ماسورةعرسان

[حالمة باميرى]

سا الخير عليكو
وحشتونى وقلت مرجعش بايدى فاضية
انا حاليا انسة واعول طفلين ربنا يحميهم وجوزى عازب برضة
الله يخربيت الكدب على الصبح

بصوا بقى بصيتوا؟ طويب انا بقى فى عز الحرالاقى اية واحد جاى وبيسال على حاجة فى الشغل
وبعدين لقيتة بيسال عنى اصحابى وانا كنت وقتها
مزة بقاكنت شبة ايشوارياراى
وكنت منشكحة اخر انشكاح هودة الى كان نفسي فية يعجب بية من اول نظرة ازاى معرفش
اصحابى بصولى وضحكوا
طب فية اية ياجماعة وعطولة بياناتى وانا متوقعتش انة عريس ولاخدت بالى من شكلة اصلا وبعدين روحت وبعد كم يوم الاقى اخوية بيحكى لى عن اللى حصل وانة عريس وجاى يوم الاحد فرحت بقا وجة اليوم الموعود وانا بقى مستنية اشوفة شوية وزوجة اخى قالتلى دة لابس بنطلون جنز لما تدخلى ركزى علية قلت ماشى شوية وقالتلى لاهو بجلبية قلت ميضرش رجعت قالت شكلة ابو بنطلون كنت عاوزة اقول اية قلة التركيز على اللخبطة دى

دخلت بقا اول ماقعدت ببص الاقى الراجل بيبص نظرات كدا مش مريحة

اول ماسمع نسال عليك قام قالى انا هقولك على سرطب ازاى يابن المدايقة واخوية قاعد والسربيكون بين اتنين واحنا تلاتة قلت قول قالى انا كنت كاتب كتابى على بنت عمى بس كان عندها تبول لاارادى عارفه يعنى اية كنت عوزة اقول لايابن الورمة اشرحلى يجيلك ويحط عليك ويشفى الكلاب ويضرك فضحت الولية منك لله يابعيد
وبعدين مش انا اللى اخترتك دة ابن عمى اللى مشى وراكى ونقاكى لى كتمت غيظى والا كنت قلتلة يالا ياد من هنا لاخد فيك ست شهور
عموما العريس طار
ابس الى بستغربلة انى كنت افضل طول السنة ملطشة محدش بيعبرنى بعريس نص لبه حتى واجى
ايام الحر والعرق ماسورة عرسان وتتفتح

واحب اقول لكل واحدة متفرحيش بكترة العرسان ممكن يجيلك واحد ابن كئيبة يقرفك ويجيلك انحوال ف ودانك زيى

[شاعر الحب الحزين]

ههههههههههههههههاي

رفضتي العريس يعني

اهو انتوا كده تفضلوا تقولوا إيمتا يتقدملي حد

ولما ييجوا يتقدمولكوا ترفضوهم عشان لابسين جلاليب هههههاي

بس بيني وبينك دي عشرة عمر ما تتجوزيش حد مش داخل قلبك

هو ده السر اللي الراجل ابو جلبية استأمنك عليه

لا احنا مش اغراب قولي سرك في بير بس ماسورة العرسان متمدش لمنتديات تانية

ههههههههههاي


عالعموم منورة المنتدى برجوعك وبخزعبلاية جميلة

حمدلله ع السلامة وافضلي احلمي بأميرك لحد ما تلاقيه

منورة المكان يا ست عروسة

[Lamees]

ههههههههههههههههه
متستعجليش يا بت
في ماسورة عرسان هتضرب الشهر الجاي
اختاري زي ما يعجبك

[ساحر الأحزان]

ماسورة مرة واحدة


ولا مواسير واتفتحت على بعضها


حمد لله على السلامة

نورتى

[العاشق الذى لم يتب]

اناعاوز ماسورة عروسات
لوعندك ابعتيلى ماسورة
منورة
سحر
ربنايبعتلك عريس

[ساحر الأحزان]

المواسير فين من زمان

وحشتنا الخزعبلات الشرانيه دي


حالمه بعريسي

[mrmr al sayed]

شكرا جزيلا