ أزهر ومعرفش الرجل الفاشل ده قاعد ليه ؟؟
ومصر لا تمتلك وزير اوقاف كل اللى أعرفه انه رجل مزايد وبيركب
الموجه وشوف حال الخطباء فى مصر ودى الجهل الذين يتمتعون
به ...
================
وأخيرا لو اتزنقت فى موضوع او عاوز تشتهر أنت عارف الحل
السحرى

[دمعه حائره]

والله عندك حق كله بيفتى سواء فى الجرائد او البرامج
وبقت الحكايه تجاره وشويه جهله بنتلقى منهم المعلومه
وده من بعد ثوره ينايربدأ يظهر وانتشار الفكر الدينى وربطه بالسياسه
الازهر مسيس وايده متكتفه والسبب يقول مصلحة البلد
وفقدوا المصداقيه فى اكتر من موقف
سب العلماء اصبح ظاهره
ومرض بيتفشي فى المجتمع بيفقدنا الثقه فى اى مصدر
الاجتهاد فى الدين مش عيب لكن لازم نبعد عن اى فتوى او آراء تحدد مصير الغير
تسلم عاشق مقال جميل ونورت المنتدى

[توحد ارواح]

بالفعل الظاهره دي انتشرت جدا
في ظل درو الازهر المغيب تماما
رغم انه المؤسسه الدينيه الاولي ف مصر
الموضوع مهم جدا فعلا وحاجه تضايق
ان حديتطاول ع الائمه ولا حياة لمن تنادي
طرح قيم
جزاك الله خيرا

[همس الحنين]

هؤلاء بارعون فى الانتقاد للانتقاد
بارعون فى النفاق كى يجاورو السلطان

باعوا الدين لعرض من الدنيا ذائل

مؤسسة الازهر فى تشيعها الاخير

مؤسسه يحاولون هدمها داخليا قبل خاريجيا
الامر اشبه بالمسرحيه

ان اردت ان تلمع كنجم متوج يتحدث الجميع عنك

تحدث عن الافاضل

ابن تيميه الصحابه امهات المؤمنين

وحجتهم انتم عقول نسخ

بترددوا كلام قرأنى وعلماء لم يعاصرونا الان

ويضربون بالاحكام والادله النقليه عرض الحائط

لا لشئ لكن فقط من اجل اتساع بؤرة الجهل الدينى

عند عامة الشعب

نحن امة شرفها الله بالاسلام

لم نأتى كى نؤؤل الاحاديث او نغير كلام ربنا او نأخذ ما يعجبنا ونترك الاخر

ولو قولت شرع الله فى الارض يقال يعنى الحد

وعاوز تقطع ايد السارق

وكأن الدين ما اتى الا للقطع

فما الحل

الحل

نطيح بعلماء كلنا نفتخر بهم من اجل عقول غطها عفن الجاهليه

عفانا الله واياكم

سلمت لمقالك القيم

[.Lamar]

فعلا هو حل سحرى

بس ايه الثمن المقابل لاستعمال الحل

معك حق

اسهل شى دلوقتى اعمل واعظ و مفتى كمان

واستغل جهل الناس بدينهم

و ابدأ احسسهم انى اكتر علما

و اقرب الى الله

واستغل خوفهم و ابث فى عقولهم كل الافكار

المغلوطة و اللى ممكن يكون فوايد لفئة معينة

مش هنقول غير حسبنا الله و نعم الوكيل

كل الشكر اخى لموضوعك القيم

تحياتى و تقديرى

[big bốss]

عندك حق يا عادل

كل الى حابب يتشهر يدخل فى الدين و يفتى زى ما هو عايز

و الى عايز يكسب فى الانتخابات يدخل الدين

و الى عايز يقتل الناس يدخل الدين

المفتاح السحرى لكل مشاكل العصر اصبح هو الدين

و بقينا بنشوه اسلمنا بايدينا

ربنا يبعد مقته عنا

جميل موضوعك عاشق متيم

[جنون قلب]

كله كوم وإسلآم البحيرى كوم تانى
وأحد مبيفهمش فى اى حاجه
وكل كلآمه كفر والعيــآذ ب الله ..
وطعن فى الشرفــآء فقط
بدآيته كـآن البخـآرى ومسلم عليهم رحمه الله
واستنـآدآ منه على الامــآم الغزآلى وكلآمه
دلوقتى تعالوآ نشوف حلقه ليه
هتلآقوه بيتكلم عن البخـآرى ومسلم والغزآلى
والنصوص القرآنيه
اللى مستغربله ب صرآحه
ليه مفيش حد بيرد عليهم من رجـآل الازهر
مع ان الرد بسيطـ
هنفترض انه كلامه صح .. ان النـآس دول على بـآطل
واحنتآ بنقدس كلآمهم الغلط
انا ايه يخلينى اصدق وأحد زيكـ
حتى مبيقوليش الحديث ده غير صحيح ليه
مقدمه ولا آروع يخلى الجهلآء يتكلموآ بصوت عالى
تيجى تجـآدل الكل يخرس
ويقولك الآحـآديث دى هى اللى سببت العنف
تقولهم .. ايه بقى ..
اكيد فى حق وفى بـآطل
ولآزم الحق ينتصر



مشكور اخوى
واعذرنى على الاطــآله
دُمت ب امــآن الله

[إيلاانا]

كل مااعرفه لحوم العلماء حرام

نأخذ منهم النافع ونترك ماغير ذلك

وكل إنسان على نفسه بصير الكثير اخي من يدعي الدين

ومع الاسف كل تصرفاته منافيه له فلا اخلاق مع الاسف ولا حسن معامله

والرسول عليه السلام يقول ( اعلى مراتب الجنة احسنكم خلق)

لا بكثرة الصيام والصلاة ولا قراءة القران رحمنا واياكم

وجعلنا ممن اهتدى بهديه عليه السلام

أحسنت طرح بوصف حال الكثير ممن نجد

بارك الله فيك واسعدك

إيلانا

[احساسى صحيح]

شوف يا عادل سبب خروج انسان جاهل زى اسلام بحيرى
ليتحدث فى الدين ويشوه فيه ويريد هدمه كما صرح بعضمة لسانه
وفيه غيره كتير ذكروا اسوء
بحجة تجديد الخطاب الدينى
وهل يصح إن القرأن يحدث ؟
وهل يصح إن ما اخذناه عن الرسول عليه الصلاة والسلام يحدث
بدايتاََ
هذا الوضع الحالى ومما تراه خلقه المشهد الذى نعيشه
لن اتكلم عن الاخوان او إنهم مظلومون او احور المغزى من مقالتك
بل على العكس لا بد لنا ان ندرك الحقيقه
وهل عندما يخرج وزير الاوقاف ويقول ان السيسى من منزلة الانبياء
ماذا بعد تريد لوطنا وماذا بعد تريد ان يكون الخطاب الديني وكيف تريده ان يكون ؟
تلك هى حداثتهم ومفهومهم الجديد عن الدين
الكل صمت عن ذلك والكثيرين اسائوا لديننا وليس للاخوان
بحجه زرعها لنا إعلام عاهر
وهل من الممكن ان نثق فى كلام عاهره ؟
هذا هو الواقع الجديد الذى اراده الكثيرين بجهل تام
واين الازهر عندما قال المدعو إبراهيم عيسى فى سخريته عن كلام الله وضحكه
عندما وصف آيات الله بالسلطانيه ؟
اين كان الازهر وقتها
هذا يا اخى الكريم الواقع الجديد ولن يفيد إعتراضك فى شىء
ولن يتغير شىء لاننا قبلنا بهذا الشىء
وما زال هذا البحيرى ذو الميول الشيعيه الواضحه
فى مكانه مرابط لم يتحدث معه احد واعتلى المنبر
فى زمن الرويبضه الذى يسجن فيه العلماء والمشايخ اصحاب الضمير
والذين فضلوا السجن احب لهم من منافقة سلطه غادره لا تجيد سوى لغة الدم
والله المستعان ..

[عاشق متيم]

اقتباس المشاركة الأصلية كتبت بواسطة دمعه حائره والله عندك حق كله بيفتى سواء فى الجرائد او البرامج وبقت الحكايه تجاره وشويه جهله بنتلقى منهم المعلومه وده من بعد ثوره ينايربدأ يظهر وانتشار الفكر الدينى وربطه بالسياسه الازهر مسيس وايده متكتفه والسبب يقول مصلحة البلد وفقدوا المصداقيه فى اكتر من موقف سب العلماء اصبح ظاهره ومرض بيتفشي فى المجتمع بيفقدنا الثقه فى اى مصدر الاجتهاد فى الدين مش عيب لكن لازم نبعد عن اى فتوى او آراء تحدد مصير الغير تسلم عاشق مقال جميل ونورت المنتدى

هو الموضوع من زمان بس دلوقتى الهجوم أصبح اقوى
والعمليه واضحة جداا انها مترتبه ومعدة مسبقا للطعن فى الدين
والفرصة بعد الثوره كانت سانحة لظهور هؤلاء
الازهر عندنا اصبح شبه ميت
والاجتهاد فى الدين له شروط ميجيش كل من هب ودب ويجتهد
زى ما وزير الثقافه السابق عصفور كان عاوز الموضوع يبقى على البحرى
======
تسلمى حضرتك على المرور
ونورتى