انا ونسمة الليل (من مؤلفات تمر حنه )

[تمر حنه]

نسمة ليل

سألت نسمة ليل منين جايه
لفين رايحه وواصله لفين
قالتلي من ارض الغرام والعشق
جايبه معايا سلامين
وجايبه معايا عتب ولوم
مابين حبيبين
وجايبه معايا لهفه وشوق
واهه تعذب التايهين

سالت النسمه فين الحب
مين ناسه
قالتلي الحب؟
مش ممكن نعد فنونه اشكاله ودراسه

ناس الحب قواهم
وناس الحب دمرهم وتوههم وقساهم

وناس حبوا
وقتلت حبهم ايام
وناس حبوا
وقتلتهم شكوك اوهام

وناس الحب سهرهم
وصاحبوا الليل
صاحبوا نجومه حفظوها
ودوبهم غنا ومواويل

وناس الحب ناسيينوا
وعاشوا بلاه
وناس الحب ناسيهم
بيجروا وراه

قالتلي النسمه ياشابه
حكايتك ايه
قلبك فاضي؟
ولا العشق ساكن فيه

لا انا في الحب هيمانه
ولا قلبي عليل
انا عاشقاكي يانسمه
وعاشقه الليل

[تمر حنه]

ارجو ابداء ارائكم الصادقه

[فرحة]

الله الله الله عليكى ياجميل
بجد روحت فى دنيا تانيه وانا اتصفح
هذا الكلام المميز والرائع والجميل
بل اكثر من ذلك

اسعدنى انى اول من رد على موضوك الجميييييييل

[aasheq hearts]

عندما ارى تلك المقطتفات
اعلم ان الابداع من اهل الرقى والتميز
دمتى كما انتى ودام قلمك الراقى

[تمر حنه]

اقتباس:
المشاركة الأصلية كتبت بواسطة فرحة
الله الله الله عليكى ياجميل
بجد روحت فى دنيا تانيه وانا اتصفح
هذا الكلام المميز والرائع والجميل
بل اكثر من ذلك

اسعدنى انى اول من رد على موضوك الجميييييييل




مشكوره يافرحه ياحبيبتي
سعدت بردك جدا
وسعدت اكثر لانك اول من رد علي موضوعي
ميرسي ياحبيبي

[قلب أسير]

الغالية تمر حنة

يا للجمــــــــــال

أحسنتى اختيار حروفك

تميزتى فى انتقاء كلماتك

أبدعتى فى نسج سطورك

راق لى حديثك وطاب لى بوح قلمك

كل ما فى متصفحك يدل على الأبداع

لا تحرمينا المزيد

تقبلى مرورى ... مع ودى وتقديرى