بقيــــــت بخـــــــــاف

[شاعر الحب الحزين]

بقيـــــت بخـــــــاف لـــــو يـــوم ضحكتلــي الأيــــــام

أصلهــا ضحكتلـي مـرة زمـان وبكتنـي سنين قـــدام

استغـرب مـن اللـي يواسيني ويهون عليا ف كـــلام

اه يا زمن الفرح غالي التمن ومجانا الدمع والخصـام

حتى اللي يعرفني بقى يشوفني ميردش عليا سلام

اللي مني تخلى عني محبة من غير مصالح بقت حرام

لو اضحك عنيا بتملاها الدموع

وكإنها بتقوللي الفرح عليك ممنوع

بضحك مجاملة وانا قلبي موجـــوع

الفرح سايبني الهم صايبني الحزن مراقبني راصدني باهتمام

حاجات تحسس غيري بالأمان تخوفني أنا

واحس ازاي بالأمان وانا قلبي على الحزن اتبنى

يا دمع العين بتصب فين يا عين كفاية بكى نفسي ارتاح وانام

ولا أي كلمة حلوة تراضيني طول ما انا كاتم جوايا اللي مكفيني

معرفش اشكي معرفش غير البسمة وكلمة انا بخير للي بيواسيني

واللي جوايا قصة وحكاية متبانش ف مرايا متتحكيــــش فـــي كـــــلام



شـــــــــــــــــــــــــــــــــــــــ . حــــــــــــــــــــــــــــــــــــــــــ