بدون ذكر اسماء :) مع ( احمد )

[ParoOo]

بدون ذكر اسماء .....
اولا بما ان نفرتيتى كانت مشرفه هنا او حتى لو ماكنتش فالبقاء لله لوفاة عمها الله يرحمه
ومعانا ضيف المنتدى كله استغرب غيابه والاسئله تردد ليه ساب الاشراف او سحبوا منه الاشراف ليه ؟؟
ليه غاب عن المنتدى فتره ؟؟

ده هنعرفه فى برنامج بدون ذكر اسماء مع العضو اللذيذ احمد

marshoo

اهلا وسهلا ومرحبا بيك احمد فى برنامج بدون ذكر اسماء مع هايدى منور البرنامج ومنور المنتدى ومنور قسم الفضفضة
وبالمناسبه انت اسمك احمد وهوه اسمه احمد نسمع اغنية يا ليالى احمد جمال

[youtube]https://

الحالة الاجتماعيه :

السن : ٣١

البلد : مصر

عندك اولاد : حودا

ساكن فين : العبور

************************************************** **************

طيب شكرا ع اجابتك معانا للفقره الاولى ندخل ع التانيه بئا جاهز ؟؟

اهااااا

بس لازم تفهم حاجه الفقره ديه بدون ذكر اسماء ..

اى عضو فى المنتدى هتتكلم عنه متكتبش اسمه تماما

اول سؤال معانا ...

سبت الاشرف ليه ؟؟؟

مزاجي كدا

عشان اعترض علي تقييم الاداره للمشرفين والاقسام
ودي كانت البدايه مع ان كله دخل اعترض
دخلت كتبت ف صفحتي اني مش هشارك ف المنتدي
لمده شهر المشرفه دخلت حزفت من غير ماتبعتلي
كتبت مشاركه تاني ان الي حزف يخلي عنده
شجاعه ويقول قامت قافله المدونه كلها هههههه
نزلت توبيك ف اليوميات وقولت هقول رئي فيه
دخل أداري حزفه قولته شيلني من الاشراف وحصل

هل فى مشكلة معينه اللى خلتك تسيب الاشرف مع عضو ما ؟؟ او مشرف ؟؟ اول الاداره ؟؟

اها زي ماقولتلك التقييم مكنش عادل
ودا مش كلامي لوحدي ممكن تسئلي
طبيب ونفرتيتي وراقيه ومحمود ..... الخ

هل لو هما اللى ساحبوا منك الاشراف ، كنت عاوز تكون حتى الان مشرف فى يوميات الاعضاء ؟؟

هم مسحبوش الاشراف
وبيني وبينك كويس اني اتشلت من الاشراف قبل
ما اليوميات يكون بالشكل دا مع اني كنت حابب
اتعامل مع شيماء وقولتلها اول مارجعت اشتغلي
وهتكوني ف اليوميات

حصلت مشاكل وانت مشرف ع اليوميات مع الاعضاء ؟؟

اكيد حصل بس مشاكل عاديه ممكن رد معجبش عضو
وعايزه يتحزف .... الخ

كان نفسك تكون مشرف ف قسم غير اليوميات ؟؟

لا مكنش ف بالي اي قسم تاني

مسجل من كتير ع المنتدى ؟؟

اها اكيد

مين عرفك ع المنتدى ؟؟

محدش انا كنت بدور علي صور وظهرلي
المنتدي وكان لازم تسجل فيه تقريبا
عشان اخد الصور دي المهم سجلت وكملت

************************************************** *

خلصنا نيجى لاخر حاجه معانا يا خساره كان نفسى تكون معانا اكتر من كده لكن اكيد هتيجى معانا ان شاء الله فى كل البرامج

اسئله حلو وفرفشه كدهون شويتين

اول سؤال اتجوزت وانت كام سنه ؟؟؟

٢٨

اجمل يوم فى حياتك ؟؟

اكيد يوم ما النجم وصل لكوكب الارض

اخر مره شربت عصير ؟؟

هههههههه
ماتخليها بيبسي احسن ههههه

بتحب امكان اللى عايش فيه ؟؟

اكيد والا مكنتش عشت فيه

نورت بجد يا احمد لكن عاوزه رساله منك لعضو او عضوه بدون ذكر اسمه .......

مفيش حد معين لكن رساله للجميع

كل سنه وانتم طيبين
وان شاء الله كل واحد يحقق امنياته
والمنتدي لو شغال بقاله اكتر ٧سنين
فشغال بأعضائه مش بأدارته والا مراقبينه والا مشرفينه
فكلها الوان وصلاحيات والعضو الكويس هو الي الاعضاء
بتفتكره والعضو الي ليه مشاكل ومكروه بيكون وجوده
زي عدمه حتي لو استمر لسنين سواء أداري او مراقب
او مشرف فياريت كل عضو يخلي باله من الحكايه دي
وياخد باله ان ف اعضاء اسميهم دائما بتتقال بالخير زي
طارق ومنه والاء وحنون وميشو ...... الخ فكل واحد
يحاول ان يخلي اسمه يجي مع الناس دي

نورت يا احمد مع السلامه

ياريت يا جماعه لو اى حد عايز يساله سؤال يتفضل لكن ارجو من احمد انه لو جاوب يكون بدون ذكر اسم اى حد


انتظرونى مع ضيف اخر

[الفيلسـوف]

احمد انسان جميل يمكن انا مش ع علاقه شخصيه معاه
بس طبعا معروف من اول مادخلت انه صاحب التصريحات المباشره تمام
مش بيعرف يجامل وصريح بعض الشى
نورت يااحمد
ومنوره ياهايدى بالاستضافه

[ParoOo]

اقتباس المشاركة الأصلية كتبت بواسطة ƧĀƉ_ĿŌ∀Ē احمد انسان جميل يمكن انا مش ع علاقه شخصيه معاه بس طبعا معروف من اول مادخلت انه صاحب التصريحات المباشره تمام مش بيعرف يجامل وصريح بعض الشى نورت يااحمد ومنوره ياهايدى بالاستضافه

بنورك طبعا يا محمود

نورت التوبيك

[حـيـــــآة ❤]

آكيد مورشو قبل ماهو عضو او مشرف
فهو شخص محترم ومتعاون جداا..
نتمنى ترجع تاني

[Stop Ana Eltop]

مورشو منور الحلقه طبعاا
بس هو لو يطبق نظريات مصر ع المنتدى الليله هتبقى تمام
مش المفروض احنا نعترضشى عشان ماسر تمشى

كذلك عدى الليله لانه مجهودك مكنش محتاج تقييم فى قسم الاشراف
مجهود مورشو وبصمته ع اليوميات معروفه

اتمنى ان الامور تصفى بينكم
ويرجع مورشو بتاع زمان بقن

تسلمى يابنوته ع الحلقه
بالتوفيق

[عاشق متيم]

اولا اطلبى تغيير عنوان الموضوع وخليه مع مورشو بدل احمد
ثانيا اللى فهمته ان فى ناس سابت المكان بس الاعتراض على التقييم
هى فى ناس بتزعل لانها بتشوف ان فى ناس بتاخد حق مش حقها
واعتقد المره دى يا مورشو غير كل مره
انت كل مره بتسيب الاشراف وترجع تانى بس المرة دى اعتقد الموضوع انتهى بالنسبه لك ..
اما بخصوص المدونه اعتقد انه مخالف لقوانين القسم انك تعترض على حاجة
فى المنتدى فى المدونه ( بس اتفق معاك انه كان لازم يتقال لك على الحذف )
===================
عموما مورشو من اميز الاعضاء اللى شفتها فى المنتدى
ومواضيعه كانت عباره عن البسمه فى المنتدى
وغيابه وغياب اعضاء اخرى سبب من اسباب ركود المنتدى
بالتوفيق يا مورشو فى حياتك
=========
استضافه مميزة
تسلمى

[العاشق الذى لم يتب]

مرشو معلوم ومشهوروحدجميل هناوراقى
والكل بيعزه ويشهدله بالشغل والتفانى
وبرامجه المتنوعه
ان شاءالله تعود المياه لمجاريها
ونشوف تواجدك ونشاطك
ربنايسعدك وابنك واسرتك
كل الشكر
بنوتة
جميل البرنامج
وزى ماقال عادل عدلى العنوان
خليه مع مرشو بدل احمد
بالتوفيق

[رآقيہ بأخلاقـى]

حلقة حلوه يا دودو
والكل عارف ان عزل مورشو خساره للمنتدى
لان نشاطه كان واضح وملحوظ
وبصرآحه كان معاه حق فى اعتراضه ع التقييم
لانه مكانش عادل ولا فيه انصاف
كان بالبركه >> شكلى حصل مورشو
تسلمى ع الحلقه بقى ^_^

[ParoOo]

اقتباس المشاركة الأصلية كتبت بواسطة ♥حيآة آلروح♥ آكيد مورشو قبل ماهو عضو او مشرف فهو شخص محترم ومتعاون جداا.. نتمنى ترجع تاني

اكيد كلنا بنتمنى

نورتى جوجو

[طارق الجميل]

الحوار ده كان حوار انا شايف انه جرئ جدا جدا ودى حاجه كويسه
انا حتى حاسس ان زى مايكون الاسئله كانت موجهه ومقصوده.......
وبرده كويس علشان اللى موجود وعرف انه اخطاء يحاول عدم تكرار الخطاء
لان دا فى صالح المنتدى اذا كنتوا حابين للكل الاستمرار ......................