نصائح للعريس .. اشمعنا احنا

[ACADMIC]

سلام الله عليكم


اشمعنا احنا وفعلا اشمعنا احنا




قبل الفرح بأسبوعين

حسابك في البنك مغطى(مش بكره تفلس وتقول مقلتوليش ليه؟ )


حجز تذاكر السفر لشهر العسل..

حجز الاوتيل في بلد شهر العسل..

(خللي اختيارك رومنسي شوية يعني روح لمكان بعيد انت وياها)(جزيره نائيه)فرصه تضيعها وترجع وحدك كانك متعرفش

او مكان في الجبل والهواء منعش

هديه بسيطة تهديها لعروستك في أول يوم عسل ..

تجهيز كل الحاجيات لبيت الزوجيه ..

قبل الفرح بأسبوع

ما تحلقش ابدا قبل أسبوع كامل عشان يوم الفرح دقنك تبرق

استلام التذاكر السفر..

استلام تأكيد حجز الاوتيل..

علق هدومك في بيتك الجديد مش تروح طرزان..

البلده والكرافات والقميص والجزمه جاهزين..

أدواتك الشخصية كاملة وجاهزة..

فرشاه اسنان..

ماكينه الحلاقه..

عطوراتك..

ملابسك الخاصه..

نظف وجهك بالبخار قبل أسبوع من العرس( علشان مايطلعش وجهك منفخ في العرس)

يوم الفرح !!!

خذ كفايتك من النوم

بعد ماتقوم خذلك دوش دافي وافرك نفسك كويس بالليفه الخشنه تلاقيك من العيد للعيد بتستحم .. روق بالك وعقلك

وفكر في افكار حلوه ورايقه عشان ينعكس الروقان على وشك

(يعني متروحش الفرح وانت مكشر او مرتبك او او او.)

تغدى كويس عشان ماتوقعش مغمن عليك في الفرح من الجوع

عشا مافيش !!

ما تحلمش انك تاكل في الليل علشان تكون خفيف ياخفيف

(في واحد طفس تعشى قبل العرس وجاله تسمم من الطفاسة ليلتها وقضى الليله مابين الحمام والحمام وكانت ليله مايعلم بيها الا ربنا .

روح موعدك للمزين وخليه يعملك حلاقه معتبره ومساج عشان يروح أي ضغط عصبي وريلاكس

البس هدومك وحط برفان حلو

دي لسته على البيعه بانواع العطور الرجاليه الحلوه:

هريريرا

كارتييه

شانيل

بوشيرون

س ت ديبون

ديون


ارسم الابتسامه الحلوه

لحظة الدخول سمي بالله

ارسم ابتسامه حلوه

وجه عيونك لعروستك اللي قاعده في الكوشه (ده لومعملتش فيك حركه نذاله وسبقتك للكوشه وقعدت على الكرسي قبلك)

اما لو كنتوا ماشيين سوا:

امسك ايدها بشويش مش تضغط عليها كانك عيل خايف وماسك ايد امه

لان العروس في للحظه دي محتاجه اوي للحنان والاطمئنان يعني حسسها بالامان بمسكه ايدك

لما توصل عند الكوشه وقبل ماتقعدوا على الكراسي

ارفع الطرحه عن وشها وبوس جبينها

دلوقتي اقعد على الكرسي

انتبه ماتقعدش على كرسيها (واحد من اللخبطه بعد ماقعدت عروسته وهو كان يسلم على اخواته وعماته لما جيه يقعد قعد في حجر العروسه وبقى منظره صعب لما كل المعازيم فطسوا على روحهم من الضحك عليه .)

بعد التصوير بيقدمولكم عصير عشان تشربوا


انتبه ماتكسفش العروسه ا وتشرب العصير لازم تشربها من كاسك وتشربك من كاسها وياريت تنتبه انك متوقعش العصير على فستانها ..

واذا لاسمح الله دلقت العصير على الفستان ااضحك ضحكه هبلة ء وقولها ادلقي كبايتك على بدلتي علشان نبقى خالصين هههههه.

وانت قاعد في الكوشه مع العروسة ما تستظرفش دمك وتسالها مين دي ومين دي

في واحد سال عروسته وهما في الكوشه قال لها مين دي اللي لابسه عدسات زرقة وبتضحك كده
(من يومها ومراته فاقده الثقه فيه)

لو عيونك ضربت شوط وشافت العدسات تعمل ايه؟؟

عندي لك حل البس نظارات سوود في الفرح عشان متشوفش حد

بعض الافراح بيقوموا العريس مع مع عروسته للرقص (ماتنساش نفسك وتقعد تتنطط وتكسف العروسة )

عند تقطيع التورته :

اامسك ايدها وروحوا للتورته ( يمكن هي مش عارفه مكانها )

اامسك السكينه وايدك فوق ايدها على السكينه (ده الاتيكيت)

وقطعوا التورتة ..خذ بالشوكه قطعه صغيره تنتوفه يعني عشان تأكلها مش تشيل نص التورته في الشوكه
وتقولها كلي

منقــــــــــــــــــــــول


احمــــــــــــد

[Şα3Đ..♥]

هههههههههههههههه
تسلم ايدك يا ابو حميد
ومنها ما هو مفيد وما هو غريب ومضحك
بس احيانا بيبقي ده اللي بيحصل
وتسلم ايدك وروعه يا احمد
ومن تقدم لتقدم يا غالي
وتقبل مروري
اخـــــــــــــوك

[ACADMIC]

ميرسي يامحمد

وفعلاً والله انا عجبني الموضوع عشان انا ساعات بشوف الحاجات دي

وفيها حاجات نستفيد منها

لازم تستفيد من تجارب الأخرين

شكراً يامحمد لمرورك

يارافع معنوياتي

هههههههههههه

[سنونو]

هههههههههههههههه

والله فعلا انا فرحي بقاله شهرين،،،، وعملت حبة من الحاجات دي

يعني عقبال كدة ما يتعمل الفرح يكون اتخرب بيتي وفلْست.......ههههههههههههههه

يسلمووووووووووووو اخي علي اوفر واحلي نصائح

في انتظار جديدك دائما،،،،،،،،، اخوك الاء السنونو....

[ACADMIC]

شكراً الاء نورت التوبيك ياباشا

يارب النصائح تفيد