عزت ابوعوف :(

[ŌиĹч.Ḿё]

السلام عليكم ورحمه الله وبركاته

بقالى سنتين معملتش موضوع فى المنتدى لحد ما بقيت احس انى زى

قلتى بجد وهرجع تانى اكتب ونشارك باذن الله \\ بطل رغى واخلص

المهم اعلان عزت ابو عوف

شدنى الفضول لما شفت عزت ابو عوف فى اعلان مركز الكبد وهو شاحب و باين

عليه المرض و الحزن

فضلت ادور لحد ما عرفت ان السبب فى مرضه الشديد ده هو وفاة زوجته " فاطيما

" من سنتين تقريبا وفضلت حالته فى تدهور مستمر

فى لقاء تلفزيونى مفيد فوزى بيسئله هل المرض بسبب ان الوحده قاسية

رد عزت ابو عوف بكلمه واحدة قاله " فاطيما "

عزت بيروى انه عمل فحوص فى اغلب الدول الاجنبيه وكانت النتيجة انه معندوش

حاجه .

فاطيما توفت بس فضلت في وجدانه و كانت سبب في انه يدخل في نوبات اكتئاب و

حزن ظهروا مؤخرا ً عليه في إلاعلان الخيري و اللي ظهر فيه هزيل .. شاحب الوجه

.. زي ما يكون كبر سنين و سنين مرة واحدة ,

طبعا ً ده ماينفيش ان عزت أبو عوف بيمر بإنتكاسة صحية .. بس السبب الاول فيها

بيرجع لإنتكاسة نفسية بيمر بيها بسبب فقدانها.

عشان كدا بلاش الحزن و بلاش انه يطوّل لإنه مرض .. و مرض خطير , و بلاش

الحب من أساسه لو هيكسر كدا .

عرفتوا يعنى ايه حد فقد حبيبه ؟؟

رفقا بأى حد فقد حبيب او قريب لانه ممكن يكون بيضحك وعايش قدامك بس جواه

ميت او بيموت فعلياً .

سؤالى هنا

الناس النهاردا زى عزت ابوعوف ؟

طيب الناس تعمل ايه عشان تقى مخلصه فى حبها كدا ؟

هل مثال عزت ابوعوف دلوقتى ميزة ام عيب ؟؟

ودى

[ana lola]

انا بردو لما شوفته استغربت
بس كنت عارفه ان مراته ماتت
بس معتقدش ان حاله دا عشانها
‘‘‘‘‘
الناس النهارده بتحب الكئابه اووي وبتعيش
في الدور علي الفاضي والمليان ...
لا عيب مفرووض ميسبش نفسه كدا ويرضي ان دا
قضاء وقدر .. ربنا يرحمها
مبروك عودتك للساحه
تسلم ايدك

[حـيـــــآة ❤]

وعليكم السلآم ورحمةة الله وبركآته

بدآية منور من جديد وآهلآ بالعوده الجميلةة
ندخل ف الموضوع ...

انا شايفه انه حاليا او بالزمن ال بنعيش فيه محدش بيحب بجد زي امثال
الناس القديمه ال بتحب بجد وباخلاص زي عزت كده..
مافيش عمرك ماتلاقي الا من رحم ربي
2//هو ممكن حالته النفسيه ال وصلته لكده لان الحزن بحد ذاته مرض
ربنا يعافينا منه ويسعد الجميع يارب..

تحيإآأآتي ..

[راجعة لحبيبى]

الحزن ربتانهى عنه
والموت قدرالله
واللى مايحمد الله على القدر
ايمانه قليل
مشكوراخوى
لروحك السعاده

[Lamees]

على قد ما في مخلصين زيه كده
على قد ما في ناس عايزة الحرق
طبعاً الحزن مش حاجة حلوة ابداً
لكن الوفاء مطلوب لكن مش هنموت عشان هما ماتوا
فعلاً فقدان الحبيب بيكون زي الموت
لكن الموت النفسي بيكون اشد ضرراً
المفروض ان الحياة بتستمر
مع الأبقاء على الوفاء للشخص المتوفى
لكن الأحساس والوفاء عمرعم ما كانوا عيب
وكل حاجة في الدنيا محتاجة تكون وسط
لأن خير الأمور الوسط

شكراً للطرح

[Muhammad_Adel]

وعليكم السلام ورحمة الله وبركاته
اولا منور المنتدي من جديد

الناس النهاردا زى عزت ابوعوف ؟

مش هتلاقي كتير زيه ... الا من رحم ربك

طيب الناس تعمل ايه عشان تقى مخلصه فى حبها كدا ؟

الاخلاص في الحب بيعتمد علي الشخص نفسه
اذا كان هو راجل بجد او هي بنت جدعه وبنت بلد هيوفوا لبعض بوعودهم وهيكونوا مثل هذا الرجل
الاخلاص في الحب يتلطب رجل مخلص وبنت جدعه تصبر شويه

هل مثال عزت ابوعوف دلوقتى ميزة ام عيب ؟؟

اكيد طبعا ميزة اصبح العديد من الناس يفتقدها

تقديري واحترامي

[ندوشه 2011]

الفنان عزت ابو عوف فنان رائع بس الاخلاص فى البتاع اللى اسمه الحب دا مش موجود كله بيكدب على كله مع احترامى ليك

[ياسمينااا]

كويس إني عرفت منك السبب لإني فعلا كنت مستغربة شكله

الناس النهاردا زى عزت ابوعوف ؟
قليل جدا لما تلاقي حد عنده وفاء وإخلاص وحب بالشكل دا
بقي عملة نادره دلوقتي

طيب الناس تعمل ايه عشان تقى مخلصه فى حبها كدا ؟

تحب بجد من قبلها مش تكون مجرد كلمه تتقال علي اللسان وبس يكون إحساس حقيقي صادق نابع من القلب وبعد كدا هتلاقي الاخلاص موجود

هل مثال عزت ابوعوف دلوقتى ميزة ام عيب ؟؟

انا من رائ انه ميزه انك تحب حد وتخلصله للدرجة اكيد ميزه مش عيب

تسلم تحياتي ليك

[ŌиĹч.Ḿё]

اقتباس المشاركة الأصلية كتبت بواسطة ana lola انا بردو لما شوفته استغربت بس كنت عارفه ان مراته ماتت بس معتقدش ان حاله دا عشانها ‘‘‘‘‘ الناس النهارده بتحب الكئابه اووي وبتعيش في الدور علي الفاضي والمليان ... لا عيب مفرووض ميسبش نفسه كدا ويرضي ان دا قضاء وقدر .. ربنا يرحمها مبروك عودتك للساحه تسلم ايدك

احساس صعب مش اى حد بيتكلمه الكلام سهل بس الفعل اصعب

شكرا لحضورك

[the Virgin]

اعتقد في الوسط الفني الي فيه عزت ابو عوف

مش محتاج انه يحزن على مراته .. لان الوسط دا ميعرفش حاجة كدا

الوسط دا سوري يعني كله في حضن كله ..مش باقي على حد

يعني مش حب او غيره .. من رأي طبعا

وربنا يسهله .. هو برده كبر في السن وكله بياخد عمره