طلاسم كيبوردية

[™Amiliya]

مساء الانوار الجميلة

ليا فترة طويلة اوي تربطني بالكيبورد علاقة حميمية علاقة تكاد تكون شبه مكتملة من التواصل

وفي كل مرة اكتب حاجة لاوم اراجع الكلام الف مرة عشان ابعتو ويتقري بدون اخطاء املائية كيبوردية

طبعا لا يخلو الامر من ان الكيبور حروفو بتفوت فيقوم يبعت كلمة غير الكلمة حرف ناقص حرف زايد
فيقوم يقلب المعنى تماما

يحط في مواقف محرجة لا حصر لها

طبعا كيبوردي مستقصدني وبشكل كبير لانه تقريبا مفيش موضوع او شات مع حد الا لازم كلامي كله طلاسم وارجع اعيد الكلام والمصيبة اني في مرة عيدت الكلمة 4 مرات غلط بردو

وع قولت اخويا الله يرحمه بحس ان طلاسمك لعنات هتنزل عليا

الموضوع فعلا يدايق خاصة لو الي بتتكلم معاه مش عارف يفك الطلسم ويقرا انت عايز تقول ايه

واحيانا كتير طلسمك اصلا مش مفهوم ليك ولا عارف تفك شفرته

لكن يرزقك ربنا بحد كدا يقولك ولا يهمك اكتب زي منت عايز انا فاهم الكلام
الله بقا لما بيكون كدا كيوت وميتريقش ولا يعملها فرح

الاخطاء الكيبوردية فعلا مشفرة وعملية متعبة

وانا من الناس الي تعبت اصحابها اوي بكلامي الملخبط

لدرجة وحدة صحبتي تقولي يابنتي انا حاسة اني بتكلم مع وحدة اول مرة تكتب عربي

/

ياترى عندك طلاسم كيبوردية ؟

/

تحياتي المسائية ليكم