اسرع طريقه لتطفيش ابن العبيطه

[phalsteen]

العريس : مالك ساكته ليه ،،، مكسوفه؟؟؟ هي : لا خالص بس شوفت المصيبة يا كابتن العريس : مصيبه ايه لقدر الله هي : الحشيش غلي ولسه مصطبحتش العريس : اصطبحتي؟ هي : يا رجل خليك لارج انا هلاقيها منك ولا من بوليس الآداب العريس : آداب هي : تخيل قبضوا على عييييلاء وهيثم بس إبراهيم هربني العريس : هربك فين انتي كنت معاه هي : لا كنت معاهم بس انا حظي عنب متمسكتش العريس : عنب هي : هي دي اللي لفتت انتباهك دا انت بارد يخربيت غتاتك العريس : بتقولي حاجة هي : بسئلك بتحب البنات ولا الولاد اكتر ؟ ما تيجي معايا نعمل صونار العريس : لييييييه هي : معاد متابعه الحمل النهاردة العريس : انتي حامل هي : اه تؤام أن شاء الله شكلك طيب وتستاهل يالا تعالى معايا أخيرا لاقيتلهم آب العريس : أب لمين اوعى من قدامي يا ناس يا اللي هنا هي : لا أبعد اديك هتتعدي لقدر الله العريس : ليه انتي عندك ايه هي : مش عارفه نوع كدة من الجرب بس مش خطير اوي بيعمل بس هرش وتبول لا إرادي بس انا تمام أهو يالا الفرح أمته العريس : يا ماااااااااامااااااااااا من فيس بوكي بتاريخ 12/9

[BaAnOtA 7eKayaa]

هههههههههههههه جامده ديه نجربها بئا

اصل العرسان مش عارفين نخرج منهم

[ايمان طلعت]

ههههههههه
دة تشهير مش تطفيش
توبيك لذيذ سما
حمدلله عالسلامه

[phalsteen]

اقتباس المشاركة الأصلية كتبت بواسطة queen madeleine هههههههههههههه جامده ديه نجربها بئا اصل العرسان مش عارفين نخرج منهم

جربيها بس انا مش مسؤله

[phalsteen]

اقتباس المشاركة الأصلية كتبت بواسطة ايمان طلعت ههههههههه دة تشهير مش تطفيش توبيك لذيذ سما حمدلله عالسلامه

يمكن برضو ^_^
نورتي يا حلوة

[BaAnOtA 7eKayaa]

اقتباس المشاركة الأصلية كتبت بواسطة nefertiti جربيها بس انا مش مسؤله

ان شاء الله

حمد الله على سلامة ع الجميل

بس انا عازه اتجوز ابنك صحيح هوه اسمه ايه ؟؟

[واد حبيب]

هوه انتي كده بطفشي العريس
ولا بتفضحي البنت

[رآقيہ بأخلاقـى]

زى ما قولتلك يا سما
ان النصيحه جايه متأخر اوى
كنتى قدمى شويه يمكن كنت اعمل بيها
منـوره يا قمرى المنتدى والمنتديات المجاوره

[SaMa.]

هههههه منكو نستفيد نايس توبيك عسوله

[اذار .]

و لا فهمت حاجه ، عايزه ترجمه 💔
بس باين انها حاجه ظريفه

تسلمي سارتي