ظاهره فى المنتدى " ظاهره بناتى "

[big bốss]

ظاهره فى المنتدى

ظاهرة " حبيبتى "

كل ما ادخل توبيك ارد الاحظ افوره جامده فى ردود البنات على بعضها

و مش بيلقبوا بعض الا بحبيبتى و روحى و قمرى و عنيا و حته منى

و دا مثال لبعض الردود


دى العضوه كوين مادلين بترد على توحد ارواح

و بتقولها حبى








و دى المشرفه لمار

كل البنات بتقولها حبيبتى








ودى فداااااااااااااء

بتقول يا غاليتى مش مكفى يا قمرى

طالعه من نخنيش قلبها من جوها








يا ترى البنت بتحب تتعامل بنوع من الرومانسيه المفرطه فيما بنها

و لا دى ذوقيات مخصصه للبعض فقط و ليست قاعده عامه

و ليه الولد بيرد بعمليه و بجمود على عكس البنت ؟

يعنى احنا ممكن نقول منور يا برنس يا معلم يا كابتن

محدش فى الشباب بيقول يا حبي و يا سبعى و يا جملى

ايه تفسيركم للظاهره دى ؟

[BaAnOtA 7eKayaa]

ههههههههههههههههه انت مش بتصبر ده انا لسه ردا

انا مش عارفه اكتبلك ايه بجد زكى

ب هيا عادى بندلع بعض

[احمد برهان]

هههههههههههههههه
فعلا تلاقيهم بيدلعوا بعض
و احنا بقا نتريق علي بعض
هههههههههههه
ربنا يوفقك اخي و ملاحظة فية محلها
ربنا يوفقك للخير

[big bốss]

اقتباس المشاركة الأصلية كتبت بواسطة queen madeleine ههههههههههههههههه انت مش بتصبر ده انا لسه ردا انا مش عارفه اكتبلك ايه بجد زكى ب هيا عادى بندلع بعض

و ايه سبب الدلع المفرط دا الى فى كل الردود

انا مش ذكى انا البيج بوص

[big bốss]

اقتباس المشاركة الأصلية كتبت بواسطة احمد برهان هههههههههههههههه فعلا تلاقيهم بيدلعوا بعض و احنا بقا نتريق علي بعض هههههههههههه ربنا يوفقك اخي و ملاحظة فية محلها ربنا يوفقك للخير

احنا مش بنتريق على بعض يا احمد

احنا بنرد بجمود من غير اى سهوكه او دلع

نحن رجال

[العاشق الذى لم يتب]

انت غاير ليه يابن عمى
ايه رايك تقولى حبيبى واقولك ياغالى يامنورنى

[فداااااااااااء]

وانتوا متغاظين ليه

احنا بنات مع بعض بنحب ندلع بعض يا اخى

دا انتو منفسنين مننا يعنى الايام دى

كل واحدة بينزل توبك عن النساء ونازل فيهم شحن

واحنا غلابة وساعات نطنش ونقول معلش سيبوهم ينفسنوا

اطلع منها

على فكرة غلاتى دى لما كنت فى مواقع خليجية ولما جيت هنا لاقيت يا قمر

حبيبتى قليل لما اقولها اصلها صعبها اقولها لحد والله ههههههههههههههه

[اذار .]

يا دي الغيره من البنات الي مش سايباك
لما ب اقول لوحده حبيبتي ، ف دي عادي
يعني مش هقولها ، يا بنت انتي ،
احنا رقيقات بقى نعمل ايه ،

و بعدين احنا هنا بقينا اخوات و حبايب
و كل حاجه كويسه

بطل غيره بقى بقى

[big bốss]

اقتباس المشاركة الأصلية كتبت بواسطة العاشق الذى لم يتب انت غاير ليه يابن عمى ايه رايك تقولى حبيبى واقولك ياغالى يامنورنى

ههههههههههه

يقولوا علينا ايه يا ابن عمى عيب

احنا اخرنا اقلك يا برنس او يا معلم

[big bốss]

اقتباس المشاركة الأصلية كتبت بواسطة فداااااااااااء وانتوا متغاظين ليه احنا بنات مع بعض بنحب ندلع بعض يا اخى دا انتو منفسنين مننا يعنى الايام دى:d كل واحدة بينزل توبك عن النساء ونازل فيهم شحن واحنا غلابة وساعات نطنش ونقول معلش سيبوهم ينفسنوا اطلع منها على فكرة غلاتى دى لما كنت فى مواقع خليجية ولما جيت هنا لاقيت يا قمر حبيبتى قليل لما اقولها اصلها صعبها اقولها لحد والله ههههههههههههههه

احنا بنعدل من اوضاعكم للافضل

و مش لاقين سبب للظاهره دى و الدلع و الكلام الكبير دا

ربنا يحببكم فى بعض يا اختى

و لما تتخانقوا بتكونوا عايزين تشرحوا بعض