حـُب لآ يرى الشمـس ..❤ ج1

[رآقيہ بأخلاقـى]

ازيكم يا حبايب ان شاء الله الجميع بخير النهاردة ان شاء الله اول جزء من قصة حُب لا يرى الشمس وانا بعتذر عن التأخير بس بصرآحه مكنتش لاقيه فكرة للهيدر تليق على أسم ومضمون القـصه لحد ما استعنت بـصديق لتصميم الهيدر وطبعاً استعنت بمبدع الفوتوشوب عمرو (( ‏The MaSster )) فى الحقيقه يا عمرو انا لو كنت قعدت شهر افكر فى شكل الهيدر عمرى ما كنت هوصل للشكل الرائع ده علشان كدة انا حآبه اشـكرك قـبل ما ابـدأ .. الف شكر عمرو وان شاء الله دايماً تكون المنقذ لكل محتاس وربنا ما يحرمك من رخمتى تعالوا بقى نشوف احداث قصة { حـُب لآ يرى الشمـس } مع شروق شمس يوم جديد تستيقظ عليا على صوت رنين المنبه فى الساعه السادسه صباحاً .. نهضت من فراشها ونظرت من شباك غرفتها وهى مبتسمه ابتسامة تفاؤل وأمل لهذا اليوم خرجت من غرفتها وذهبت لغرفة والدتها وكانت الام مستيقظه ثم دار بينهم الحوار التالى :ـ عليا : صباح الخير يا ست الكل الام : صباح النور يا حبيبتى .. ايه اللى صحاكى بدرى كدة عليا : ايه يا قمر انتى نسيتى ان عندى ميعاد شغل النهاردة هروح اشوف وظيفة السكرتيرة اللى قال عليها شريف ادعيلى ربنا يوفقنى فيها ويقبلونى الام : ربنا يوفقك يابنتى ويحفظك ويكتبلك فى كل خطوة سلامه عليا : يا سلام احلى دعوتين على الصبح ربنا يخليكى ليا وميحرمنيش من دعواتك يا ست الكل الام : طيب يلا يا بكاشة روحى جهزى نفسك عشان متتأخريش عليا : لا مش قبل ما اجهزلك الفطار يا جميل وخرجت عليا من غرفة والدتها ذاهبه الى المطبخ لتحضير الفطار ثم رجعت وقالت :- عليا : ماما انا جهزت لكِ فطار على السريع كدة عشان خاطرى افطرى واخدى ادويتك الام : حاضر حبيبتى يلا روحى انتى علشان متتأخريش ربنا يحفظك ويقدم لك الخير عليا : ماشى سلام يا ست الكل الام : مع السلامه خرجت عليا من منزلها ووصلت الى مكان الشركة وصلت وعند المصعد رأت شاب طويل عريض وسيم يدخل من باب المصعد وكاد ان يغلق الباب فقالت مسرعه انتظرنى من فضلك الشاب : نظر اليها نظرة تكبر وغرور ثم انتظر دخلت عليا وقالت له الدور الثالث وعندما وصل المصعد للدور الثالث خرج منه وتركها قدخل الى نفس الشركة فسألته قائله :ـ هو حضرتك شغال هنا ؟ الشاب : نظر اليها ولم يجيب عليها دخلت الى الشركه ووصلت الى سكرتيرة المدير (( سهام )) وقالت لها . عليا : صباح الخير .. لو سمحتى انا عندى ميعاد مع المدير سهام : صباح النور .. هو حضرتك اللى جاية لوظيفة سكرتيرة مساعد المدير عليا : ايوه انا سهام : ماشى ثانية واحدة ادخل ابلغ المدير وبعد بضع ثوانى خرجت سهام واشارة اليها بالدخول طرقت عليا الباب ودخلت الى المدير (( استاذ مصطفى )) عليا : صباح الخير يا فندم انا عليا جايه لوظيفة سكرتيرة مصطفى : ايوه اتفضلى اقعدى عليا : شكراً .. اتفضل هنا كل اوراقى المطلوبه مصطفى : تمام فعلاً كله موجود طيب اتفضلى روحى لسهام خليها توصلك لآستاذ محمد المساعد اللى هتشتغلى معاه عليا : يعنى انا كدة قبلت فى الوظيفه ؟ مصطفى : ايوه اتفضلى خرجت عليا من مكتب المدير .. وذهبت الى سهام وقالت لها .. استاذ مصطفى .. وتقطعها سهام قائله ايوه قالى اتفضلى اوصلك لمكتب استاذ محمد ذهبت معها الى مكتب مساعد المدير دخلت سهام اولاً وابلغته ثم قالت لها تفضلى هو بأنتظارك دخلت عليا لتجدة هو نفس الشاب الذى قابلته عند المصعد ونظر اليها بتكبر وتعالى ولم يرد عليها .. اصبها بعض التوتر ثم استجمعت قوتها وبدأت بالكلام عليا : صباح الخير .. انا عليا وجايه لوظيفة السكرتيرة محمد : ايوه عرفت .. يا ترى بقى عندك خبره فى الشغل ولا لسه جديدة وهتقرفينى ولسه هعلم فيكى عليا : اتعصبت واحمر وجهها من حديثه لكنها تمسكت واجابته ان شاء الله هكون عند حسن ظن حضرتك ومش هيبقى فى قرف ولا حاجة محمد : هنشوف عليا : ابتسامة صفرا .. ان شاء الله محمد : اتفضلى روحى لسهام هتعرفك مكتبك وابتدى الشغل عليا : وهى متغاظه .. حاضر عن اذنك محمد : بكل تكبر .. اتفضلى خرجت عليا من مكتبه وهى مضايقه وبتكلم نفسها سهام : هههههههههههه ايه هو بدأها معاكى من اولها كدة عليا : ايه المخلوق اللى كاره نفسه ده سهام : هو كدة يا اختى محدش بيطيقه ولا هو بيقبل حد هنا عليا : طيب وايه اللى مصبركم عليه سهام : اولاً هو صاحب المدير وكمان هو اللى شايل الشغل كله وشاطر جداً ممتاز علشان كدة المدير متمسك بيه يعنى هو جد مش بيحب الهزار ولا التهاون فى العمل عليا : ربنا يستر واقدر اكمل معاه سهام : ان شاء الله لو انتى شاطره هتستمرى اهم حاجة تاخديه على قد عقله هههههههههههه عليا : ليه هو مجنون كمان ؟ سهام : لالالا انا اقصد تكونى جد زيه واوعى تفكرى تهزرى او يكون فيه تقصير منك فى العمل عليا : ربنا يستر انتى بتقلقينى اكتر مش بطمنينى سهام : لا اطمنى بأذن الله خير .. تعالى بقى علشان اوصلك لمكتبك بصى يا ستى ده بقى مكتبك وفى الدرج هتلاقى ملفات كتير بصى فيها واتعاملى انتى بقى معاهم عليا : ماشى ربنا يسهل الحال ذهبت سهام وتركت عليا وحدها .. جلست عليا وشردت بذهنها فيما حدث من ذلك الشخص المستبد المغرور وتفكر كيف لها ان تتعامل معه سرحت وسرحت وفجأة تنتفض من مكانها على صوت عالى ينادى عليها وعندما انتبهت وجدت ..... التكملة فى الجزء الثانى ان شاء الله

[توحد ارواح]

جميله القصه ومشوقه
وطريقة السرد سلسه وبسيطه
تسلمي نور وبانتظار التكمله
بس مش تتاخري علشان مش انسي الاحداث
وكمان عاوزهّ اعرف هتتعامل ازاي عليا مع مساعد المدير
تقديريّ

[.Lamar]

جميلة القصة يا نور

انا بحب القصص جداااااااا

منتضرة اعرف بقيتها

و الهيدر روعة بجد

تسلم ايدين اخى الماستر

متتاخريش بالجزء التانى يا بطة

ودى لكى

[The MaSster]

نور
بصراحه دائما بتحرجينى بذوئك
وبجد كتير اوى كل المدح ده .
بجد انا بعتبر اى حد يطلب منى شىء اقدر اصممه انها مش رخامه
لانى بحب التصميم
.اى شىء انا فى الخدمه
..

وبجد القصح بدايتها مشوق وروعه
وطريقة السرد سهله لانتظار باقى الاجزاء
.
دائما مبدعه بانتظار جديدك

[جنون قلب]

إعطــآء كل ذى حق حقه ..
اعجبتنى بدآيه الموضوع .. حقا ..والكلمه
فى حق عمرو .. اعجبتنى كثيرآ آن تكون هى البدآيه
.
.
.
عَوده ل القصه ..
تنبأت ل يكون بطل القصه هو نفس الشاب الذى كان ب المصعد
منذ بدآيه الحديث عن الوظيفه
وايضــآ خمنت ب آن يكون هو مصدر إزعــآج ل البطله
وفى نفس الوقت س يكون مصدر السعـآده ,.
على مــآ آعتقد ..



اعجبنى النص كثيرآ .. وايضـــآ اعجبتنى كثيرآ
اسمــآء الشخصيـــآت .. وب الاخص البطله .)( علـيـــآ
وإسم سهَـــآم ..
لآيقين على القصه ..



بدآيه مشوقه حقــآ ل مجريــآت الحديث
تُنبأنــآ ب آن هنــآكـ أمور عديده .. س تحدث
علينــآ آن ننتظرهـــآ ب شغف
نحن فى انتظــآر آن نعرف سبب هذآ الصوت العــآلى
ومن اين يأتى ..



.
.
رآقيه ب أخلآقى
اسلوب كتـآبى رآئع .. وسرد روآئى مميز
حقــآ ابدعتى فى كل شىء هُنــآ
حتى إختيــآركـ ل الكلمـــآت .. والمبررآت كانت اكثر حنكه
بمعنى ان الشاب متكبر .. وفى نفس الوقت باقيين عليه
وذلكـ ل آسبـآب وضحتيهــآ ب طريقه كويسه جدآ



دُمتى ب الف خير
ونحن ب الجوآر ل تُطيلى الانتظـــآر

[phalsteen]

الله الله
ايه يا بت الجمال دا
انا مستنيه القصه من بدري
وكنت متوقعه البداية القوية دي
منتظرة الباقي
تسلمي نور

ثانكس عمرو علي الهيدر الرائع دهون

[شاعر الحب الحزين]

لا بجد بداية جميلة يا نور

عرفتي ازاي توصلي الفكرة بمشهد بعد مشهد

وحوار بعد حوار بطريقة جميلة ومش ناقصة حاجة

برافو عليكي واكيد الجزء التاني هيبقى اجمل

ربنا يوفقك ويسعدك

[أميرة محمود]

قصة عسولة راقية
ومنتظرة الباقي
عايزة اعرف هيحصل ايه

[رآقيہ بأخلاقـى]

اقتباس المشاركة الأصلية كتبت بواسطة توحد ارواح جميله القصه ومشوقه وطريقة السرد سلسه وبسيطه تسلمي نور وبانتظار التكمله بس مش تتاخري علشان مش انسي الاحداث وكمان عاوزهّ اعرف هتتعامل ازاي عليا مع مساعد المدير تقديريّ

معلش بقى ندى مكانش بإيدى التأخير
تسلميلى حبيبتى على كلامك الجميل
متحرمش من طلتك الغاليه
نورتينى توحد

[رآقيہ بأخلاقـى]

اقتباس المشاركة الأصلية كتبت بواسطة لمار* جميلة القصة يا نور انا بحب القصص جداااااااا منتضرة اعرف بقيتها و الهيدر روعة بجد تسلم ايدين اخى الماستر متتاخريش بالجزء التانى يا بطة ودى لكى

انتى أجمل لمورتى
وهى كمان بتحبك جداً
مش هتاخر عليكى ومش هتنتظرى كتير
لازم يكون الهيدر روعه لانه من ايد محترف
حاضر يا قلبى
نورتينى كتير