ممنوع الزواج من هؤلاء

[big bốss]

شاب ما : انا عايز اتجوز يا ماما

ماما : يا عيون ماما حاطط عينك على بنت عمك و لا خالك ؟

الشاب : لا يا حبي انا بحب بنت اموره و مؤدبه مش قريبتى

ماما : و مين دى يا ننوس عين امك

الشاب : بنت عم ابراهيم

ماما : ابراهيم الحلاق

الشاب : اه

ماما : تجيك مصيبه يا بعيد غور ياض من وشى يا موكوس


--------

فى مجتمعنا يحرم الارتباط ببنات الحلاقين او الى بيدفنوا الاموات

او الجزرين

ليه هما مش بشر او بنى آدمين ؟

هل انت او انتى موافق على العرف دا ؟

و ايه سبب الحظر الغير انسانى او اخلاقى من وجهة نظرك ؟

و هل حصل موقف زى كدا قبل كدا ؟ و هل هتوافق على الارتباط بهؤلاء ؟

[توحد ارواح]

طبعا الحلاق والجزار وخلافه طالما مهنه شريفه مش عيب ولا حرام

ولكن انا عن نفسي اؤمن بالتوافق الاجتماعي جدا

بمعني كل واحد ياخد من طبقته واللي زيه

دي قناعاتي حتي لو مش الكل وافق عليها


تسلم ع الطرح القيم


تقديري

[Dr. AnOosHo]

هو مش موضوع ابن جزار ولا بواب

كلنا ولاد تسعه بس الجواز اساسه تكافؤ
ومعتقدش ابن جزار مثلا يرفض يجوز بنت جزار
ماهم بشر ظينا وفي جزارين ووو معلنين عيالهم احسن من ميت واحد قاعد ورا مكتب

بس المهم التكافؤ

تسلم ع موضوعك يبوص

[واد حبيب]

ياعم سيبك من الكلام القاضي ده
كل ده بيعتمد علي الشخص نفسه
انا كنت بتخانق كل يوم مع ولدتي علشان اخطب بنت قربتها
لكن لما قولتلها عوز اخطب بنت فلان
والنعم ساعه بظبط لقتها في البيت عندهم هههههه

[Stop Ana Eltop]

ليه يعنى ؟؟
ولما يتجوز الدكتوره ويفضحوا بعض ويطلقوا هيبقى كويس ؟؟

فيه تكافئ ثقافى بس مش اكتر
انه تبقى عقلية الولد اعلى من عقلية البنت او فى مستواها مش اقل

غير كدا فكلاا سواء تفرقه اخلاقه بس عن غيره

[۩۩ elMagic ۩۩]

اكيددى معتقدات متخلفه
وبعدين الارتباط بالاشخاص مش ا حاجات تانيه
المفروض اللى بيتخذ القرار هما الطرفين لان دى حياتهم
بالنسبالى المستقبل ف علم الغيب منقدرش نحذ اذا الموضوع دا ممكن يحصل او لاء
بس كل شئ نصيب ف الاول والاخر

[ندوشه 2011]

امه تفكيرها قديم ومتخلف ليه مش الحلقين ولا البوابين بياكلوا بعرقهم يعني رزق حلال مش بدل ما يروح يخطب بنت طنط سعاد وباباها غني بس منين من السرقه يلبس بقي

[War ROFL]

التوافق شيء مهم ولكن الرسوللااوصي بان يكون اساس الاختيار هو الدين
والدين يوحد اهم الصفات والاخلاق ويهذب المعاملات
وطبعا التناسب الاجتماعي والمادي مهم ولكن ياتي في مرحله اخري ثانويه
والا فهذا تكريس لطبقيه يرفضها الاسلام
ومن كان في قلبه كبر لا يدخل الجنه !
ليس الفتي من قال هذا ابي !
فضلا عن ان كثير او اغلب اثرياء اليوم معلوم مصادر ثرواتهم او وجاهتهم الاجتماعيه ..

[War ROFL]

اشاره
النبي كان يرعي الغنم
وكل الانبياء انظروا مهنهم

[حـيـــــآة ❤]

لاء !!
يعني ايه مش معقوله مفيش بنت حلاق ولا حنوتي و.. مش متجوزه
يعني كل دول هيعنسوا بسبب مهن اهلهم ..!
هو فكر لدى البعض . . ومتخلف طبعا
هو هيعمل ايه بمهنه الوالد !!
وبعدين اما تكون بنت جزار وتبئا بنت ناس مش دي جديره باكمال حياتها معك!!
هو فكر عند البعض
وربنا يهدي ويوفق
تسلم