ما رايك فى مسابقات كروت الشحن ؟

[big bốss]

السلام عليكم و رحمة الله و بركاته


المسابقات الى فى المنتديات غرضها معروف و هى تنشيط المنتدى

و الجوايز بتكون معنويه اوسمه و مشاركات لتحفيز الاعضاء

لكن فيه جوايز تانيه بتكون ماديه عن طريق كروت الشحن

و دى مستخدمه فى كذا منتدى

فيه اعضاء بتتقبل الامر عادى و بتشترك ، و فيه اعضاء بتحس انها اهانه

او هتقلل من قمتها لو اشارك علشان كارت شحن .

انت كعضو ايه رايك فى الجوايز الى بتكون كروت شحن

و هل هى امر طبيعى و لا غير مقبول ؟

و ليه بنلجىء للماده مادم المنتديات ترفهيه و مفيش اى عائد مادى

هيعود على منظم المسابقه ؟


فى انتظار ارائكم

الموضوع عام فى كل المنتديات و لا يختص بمنتدى بنات مصر فقط

[۩۩ elMagic ۩۩]

هتلاقيه ف عالم النت عادى
والمنتدى دا بردوا اتعملت فيه مسابقات كروت شحن
عادي هي حريه شخصيه
وطالما كل الاطراف بينهم تراضي يبقى مفيش مشاكل

[big bốss]

اقتباس المشاركة الأصلية كتبت بواسطة ۩۩ elmagic ۩۩ هتلاقيه ف عالم النت عادى والمنتدى دا بردوا اتعملت فيه مسابقات كروت شحن عادي هي حريه شخصيه وطالما كل الاطراف بينهم تراضي يبقى مفيش مشاكل

انا عارف انها اتعملت كتير هنا و اشتركت فيها

بس كان فيه اعضاء بترفض بسبب موضوع الكروت و شيفاها اهانه

منوره يا ماجيك

[Stop Ana Eltop]

احلى مسابقات هى مسابقات كروت الشحن دى
بنجدد الباقه ببلاش
ومش شايفه فيها اهانه ولا حاجه
ما الشاعر مثلا بيبع شعره هل دى فيها اهانه لفنه ؟؟
دا جذب للناس بس ليس الاا

تسلم ع التوبيك

[واد حبيب]

شكلك مش معاك فلوس تجيب كروت شحن
علشان كده افتكرت وعملت الموضوع ده

[big bốss]

اقتباس المشاركة الأصلية كتبت بواسطة stop ana eltop احلى مسابقات هى مسابقات كروت الشحن دى بنجدد الباقه ببلاش ومش شايفه فيها اهانه ولا حاجه ما الشاعر مثلا بيبع شعره هل دى فيها اهانه لفنه ؟؟ دا جذب للناس بس ليس الاا تسلم ع التوبيك

هههههههههههه

انتى تموتى فى حاجه اسمها جوايز

و مش فارق معاكى حاجه خالص

[big bốss]

اقتباس المشاركة الأصلية كتبت بواسطة واد حبيب شكلك مش معاك فلوس تجيب كروت شحن علشان كده افتكرت وعملت الموضوع ده

قفشتنى انت

اه هعمل مسابقه قريب ان شاء الله

[fanaa]

شيفه ان الموضوع عادى ولا يحمل اى اهانه
تحفيز مش اكتر

[Stop Ana Eltop]

اقتباس المشاركة الأصلية كتبت بواسطة big bốss هههههههههههه انتى تموتى فى حاجه اسمها جوايز و مش فارق معاكى حاجه خالص

طالما انه دا حقى ومش باخد حق غيرى خلاص
حتى فى المسابقات الى فيها كروت انا مبجبرش منظم المسابقه
هو الى بيعرض حسب امكانياته

وطالما بحب الجوايز دا يدل على انى شاطره
ابقى حط كارت فى مسابقتك عشان اشترك بقا

[ELgeneral gEmY]

هههههههههههه
لا طبعا اهانة ايه ياعم صلي ع النبي

طب جرب كدا جرب
هتلاقي المنتدي كلو راشق فيها والله هههههههههههه
ما احلي المجاني

كتر من كروت اتصالات بقا ياسطا ماشي :d