رحلة لكوكب كيبلر

[ايمان طلعت]

بدايه الموضوع هنا http://forums.banatmasr.net/msryat521320/ *********** على السادة المشاركين في رحله الكوكب الجديد ان يتفضلو بالحضور امام المركبه باقي على انطلاق الرحله نصف ساعه بعد سماع انذار انطلاق الرحله بدأت الحركه امام باب المنتدى وناس كتير قربت من المركبه ايمان ماسكه الكشف و واقفه قدام باب المركبه/ براحه يا جماعه نظام لو سمحتوا انادي اسماء المشتركين معايا واللي يسمع اسمه يجيي يتفتش ويطلع المركبه رفعت العاشق رفعت العاشق/انا جيت ايمان/ ايه دة انا قولت كرسي واحد ليك مين البنتين دول يا عاشق لو سمحت مينفعش كدة احنا طالعين كوكب جديد مش رايحين جنينه الاسماك رفعت العاشق /طب ودول اعمل فيهم ايه ايمان/ ماليش فيه يا تيجي لوحدك يا تسيب مكانك لواحدة منهم رفعت العاشق/اسيب مكاني لمين على جثتي امشي يابت انتي وهي روحوا ايمان / طب اطلع يا رفعت وريني شنطتك فيها ايه بعد التفتيش ايمان مبرقه/ هااااا ايه دة يا رفعت طالع كوكب جديد وجايب معاك مش نفرض لقينا سكان هناك يقولو علينا ايه انا هصادر المش دة لحد ما نرجع بقي ايمان بتنادي/ سما سما/موجودة ايمان /اتفضلي ايمان وهي بتفتش/ايه كل الهدوم دي يا سما انتي جايبه الدولاب كله سما/اه اصلي زهقانه موت من هنا ومش ناويه ارجع تاني طيب يا سما اطلعي الله يهديكي طلعت سما بعد التفتيش ايمان تنادي استاذ حسن العندليب حسن/انااااا جييييييت ايمان/ اتفضل يا عندليب بس لو سمحت بلاش تغني عشان بس المحركات ايه اللي انت جايبه دة معاك شوايه لييييه حسن العندليب/لزوم الشوي واللذي منه ايمان وهي هطق/اتفضل ياعم حسن طلع حسن بعد التفتيش ايماان تنادي محمود لوف محمود/انا جيت اهو ايمان /مالك بتنهج كدة ليه محمود/اصل جاي من سوهاج مشي ايمان/طب اطلع بسرعه قبل ما روحك تطلع ايمان تنادي لمار لمار/ انا جيت ايمان / تعالي لمار ايه اللي انتي شيلاه دة كله الكراتين دي فيها ايه لمار/دي شيكولاته عشان الرحله ايمان مبسوطه / اتفضلي ياحبيبة قلبي انتي هتقعدي جنبي ايمان تنادي سندس نور اميرة بعد تفتيش البنوتات الكيوتات دول طلعوا المركبه وطلعت ايمان وجايه تقفل الباب لقت واحد جاي بيشاور ويقول استنوني استنوني ايمان/انت مين وعايز ايه انا نور البيج بوص عايز اطلع معاكم ايمان /انت مشتركتش معانا مينفعش نور/اصل مكنتش هنا وقت افتتاح الاشتراك ايمان/طب اعمل ايه انا اوديلك الاعلان لحد باب القسم ولا ايه نور/معلش بقى خديني معاكوا اصل زهقت من هنا ايمان/طب تعالي بس بشرط مفيش مشاغبات نور/حاضر من عنيا الجوز واتقفل الباب وبدأت الرحله للانطلاق ايمان/ايه دة هو السواق فين لسه مجاش يووووة كدة هنتأخر حد فيكم يعرف يسوق مراكب فضائيه حسن العندليب/انا بعرف دانا سواق بريمو طيب اتفضل وادي الخريطه بدأ حسن يشغل المحركات للانطلاق تززززن تززززن تززززن ايمان/فيه ايه احسن ما تخلص حسن العندليب/مش راضيه تشتغل ايمان/مهو يوم باين من اوله استنوا بقى هنا ومحدش يلعب فحاجه نزلت ايمان وعملت تليفون وفضلت مستنيه بعد دقايق جه واحد من جوة المنتدى ومعاه شنطه العدة بتاعته قرب من المركبه شاور للكل وقالهم بوناسيرااا ازيك يا ايمان ايمان /ازيك يا منشاوي والنبي يا مانش المركبه دي مش شغاله عارفه انك تخصص مراكب بحريه بس مش هتفرق بحريه من فضائيه بقى المنشاوي/ انا ليا فكل حاجه اوعي انتي كدة بس على جنب ايمان /اتفضل ورينا شطارتك رجع المنشاوي/ هصلحها على شرط اجي معاكم احسن اخليلكم ام المحركات دي تعطل وانتم فالسكه ومشوفش وشكم دة تاني ايمان/ طيب يا منشاوي صلح وفي سرها ليك يوم اظالم المنشاوي/بتقولي حاجه ايمان/لا طبعا ياابو الفوارس اشتغل اشتغل وبعد ساعه المنشاوي/ كدة بقت تمام وزي الفل ايمان/طيب اطلع بقي عشان نتحرك كدة اتاخرنا اوي طلعت ايمان والمنشاوي المركبه مع باقي المشاركين وبدأ حسن العندليب فى الانطلاق اتحركت المركبه وهوووب بقت في السما في الحلقه الجايه تعرفوا ايه اللي حصل [/COLOR]

[العندليب الاسـمر]

يا نهاريللو

سواق مركبة فضائية حتة واحدة

دنا بسوق عربيتي بالعافية

لا واية يا ستي ايمان جايبالي خريطة العتبة والموسكي وعايزاني اوديكم علي كليبر ربنا يستر ومش تلاقي نفسك في الربع الخالي

عموما انا لها انا لها

متقلقوش انتم في ايد امينة

انتم مش عارفين ان انتة نور عنينيا ولا اية

نايس خزعبلاية ام يوسف

وفي انتظار بقية الرحلة

[العاشق الذى لم يتب]

اثبت حضورولى رجعة
علشان الموضوع خطيرجدا

[الفيلسـوف]

طلعوكى ما نزلوكى يا بعيده مره تجيبنى بنظف الملاعب
ومره تجيبنى صحتى ع قدى هارك اسود يا ايمان
بعيد عن التهريج عسل ياايمان وانا متاكد والله انك كنتى حضيفى بصمه
للخزعبلات دائما مميزه ف كل شى والله لمسلط عليك نور ويوسف
تسلم ايدك يا ايمان

[.Lamar]

شوفتى انا جاية بالشوكولاة تبعى

عشان كدة هتقعدى جانبى يا قطة ههههههه

عموما هتنورى

و شكلنا هنشوف كتير مفاجات لسة

متابعة معاكى اكييد

[راجعة لحبيبى]

رحله سفرسعيده
وصحبه سعيده
السواق غالى علينا
والركاب احبابنا وضى عنينا
ماشالله عليك ياايمان
شغل جامد
وخزعبلات رواقه
متابعه وياك
لروحك السعاده

[احمد برهان]

هههههههههههههههههه
إيها ده يا ايمان
ضحكتيني بجد من قلبي
اله يضحك عمرك و يسعدك
بجد عندك حس فكاهي عالي فوق الوصف
انا اعتذر عشان ما قرات الموضوع امس
بس جد عجبني خالص
و تحليلك للشخصيات و تصرفاتها
فعلاً أنا أحس انه حقيقي و طبيعي بجد
الله يوفقك يا اختي
لكي نجومي و تقييمي و اعجابي
و كل احترامي
علي الموهبة الفذة دي
وفقك الله للخير
و في انتظار التكملة
و دمتي بحفظ الرحمن

[SaMa.]

ههههه الله خدتوني معاكو
نايس توبيك ايمان ثانكس ي حلوة

[ايمان طلعت]

اشكركم لمروركم جميعا اخوتي
سعدت بكم
لي عودة للرد كلاً علي حدا

[۩۩ elMagic ۩۩]

يلا ع بركة الله
المهم العندليب هيعرف يسوق ولا هتدخلوا ف كوكب وانتو ماشيين