دايت

[™Amiliya]

صباح الخيرات والانوار والتفاؤل عليكم

لينا فترة زمنية طويلة متقلصيين ع نفسنا كدا بسبب الضغوط العملية الي بتاخد اي حد حتى من نفسه

في موضوع ممكن مش جديد بس زاد عن حده

الدايت او الرجيم

بقيت بسمعها كتير اوي اوي لدرجة الملل ومعرفش هل هو فعلا احنا محتاجين دايت مستمر في حياتنا
يعيش ويقوم وينام معانا عشان نكرر الكلمة او الفعل

تقريبا الناس بقا الدايت عندها اهم من اي حاجة في حياتها

مش معنى دا انا ضد الرجيم ع قولتهم لا طبعا انا ضد الاوفر الي وصلو والهوس الي الناس فيه

يعني ايه تتعزم في مكان وعارف انك رايح تتعشى او تتغدى وبكل قلة زوء والناس محتفلة بيك تقولهم عامل دايت؟

يعني ايه تعزمني ونخرج عشان نتبسط ولما اسئلك مبتكلش ومبتشربش ليه تقولي عامل دايت؟

طب انت عزمتني ليه او انا عزمك ليه

الحركة دي وصلتني اني عايزة لو هزعم حد قبل مقولو عازماك اسالو هو انت عامل دايت ؟

الي يفقعلك مرارتك اكتر لما يكون حد مش محتاج يخس وعادي جدا اكلو وصحتو حلوة وتلاقي كل ميقعد يقولك عامل دايت تقولو جسمك حلو
يقولك لا اصلي زدت 2 كيلو ولازم اتخلص منهم

بالزمة سعتها تعمل ايه ؟

/

للدرجادي بقينا قليلين الزوء ومش قادرين نكون مقدريين للناس ؟
سواء المعزوم عندهم او الناس الي محتاجة فعلا تعمل دايت ومش عندها الحماس او القدرة
وبتشوف غيرها وتزعل وتدايق ع نفسها احنا بكلامنا دا بنزيد عليهم وبندايقهم

خاصة لما يكون حد قليل الزوء جدا كل ميشوف حد مليان شوية يقولو انت لازم تعمل دايت ... انت سايب نفسك كدا ليه...

العجيب بقا اني سمعت بنات بيقولو ع صحبتهم المليانة انهم بيتكسفو يمشو معاها؟

يارب رحمتك من السخرية

انا بقيت افسر الي يقول عامل دايت انه حديث نعمة

يعني لو انت عايز تخسر كم كيلو او الدكتور قايلك خفف من اكلك واعتمد ع الاكل الصحي انا جدا مشجعة لكدا بس في اسلوب انك تعرضو وتقولو
بمعنى لو اتعزمت تقدر تجامل وتاكل الحاجات المسموحة ليك او انك تعتزر عن العزومة كلها وتاجلها ليومك المفتوح الي مخصصو ليك الدكتور


/

الناس الي عمالة ع بطال عاملة دايت ومش بتخس اصلا وماشية تقولها وخلاص عاملين زي الي اول مرة يشوف حاجة ومسك فيها
نوع من استايل الحياة والتمدن والتحضر والمودرن

الدايت اسلوب حياة مش اعلان ملزم انك تعيدو عليا اكتر من مرة

الدايت سلوك غذائي تقدر انت تعملو لنفسك لو عندك المقدرة

لكن الناس الي تعبتنا من كتر مبتكرر ع سمعنا دايت

اقولهم بليز ارحمونا لاننا احنا بكلامكم دا هيجلنا دايت

/

هو انتو عاملين دايت؟

[اشاعة شمس]

ههههههههههههههه


دايت
كلمة عمري ما قولتها
بس بجد انا برفض اكل من غير دايت

بتكسف لما حد يعزمني مبعرفش اكل براحتي قدام الناس

بس عاوز اتكلم عن حاجة فكرة الدايت دي انا رافضها بسبب انها ممكن تأثر علي صحة البنت

لذلك كان نصحتي الدائمة لشخص ما : كل براحتك واللي بيحبك هيحبك وانتي طخينة وانتي رفيعة



وما زال بتعمل دايت

بس اظن انه تقديرا للناس وتعبهم في تحضير العشا وحتى لو كان اكل دليفري
وتقدير لعزومتهم ودعوتهم ليك للعشا
لازم تاكل وتفرحهم

ولو مقدرتش تاكل كتير يبقى لا يكلف الله نفسا الا وسعها
وحضرتك تقولهم كلمتين زي مثلا كفاية دعوتكم ليا والله يا جماعة دي لوحدها كأني كلت الاكل جميل اوي تسلم ايدك

كده يعني

انما تروح تقولهم عامل دايت دي قلة زوق من حضرتك


تسلم ايدك علي موضوعك الجيد جدا ايميليا

[دمعه حائره]

احم احم عامله دايت ياايمى
متهيألى كده دلع وحجه عشان ماتاكلش
عن نفسي مبعرفش اكل عند حد لكن معرفش اقول كلمه عامله دايت
تحسيها احراج ليهم يعنى هاتكلوا كتير ياعديمى الدايت هههه
عموما دخول الصيف هتسمعى الكلمة دى كتير حتى لو مش بجد
وعلى رايك الدايت لازم يكون اسلوب حياه لازم ناكل بالمعقول
موضوع قيم ايمى واقعى وفى وقته

[Lamees]

والله يا ايمي انا لما بكون معزومة
بنسى الدايت وام الدايت وابوه كمان
ودي فرصة تضيع مني برضه ^_^

[الفيلسـوف]

دايت ف عينك ياشيخه مش كفايا موضوع الورك بتاعك
والله لو حنتكلم بعقلانيه شويه ياايميليا حقول عندك حق
والله بتفكرنى بناس ف الشغل اوفر شويه عندى ف المكتب طول النهار والليل تقول
انا خاسه انا زايده ف مره قولتله بالله عليكى ارحمى امى التعبانه وشوفى شغلك
بدل مااخصملك سنيتن ههههه
نيس توبيك منوره الدنيا ايميليا

[big bốss]

البنات عندها هوس بالديت و الاناقه و الجمال

و دا اهم شىء فى حياتهم شيفينه

عقليتهم فاضيه

اما الرجاله بتاكل و تربي كرش و سيباها على الله هههههههههههههه

[أميرة محمود]

الدايت للإنسان لو غرض صحى او غرض جمالى اوكيه
اما بقا لو بيتعامل معاه كانه اتيكيت ومظاهر اجتماعية
ويحرج الآخرين ال قاعدين معاه ع نفس السفرة
يبقا نوو طبعا دا اسلوب غلط
عموما يا ايميليا انا مش عاملة دايت اعزمينى بقا
ثانك يو ع الطرح المهم يا قمر

[Fatma eissa]

ده احسن حاجه
عشان يتيح ليها الفرصه انها تحافظ علي
نظهرها واناقتها دول اهم حاجه
لما لو ملت شويه
تبدا تعمل رياضه عشان متبنشي
انها مليانه
اما بعد الجواز فيه ناس تفضل محافظه
وناس تنيه لا
تسلمي علي طرحك الجميل

[™Amiliya]

اقتباس المشاركة الأصلية كتبت بواسطة اشاعة شمس ههههههههههههههه دايت كلمة عمري ما قولتها بس بجد انا برفض اكل من غير دايت بتكسف لما حد يعزمني مبعرفش اكل براحتي قدام الناس بس عاوز اتكلم عن حاجة فكرة الدايت دي انا رافضها بسبب انها ممكن تأثر علي صحة البنت لذلك كان نصحتي الدائمة لشخص ما : كل براحتك واللي بيحبك هيحبك وانتي طخينة وانتي رفيعة وما زال بتعمل دايت بس اظن انه تقديرا للناس وتعبهم في تحضير العشا وحتى لو كان اكل دليفري وتقدير لعزومتهم ودعوتهم ليك للعشا لازم تاكل وتفرحهم ولو مقدرتش تاكل كتير يبقى لا يكلف الله نفسا الا وسعها وحضرتك تقولهم كلمتين زي مثلا كفاية دعوتكم ليا والله يا جماعة دي لوحدها كأني كلت الاكل جميل اوي تسلم ايدك كده يعني انما تروح تقولهم عامل دايت دي قلة زوق من حضرتك تسلم ايدك علي موضوعك الجيد جدا ايميليا

متفقة جدا معاك

نورتني محمود

[™Amiliya]

اقتباس المشاركة الأصلية كتبت بواسطة دمعه حائره احم احم عامله دايت ياايمى متهيألى كده دلع وحجه عشان ماتاكلش عن نفسي مبعرفش اكل عند حد لكن معرفش اقول كلمه عامله دايت تحسيها احراج ليهم يعنى هاتكلوا كتير ياعديمى الدايت هههه عموما دخول الصيف هتسمعى الكلمة دى كتير حتى لو مش بجد وعلى رايك الدايت لازم يكون اسلوب حياه لازم ناكل بالمعقول موضوع قيم ايمى واقعى وفى وقته

فعلا الموضوع محرج اوي منونة حتى لو عاملة نجامل الناس ونقدرهم

منوراني حببتي