مستنى أيه ؟

[big bốss]

مستنى أيه ؟

من مجتمع بيتفائل من براز العصافير لما تعملها على هدومه

مستنى أيه ؟

من مجتمع بيزرع الخوف فى طفله من ابو رجلين مسلوخه و امنا الغوله

و من الخيال و بعد ما الجبن يبكر مستنى يحصد أيه ؟

مستنى أيه ؟

من مجتمع مؤمن بأن الدجال بيرزق و بيمنح الحياه و الشفاء

مستنى أيه ؟

من مجتمع بيغرق الشوارع ميه علشان البنت ترفع العبايه و تبان رجليها

مستنى أيه ؟

من مجتمع مؤمن ان الحامل تعدى تحت الجمل علشان تولد و لو مش

عدت مش هتولد

مستنى أيه ؟

من مجتمع بيتشرط على ربنا انه يرزقه اولاد و مش عايز بنات

مستنى أيه ؟

من مجتمع يخلف عيال و يرمى فى الشارع و يقول الظروف

مستنى أيه ؟

من مجتمع الاخ بيقتل اخوه علشان شبر ارض و لا علشان البهيمه

أكلت شوية حشيش من ارضه

مستنى ايه ؟

من مجتمع بيفتكر عواء الكلب ترديد لدعوة مظلوم

مستنى ايه ؟

من مجتمع كل افكاره واهيه خاليه ضعيفه مبنيه على الخرافات و الخيال

مش مؤمن بالواقع دايما بيعمل حساب لقوى خافيه و بيتخيل نفسه

ضعيف قدامها و مفيش اى اعتبارات للعقل للدين

المفروض اننا بنتقدم للنور مش بنرجع للظلام

[ana lola]

انا اتعميت من اللون دا...
متلومش واحد اتربي علي الاساليب دي
وجاي يعملها لابنه.. واحد باباه رماه في الشارع وكون
نفسه وافتكر ان كدا الرجوله و رمي ابنه بردو
كل حاجه في حاله انحطاط حتي التفكير
فمش تستني حاجه..
تسلم

[big bốss]

اقتباس المشاركة الأصلية كتبت بواسطة ana lola انا اتعميت من اللون دا... متلومش واحد اتربي علي الاساليب دي وجاي يعملها لابنه.. واحد باباه رماه في الشارع وكون نفسه وافتكر ان كدا الرجوله و رمي ابنه بردو كل حاجه في حاله انحطاط حتي التفكير فمش تستني حاجه.. تسلم

غيرته اللون

لازم حد يلام لاننا مش عايشين هباء

فيه عقل و فيه اننا مسئولين و فيه عادات و افكار هباب منتشره

منوره لولا

[أنين الليل]

صحيح هتستنى ايه من شعب لسه عايش فى خرافات وتخلف
العلم نور ومع الاسف تلاقى بعض المتعلمين مؤمنين جداً بالخرافات
ربنا يهدى
موضوع ناااايس نووور

[big bốss]

اقتباس المشاركة الأصلية كتبت بواسطة أنين الليل صحيح هتستنى ايه من شعب لسه عايش فى خرافات وتخلف العلم نور ومع الاسف تلاقى بعض المتعلمين مؤمنين جداً بالخرافات ربنا يهدى موضوع ناااايس نووور

العلم تاثيره ضعيف فى مجتمعنا

لان كل بيت مصرى لسه فيه افراد مش متعلمين و لازم ننصاع لهم

منوره يا بت يا يويو

[ParoOo]

والله بجد عنك حق اغلبية الحاجات ديه بتحصل عندنا فى المنطقة اللى بسكن فيها *_*

ولو واحد عاكس بنت يروح واحد معدى بئا كل الرجاله ديه موجوده ومش عارفين يدفعموا هنا ويروح عامل فيها بتاع ويقول "اه يا بلد مفكيش رجاله "

وبعد شويه تلاقيه بيعاكس بنت معديه *_*

[big bốss]

اقتباس المشاركة الأصلية كتبت بواسطة بنوته مصريه ميه ميه والله بجد عنك حق اغلبية الحاجات ديه بتحصل عندنا فى المنطقة اللى بسكن فيها *_* ولو واحد عاكس بنت يروح واحد معدى بئا كل الرجاله ديه موجوده ومش عارفين يدفعموا هنا ويروح عامل فيها بتاع ويقول "اه يا بلد مفكيش رجاله " وبعد شويه تلاقيه بيعاكس بنت معديه *_*

ههههههههههههههه

يعنى هو يعمل راجل و يضرب الى بيعاكس و بعدين هو يعاكس

و نعم الاخلاق

الله يكون فى عونك هايدى

[αЛαstoOorα]

مممممم

آنت كدا مسودها وبتقول آن مصر الا وهي مجرد بلد جهل وخرافات ؟!
مش معني آننا نعمل آسبوت علي شيئ نفسنا يتغير والشيئ دا جزء فينا
آننا نتهم المجتمع كله بالجهل والخرافات وآنه فاشل بكل آطيافه ؟؟!
متنساش آن 90 ف الـ 100 من الكلام اللي قولته هو كلام الناس البسيطة
الناس الغلابة؟ الناس اللي مشافتش النور عشان توريه لعيلها؟؟
يعني مثلاً آنا جدتي آفتكر مرة كان تي شيرتي متنشر وخارج مشوار ضروري
وفجآة بشيلو من ع الحبل لقيت عصفورة كانت عامله التي شيرت بتاعي آصريه
ردت جدتي وقالتلي خير هيجيلك رزق يا هتتكسي ؟؟ هل هقعد آتعارك معاها
واقولها آنتي جاهله؟ بالعكس آنا عشان شوفت النور وهي لاء بقيت بضحك
بس بضحك وآنا حابب كلامها مش معتبره جهل معتبره فعلاً كلام بسيط من آنسانة
عاشت آيام ف سنين كانت الناس بتحترم بعضها؟؟؟
كان فيه جهل ؟ لو كان الجهل علي آيام جدتي هو الكلام اللي كتبته دا يانور
فا ياريت يبقة مجتمعنا كله جاهل بس يرجع يحترم الكبير ويعطف ويحن ع الصغير
زي آيام الناس اللي بتقول آنت وآنا علي كلامهم جهل ..آنا متهيآلي النور
اللي شوفناه آحنا هو السبب ف كل حاجة وحشة بتحصلنا دلوقتي علي قد
ما آحنا جيل بيفهم كويس آوي علي آد ما في مننا مش فاهم الحياة صح ولا مبادئه
وآخلاقة ف الحياة صح ..ياريت نتعلم من آهلنا ومن الناس البسيطة بتاعة زمان
دي القيم والآخلاق والرحمة ..قبل ما نعلمهم آحنا النور من الجهل آنا مستعد
آشوف الشعب كله بيقول الكلام دا ويتفائل ببراز العصافير وبتاع ومشوفش فيه تحرش
ومشوفش جواه سرقة وخطف وقتل ..ومشوفش فيه ترمادول وبنادول وحشيش
ومشوفش فيه فياجرا وهبة قطب ^^ ياريت نرجع لورا ونكون جاهلين لو الجهل
باالقيم وبالآخلاق بتاعة الناس الجاهله بتاعة زمان ^^

[ParoOo]

فى عونى وفى عوون الجميع ديه ناس تشل ^_^

[Lamees]

في حاجات كتير غلط تربينا عليها
مهمتنا ان نغير من مفاهيمنا ومن
هذا التخلف الذي نحيا به

شكراً للطرح نور