أنا والخروف وهوالك ( هندبح خروف)

[(طائر الشرق)]

السلام عليكم ورحمة الله

كل عام وأنت بخير

عيد سعيد على الجميع أن شاء الله

من غير مقدمات وكلام كتير بحكم أنى أنا الوحيد فى البيت اللى ناصح حبتين

كلفت الواد محروس أخويا الصغير يروح يشترى خروف العيد أصل الواد ده

شقى حبتين وداير مفيش ساعة الود رجع وقال يا كبير الخروف فوق سطح

البيت مشاء الله عليك يا محروس راجل وقد المسئوليه مش زى العيال السيس

فاضل شئ واحد يا محروس تروح تأكد على الجزار هوا يا كبير المهم راح

محروس ومرجعش تانى فين وراجع محروس يجر وراه ديل الخيبه فيه ايه

ياعم محلروس رد بقرف مفيش ولا جزار فاضى يدبحلنا وده هو اللى مزعلك

بسيطه أنا معلم يا ابنى لكن نعمل أيه فى الكسل عدى الليل وحه النهار صلينا

الفجر وفاضل نصلى العيد ونروح على البيت نشوف شغلنا الحمد لله

صلينا وعيدنا وروحت على البيت نشيط وكل همه جزار بقى أعمل ايه

لبست هدومى وجمعت سكاكسين البلد أنا هدبح خروف وطلعنا أنا ومحروس

على فوق نشوف الخروف يالله ايه ده

الواد جايب ايه ده دا خروف ولا كرستيانو رونالدو ربنا يخرب بيتك يا محروس

يا خويا طيب ويدبح ازاى ده يا مجرم يا واكل ناسك أنا فى دماغى أن الخروف

بالشكل ده

المهم اللى حصل حصل ومحروس قال ملقتش احسن من كده دا اخر موضة

الأمر لله هات ياعم كرستيانو خلينا ندبح نيم كرستيانو على الجمب اليمين

وخلى الراس ناحية القبلة بسم الله ادبح يا معلم حلال الله اكبر أجرى يا محروس

أمسك يا محروس الخروف نزل السلم رهوان انا فاكره سيس طلع عفريت

يا روح ما بعدك روح وبعد ما قطع قلبنا جرى وراه فى البلد قبضنا عليه

وروحنا البيت وكتفناه ودبحناه علق يامعلم علشان نسلخ وهاتك يا سلخ الله

معلمين يجدعان ومحروس يقول فيه ايه يا كبير الجلد تقيل ليه وانا ارد

عليه المرحوم كان جامد طيب والخروف مفهوش لحمه ليه هى راحت فين

الخروف قدام زى الفل اهوووو ريش وكتف وفخد مشاء الله خلص شكل

الحاج طالع على السلم اهلا يا حاج كل سنة وانت طيب نورت

فين الخروف يا اولاد الكلب هناكل ايه فى العيد الخروف فى الجلد يا بابا ثوانى هنطلعو

يمين بعظيم للتعلقو مكانة

وتعيدو فوق السطح يا ولاد الكلب

وده كان شكلنا بعد الدبح

تم

وكل عام وانتم بخير

[αЛαstoOorα]

ههههههه
علي كدا محروس اتظلم معاك ^^

خزعبلايه خفيفة ومنور المسابقة

تقيمي + تقيمي

[ايمان طلعت]

ههههههههه
اتعلقتوا بدل الخروف
عشان بس تبطلوا فذلكه وتعملوا فيها جزارين
خزعبلايه رائعه
كل سنه وانت طيب
تحياتي

[حـيـــــآة ❤]

هههه حلو خروف البيلياتشو ده
خزعبلايه جميله
موفق

[فداااااااااااء]

هههههههههه حلوة دى

انت عملت زى الجيش لما يقول اتصرف

رائع اخى وبالتوفيق

[ساحر الأحزان]

جميلة يا عصام

حلو شكل الخروف

وانت مدلعة خالصط

بالتوفيق اخى

[(طائر الشرق)]

اقتباس المشاركة الأصلية كتبت بواسطة єЛ- мiлshαwi ههههههه علي كدا محروس اتظلم معاك ^^ خزعبلايه خفيفة ومنور المسابقة تقيمي + تقيمي

محروس ده مجرم هو اللى ورطنى

منه لله هع هع هع

نورتنى يا منشاوى

كل سنة وانت طيب

[(طائر الشرق)]

اقتباس المشاركة الأصلية كتبت بواسطة ايمان طلعت ههههههههه اتعلقتوا بدل الخروف عشان بس تبطلوا فذلكه وتعملوا فيها جزارين خزعبلايه رائعه كل سنه وانت طيب تحياتي

كانت أجمل عديه

لكن نعمل ايه لضروره أحكام

نورتينى ايمان وكل سنه وانتى طيبه

[(طائر الشرق)]

اقتباس المشاركة الأصلية كتبت بواسطة ♥حيآة آلروح♥ هههه حلو خروف البيلياتشو ده خزعبلايه جميله موفق

اصل الواد محروس غاوى فقر

جاب خروف على الموضه

حياة الروح كل سنة وانتى طيبه

نورتى الموضوع

[(طائر الشرق)]

اقتباس المشاركة الأصلية كتبت بواسطة فداااااااااااء هههههههههه حلوة دى انت عملت زى الجيش لما يقول اتصرف رائع اخى وبالتوفيق

طيب نعمل ايه نعيد من غير لحمه

مينفعش لازم حبة شقاوه

نورتى فداااااااء الموضوع

كل سنه وانتى طيبه