خروفنا وانتقامى ( تابع مسابقة هندبح خروف)

[فداااااااااااء]

اولا كل سنة وانتم بصحة وعافية بمناسبة عيد الاضحى وطالما هو عيد الاضحى يبقى لازم وجود خروف علشان نضحى المهم ندخل فى الموضوع على طول كل سنة بنجيب فيه خروف وكان الخروف بيكون مكانه فوق السطوح وكان لازم اطلع أعلم على كل خروف جديد يجى واهدده بالعصاية المهم المرة دى جبنا خروف اظاهر كدا من حوارى ابراهيم الابيض كان شرانى كدا وشكله محدش عاجبه رحت مسكت العصاية وطالعة بكل افتخار وشموخ النفس الى السطوح علشان أعلم على خروفنا واول ما وصلت السطوح رحت فاتحة الباب برجليا بكل قوة كدا آل إيه بخوفه أل وقلت بصوت عالى ياد ياخروف ياد يا جديد انت ياد ياخروف فينك ياد رد عليا ......... وببص كدا لاقيت الخروف اخر السطوح وقرونه ماشاء الله مسننه كدا اخر حاجة روحتله وانا ببصله بصة استهزاء بضحكة سخرية راح باصصلى كدا وبص للعصايا اللى فى ايدى وعينكم ماتشوف غير النور ولاقيت هجوم التتار قادم على كدا بقرونه وطبعا صدق المثل اللى قال قال ايه (الجرى نص الجدعنه ) فى الحالة دى كان الجرى هو الجدعنه كلها عندى وفضلت اجرى على السطوح وهو يجرى ورايا وانا اجرى وهو يجرى ورايا لحد ما ربنا ألهمنى بانى اقفز ناحية الباب وروحت قافزة وقفلت الباب بسرعة والحمد لله نجوت على اخر لحظة ......بس قطعتلكم نفسه انا فى الجرى نمرة واحد ماقولكمش يعنى جه يوم العيد قلت بس دى فرصتى علشان انتقم منه وهو نازل من على السلالم ابصله بسخرية ورحت جبت المحمول وعماله اصوره وقولهم استنوا اخده من الزاوية دى شوية لا ومن الزاوية دى كمان واضحك عليه وهو مذلول واقوله ودا جزات اللى يجرى ورايا بقرونه والله لأجرسك على الفيس بصورك دى جرسة اللى واخد كحك فى الشهادة ودبحنا الخروف وسلخه الجزار وعلقه وانا اصوره وكتبت تحت الصورة ودا جزات اللى يفترى على يتسلخ على طوول اه نسيت اقولكم دى صورة اهله لما شافو صوره على الفيس

[αЛαstoOorα]

لا جامدة من حواري ابراهيم لابيض دي

انت ياااااااااد ياخروووف

بس انتى بطريقة عرضك للقصة كدا حسيت انك

مش مع خروف فوق السطوح حسيت انك فاتن الحلو

ومعاكى اسد

عسلية الخزعبلايه ^^

بالتوفيق ف المسابقة بقة

[حـيـــــآة ❤]

لأ شاطره ههههههههه
كل سنه وانتي طيبه حبيبتي
خزعبلايه جميله
موفقه

[ساحر الأحزان]

حلوة الخزعبلاية

مع الخروف الشقى

وعصابة الجزارين

تحت قيادة

زعيم مدبح المنتدى

المعلم المنشاوى

بالتوفيق فداء

[رآقيہ بأخلاقـى]

حرام عليكى يا فداء
يعنى قدك ده علشان تذليه الذل ده كله
ولا يعنى ان وقع الخروف تكتر سكاكينه
ارحموا عزيز قوم ذل
خزعبلاية جميله يا قمر تسلمى وكل سنه وانتى بخير
عيد سعيد عليكى يا قمرى

[شاعر الحب الحزين]

هههههههاي حلوة الخزعبلاية

وطريقة العرض جميلة جدا وضحكتني جدا

تسلمي ع الخزعبلاية اللي دمها خفيف وظريفة جدا

ربي يوفقك ويسعدك فدااااا

[ايمان طلعت]

ههههههههه
والله انتي مشكله افدااا
كل دة تعمليه فالخروف
هو عشان مربوط تذليه كدة
طب فكيه بس و ورينا شطارتك ههههه
تسلمي عالخزعبلايه الحلوة
موفقه وكل سنه وانتي طيبه

[.Lamar]

انتى عاملة عقلك بعقل الخروف يا فداء ههههه

جميلة الخزعبلاية

كل سنة و انتى طيبة

و بالتوفيق دايما

[فداااااااااااء]

اقتباس المشاركة الأصلية كتبت بواسطة єЛ- мiлshαwi لا جامدة من حواري ابراهيم لابيض دي انت ياااااااااد ياخروووف بس انتى بطريقة عرضك للقصة كدا حسيت انك مش مع خروف فوق السطوح حسيت انك فاتن الحلو ومعاكى اسد عسلية الخزعبلايه ^^ بالتوفيق ف المسابقة بقة

اصلك معذور ماهو لو كنت شفت شكله كنت هتقول دا ابراهيم الابيض بتاع الخرفان
ولازم ادخل عليه كدا واربيه انا مش اقل من فاتن اخى المنشاوى كلنا بنكافح هههههههههه

يسلم المرور الحلووتدوم الضحة الحلوة اخى

[فداااااااااااء]

اقتباس المشاركة الأصلية كتبت بواسطة ♥حيآة آلروح♥ لأ شاطره ههههههههه كل سنه وانتي طيبه حبيبتي خزعبلايه جميله موفقه

مش كدا يا حياة ههههه
تسلميلى حياة وتسلملى الضحكة الحلوة والمرور العطر
وانتى بصحة وسعادة يا قمر