دور جواك

[a7med -3del]

جرب تحضن لياليك

خليها لو مرة عليك

متقولش دى حاجة غريبة

فرحك محتاج تركيبة

مابين اليأس والاحلام

هو قرارك وبايديك

خليك دايما متفاءل

ده اللى بيزعل مش عاقل

دور كده حواليك

هيعدى العمر تجارب

احزان افراح بتحارب

وتبان لك جاية عليك

بس انت كده مش فاهم

او عامل نفسك نايم

طب فتح شوف بعينيك

هتلاقى حاجات تستاهل

علشانها تحارب قاتل

دور جواك تلاقيك

Ahmed adel
3-6-2015

[Lamees]

اعجبتني جدا استاذ احمد
عامية خفيفة وراقية
كما انها تعلمنا الحياة
والبحث عن الذات وما تحتويها
يروقني قلمك كثيراً
كل الشكر والتحية

[شاعر الحب الحزين]

جميلة جميلة وفيها ترغيب وترهيب رهيب

دعوة جميلة لحياة جميلة رغم كل التحديات

دور جواك هتلاقي كلام جميل يا ابو عادل

ده اللي احنا بندور عليه وانتا دايما تمتعنا بيه

تسلم ويسلم فكرك الجميل

ربي يوفقك ويسعدك

[السفيره عزيزه]

صح اكيد فية جونا
رغبة ورهبة وخدانا
واهي عايشة ديما ويانا
ونحاول ونمشي على
هوانا
ولو حتى الدنيا منعانا
نفرج بكرة يا دنيااااانا


سلمت ودمت بخير
السفيرة

[ParoOo]

فعلا جميله جدا

[Dr. AnOosHo]

تحفففففففففففففففة بجد تحفه

خاطره بتمس كل حد فينا .. على مدار اليوم على مدار الشهر السنه لازم نعدي بمواقف توقعنا وتحبطنا

بجد تسلم ايدك وحستاذنك في جمله منها ححطها على الاستاتس عندي على الواتس
فعلا رائعه الخاطرة