قال ياقاعدين....يكفيكو شر الجايين

[bobaOo]

بسم الله الرحمن الرحيم...
اول حااجه منوورين أكيد..عارفه ان بقالي كتيرر معملتش توبيكاات..ماشي الحال... ندخل في موضوعنا..............


امبارح قاعده في أمان الله ومبسوووطه..مرره واحده واحده صحبتي كلمتني قالتلي خلي بالك من فلانه عشان بتقول عليكي من وراكي كلام مش كويس
انا قلتلها بعد إذنك عرفيني قالت ايه عني..
بعد محايله قالتلي ده بتقول انك كذا وكذاا.انا مرضيتش اظلمها وقلتلها بصراحه اتا هكلمها روحت قلتلها انتي قلتي عليا كلام من وراياا..
قالتلي بصراحه ايوه مش هكذب عليكي..
قلتلها قلتي ايه..قالتلي انك قلبك اسود وبتشيلي...
ومبتحبيش الخير لحد وبتحبي نفسك وبس وحقوده وغيورة....الخ

كلام كتير مش عايزة اوجع دماغكو بيه..
واما سألتها عن السبب قالتلي مواقف كتير افتكرتهالك
و
عشان خالي دكتور في كلية الآداب بتشوفو بيكلمني فابتفتكر انو بيديني حجات تبع المنهج او متفق مع الدكاتره وموصيهم او ..او..او..
واحنا صحابك ومابترضيش تفيدينا بالي بتستفيدي بيه....

قلتلهاا انا مش هقولك غير الكلمتين دول...انا بتعلم لمصلحاي وعشان انا استفاد ومستحيل انجح من غير ماابذل مجهود شخصي مني انا...
غيركده خالي مش من النووع ده..


السؤال هناا...
هوا في فعلا ناس كده..ناس تهون عليها عشرة سنين عشان بيتهيألها ححات ماحصلتش...ناس تتكلم ع ناس وتقطع في لحمهاا من وراها...
ومش اي ناس ولا اي حد...
ده اقرب واغلى حد عندك للأسف..


طولت عليكو معلش...
منورين تاني بئاا..
تحياتي

[العاشق الذى لم يتب]

اه يابوبا
عزفت على الوترالحساس
للاصف ناس كتيرة وكتيرة اوى
تبيع وتنسى
وفى ثانية تتهمك بكل المساوئ مجرد وسوسة شيطان
وتهيئات لااساس لها من الصحة
يمكن تهون شوية لماتيجى من صاحب ولازميل ولاجاروكده
لكن المصيبة اعظم لماتيجى
من الحبيب يااااااه
صعبة اوى اوى اوى
بتتهد النياصراحة وتتزلل الارض
وللاس مشكلة منتشرة ومالهاش حل
ربنايرحم ويهدى
وشكرالك لعظيم طرح
وماتزعليش اوى
قولى ياباسط تلاقيها هاصت
باى

[bobaOo]

اقتباس المشاركة الأصلية كتبت بواسطة العاشق الذى لم يتب اه يابوبا عزفت على الوترالحساس للاصف ناس كتيرة وكتيرة اوى تبيع وتنسى وفى ثانية تتهمك بكل المساوئ مجرد وسوسة شيطان وتهيئات لااساس لها من الصحة يمكن تهون شوية لماتيجى من صاحب ولازميل ولاجاروكده لكن المصيبة اعظم لماتيجى من الحبيب يااااااه صعبة اوى اوى اوى بتتهد النياصراحة وتتزلل الارض وللاس مشكلة منتشرة ومالهاش حل ربنايرحم ويهدى وشكرالك لعظيم طرح وماتزعليش اوى قولى ياباسط تلاقيها هاصت باى

للأسف عندك حق أ/رفعت..
هيا لو واحده مالهاش مقام كبير عندي مكنتش زعلت..
بس دي اعز واحده عندي ..بس نو كومنت بصراحه.
ادعيلهاا بالهدايه..
اسعدني مرورك اكيد..
نورتني

[ايمان طلعت]

هي لو سألتك كانت عرفت منك انه مش بيديلك حاجه وخلاص تبقي خلصت الحكايه
بدل الكلام من وراكي وفي الاخر خسرتوا بعض
ناس كتير كدة بوشين وقلب اسود مبيحبوش الخير لحد
انتي متزعليش عليها بالعكس احمدي ربنا انك عرفتيها علي حقيقتها

[world]

[color=#]بصي حبيبي هما نوعين بيخلو الناس يفكرو كدا
لانهم اتعلمو من الحياه ان كل الناس بتوع مصالحهم
واكيد البنت دي شافت ناس كتير واتخدعت فيهم
وبقت تتوقع الشر من الجميع
والحاله التانيه
وهي ان ويمكن هي كمان حد حقود فبتتخيل ان الكل زيها [/color]

[ŌиĹч.Ḿё]

يابنتى الناس بقت منافقة والطيب بيخليو مش كويس
متخليش كلام واحده زى دى ياثر عليكى
مدام بتفكر هيا بالمنطق دا
يبقى هيا اللى مش
تمام يا بوبا
موفقة

[bobaOo]

اقتباس المشاركة الأصلية كتبت بواسطة ايمان طلعت هي لو سألتك كانت عرفت منك انه مش بيديلك حاجه وخلاص تبقي خلصت الحكايه بدل الكلام من وراكي وفي الاخر خسرتوا بعض ناس كتير كدة بوشين وقلب اسود مبيحبوش الخير لحد انتي متزعليش عليها بالعكس احمدي ربنا انك عرفتيها علي حقيقتها

عندك حق ياإيمان..
بس حاجه تزعل بردوو يارتني فضلت عاميه ومعرفتش انهاكده..
بس اقول ايه ..ربنا يهدي الجميع..
نورتيني حبيبة قلبي..ومرورك اسعدني

[bobaOo]

اقتباس المشاركة الأصلية كتبت بواسطة world [color=#]بصي حبيبي هما نوعين بيخلو الناس يفكرو كدا لانهم اتعلمو من الحياه ان كل الناس بتوع مصالحهم واكيد البنت دي شافت ناس كتير واتخدعت فيهم وبقت تتوقع الشر من الجميع والحاله التانيه وهي ان ويمكن هي كمان حد حقود فبتتخيل ان الكل زيها [/color]

طب وايه ذنب الناس الكويسين..
الي مش في نتهم حاجه خالص..
ع العموم ربنا يهديهاا ..وتفهم غلطهاا..
نورتيني حبببة قلبي..واسعدني مرورك..

[bobaOo]

اقتباس المشاركة الأصلية كتبت بواسطة ŌиĹч.Ḿё يابنتى الناس بقت منافقة والطيب بيخليو مش كويس متخليش كلام واحده زى دى ياثر عليكى مدام بتفكر هيا بالمنطق دا يبقى هيا اللى مش تمام يا بوبا موفقة

عندك حق ياااعموووو...
نورتني اكيد..
واسعدني مرورك...
خلاص مش هزعل بئاا..
اصل الواحد هيقابلو ع كده ناس من النوع ده كتيرر..
ربنا يحفظ الجميع..

[ساحر الأحزان]

دة مثل انك تبقى قاعدة فى حالك

وبالك مرتاح وبعدين يطب عليكى حد يحمل ليكى خبر مش حلو

بسى فى حالتك دى تبقى غيبة ونميمة طالما كلام فى غياب صاحبة

وربنا يهدى