اخلاق عيال ( مسابقة مواقف للنقاش )

[حلم عمري]

موقف لسة حاصل قدامي انهاردة بالصدفة
كنت راكبة مواصلة وفيه 3 شباب قاعدين ووراهم تقريبا 3 بنات في الكنبة الاخيرة
شلة تبع بعض يعني
المهم واحد من الشباب دول شد مع السواق معرفش ايه السبب لاني ركبت في نص المسافة
والناس طبعا قعدت تهدي في السواق والشاب وواحد صاحبهم الصراحة هو اللي هدي الشاب دا
بس بعدها الشاب نطق لفظ انا شخصيا سمعته لاني كنت قاعدة قدامه ( لفظ غير لائق طبعا ) وكان قاعد جمبي ست كبيرة سمعت اللفظ دا بردو فطبعا اتضايقت جدا وزعقت للشاب انه ازاي يقول لفظ زي دا ويتخانق مع راجل اكبر منه
اللي استفزني الصراحة طريقة رد الشاب ع الست طبعا علي صوته وقعد يقولها انا موجهتلكيش كلام وكلام بقا من النوعية دي
والسواق كل شوية يبصلهم لدرجة اني كنت حاسة انه هيقلب العربية بينا عشان خاطرهم -_-
وبعدها الشاب دا هو واللي جمبه وكام بنت من اللي ورا قعدوا يضحكو ويتريقوا واللي هو اسلوب تلقيح كلام ع الست الكبيرة طبعا وهي كل دا سامعة كلامهم لدرجة انها قالتلهم عيب كدة انت بتغلط في واحدة عندها سبعين سنة .. وهما بردو يردو عليها وبعدها يلقحوا بالكلام
وبعدها بقا انا نزلت معرفش ايه اللي حصل في الاخر
لدرجة ان السواق وانا نازلة بيقولي بسرعة عشان الطريق واقف بزعيق طبعا بس انا بصراحة التمست له العذر ونزلت من سكات وقلت الحمد لله اني خرجت منها سليمة

موقف الشباب دول بيدل علي ان التربية تقريبا انعدمت تماما
لما يكون شاب عدي 20 سنة ومعندوش اخلاق وبيتصرف زي العيال الصغيرة يبقي لازم البلد تضيع
وانت مثلا بتفرد نفسك عشان هو سواق غلبان او هي ست كبيرة انما لو شاب مثلا طول بعرض او ظابط او حد تاني مش هتقدر تنطق بكلمة

السؤال
هي التربية والاخلاق راحت فين ؟؟
لحد امتي هتفضل الاهالي مفكرة ان الفلوس اهم حاجة وتربية اولادهم ملهاش لازمة ؟؟

السواق قال للشاب كلمة ( التصرف اللي انت بتتصرف بيه بيدل ع البيئة اللي انت جاي منها )
عشان كدة انا مصممة ان اي سوء اخلاق في اي شخص يرجع بنسبة كبيرة لاهله حتي لو كانو محترمين بس هما غلطو كتير لما فقدوا السيطرة ع اولادهم وتربيتهم

ربنا يهدينا ويصلح حالنا

[۩۩ elMagic ۩۩]

طب هو شاب طايش وشد مع السواق والسواق سكت
مكنش المفروض اصلا الست تتكلم معاه
اذا كان السواق كبر وسابه
الست تحط الموضوع ف بالها ليه !
من الاخر هى جابت لنفسها الكلام
وبعدين اللى يخلي الواد يرد ع حد اكبر منه "السواق"
عادى جدا تلاقيه يتريق ع الست واللى هي اكبر منه بردوا
اكييد الواد مش متربي بس الست نزلت لعقله وجابت لنفسها الكلام
زي بردوا البنات اللى بيضحكوا وراه عايشين ف الزيطه واتكيفوا من اللى حصل
الجيل كله تعبان وعايز إعادة تأهيل يا بنتى
ربنا يهدي بقآ

[توحد ارواح]

اكيدطبعا الموقف من الاول للاخر سوء تربيه من الشباب

اللي انعدمت القيم عندهم

ومش عاد خالص احترام لاي حد اكبر منهم

اما عن السبب انا مش هحط كل المسئوليه ع البيت

صدقيني ف كتير من البيوت بتربي صح اوي

وتبث قيم ومبادئ كتيره ف نفوس اولادها

ونفسهم يبقوا احسن ناس ف الدنيا وعندهم اخلاق عاليه

ولكن المشكله ف رايي من الشارع وخاصة من الاصدقاء

لان فعلا الصاحب ساحب لانه بيسحب صاحبه يبقي زيه

ويزين له كل حاجه غلط انها عادي

يلا ربنا يهدي شباب المسلمين يارب

تسلمي حبيبتي ع طرحك الحيوي

ووفقنا الله واياك الى ما يحبه ويرضاه

[Fatma eissa]

فعلة السواق عنده حق
انه بيدل علي بيئه
الي انشاء فيها
وكمان سوء تربيه
أو مش عرفني أو مش قدري عليه
عشان وهو صغير سبيله الحابل علي نابل
اكيد ده سلوكه في البيت
هما افتكر الفلوس ممكن
تعوض هم غيبه عنه
بس للسفر بوزها بزياده
ومخلهوش يحترم الي اكبر منه عشان
معاه فلوس
وفلوس تخليه يفتكر أن مفيش حد يقف قدامه
بصي
هو عايز يعمل نمر قدام البنات الي معاه
بس صعبان عليا الست الكبيره
مكنشي تعبر عشان متنزلشي مستواها ليه
تسلم ايدك ياجميل

[♥○ moOoOoOna ♥○]

ايوا طبعاً بيرجع لتربية للأهل

ولما يغلط فى واحده زى مامته

يبقى مابيحترمش مامته اكيد

فيه ناس تلاقيها بتتخانق مع دبان وشها وعايزه تعمل خناقه مع اى حد وخلاص

بلطجه بقى و ناس شوارعيه

ربنا يهدى

[حلم عمري]

اقتباس المشاركة الأصلية كتبت بواسطة ۩۩ elmagic ۩۩ طب هو شاب طايش وشد مع السواق والسواق سكت مكنش المفروض اصلا الست تتكلم معاه اذا كان السواق كبر وسابه الست تحط الموضوع ف بالها ليه ! من الاخر هى جابت لنفسها الكلام وبعدين اللى يخلي الواد يرد ع حد اكبر منه "السواق" عادى جدا تلاقيه يتريق ع الست واللى هي اكبر منه بردوا اكييد الواد مش متربي بس الست نزلت لعقله وجابت لنفسها الكلام زي بردوا البنات اللى بيضحكوا وراه عايشين ف الزيطه واتكيفوا من اللى حصل الجيل كله تعبان وعايز إعادة تأهيل يا بنتى ربنا يهدي بقآ

معاك ان الست جابت لنفسها الكلام بدليل ان العربية كان فيها ناس كتير ومعبروش الشاب ولا اتكلمو معاه
بس يمكن عشان هي ست كبيرة ومتعرفش انحطاط الاخلاق اللي احنا وصلنا له صعب عليها السواق والتصرف قليل الادب من الشاب لانه كان مستفز الصراحة
واللي يستفز اكتر البنات اللي كانت بتزيط معاهم زي ما انت وضحت
ربنا يصلح الحال
تسلم للمرور احمد

[حلم عمري]

اقتباس المشاركة الأصلية كتبت بواسطة توحد ارواح اكيدطبعا الموقف من الاول للاخر سوء تربيه من الشباب اللي انعدمت القيم عندهم ومش عاد خالص احترام لاي حد اكبر منهم اما عن السبب انا مش هحط كل المسئوليه ع البيت صدقيني ف كتير من البيوت بتربي صح اوي وتبث قيم ومبادئ كتيره ف نفوس اولادها ونفسهم يبقوا احسن ناس ف الدنيا وعندهم اخلاق عاليه ولكن المشكله ف رايي من الشارع وخاصة من الاصدقاء لان فعلا الصاحب ساحب لانه بيسحب صاحبه يبقي زيه ويزين له كل حاجه غلط انها عادي يلا ربنا يهدي شباب المسلمين يارب تسلمي حبيبتي ع طرحك الحيوي ووفقنا الله واياك الى ما يحبه ويرضاه

عندك حق وانا عن نفسي اعرف اهالي محترمين جداا واخوات كمان محترمين وبيكون مثلا الشاب هو الشخص الوحيد المنحرف والسبب الاكبر طبعا الاصحاب
بس دور الاهل هنا انهم يراقبوا الابناء ويحاولو يسيطروا عليهم ويقربوا منهم فعلا وخصوصا في المراحل العمرية دي
ربنا يهديهم
تسلمي حبيبتي لرايك

[حلم عمري]

اقتباس المشاركة الأصلية كتبت بواسطة fatma eissa فعلة السواق عنده حق انه بيدل علي بيئه الي انشاء فيها وكمان سوء تربيه أو مش عرفني أو مش قدري عليه عشان وهو صغير سبيله الحابل علي نابل اكيد ده سلوكه في البيت هما افتكر الفلوس ممكن تعوض هم غيبه عنه بس للسفر بوزها بزياده ومخلهوش يحترم الي اكبر منه عشان معاه فلوس وفلوس تخليه يفتكر أن مفيش حد يقف قدامه بصي هو عايز يعمل نمر قدام البنات الي معاه بس صعبان عليا الست الكبيره مكنشي تعبر عشان متنزلشي مستواها ليه تسلم ايدك ياجميل

الابناء بيكونو محتاجين رعاية من الاهل خصوصا في السن دا
والفلوس عمرها ما عملت شخص محترم
بس للاسف مين يفهم بقا
ربنا يصلح الحال
تسلمي حبيبتي لرايك

[حلم عمري]

اقتباس المشاركة الأصلية كتبت بواسطة ♥○ moooooona ♥○ ايوا طبعاً بيرجع لتربية للأهل ولما يغلط فى واحده زى مامته يبقى مابيحترمش مامته اكيد فيه ناس تلاقيها بتتخانق مع دبان وشها وعايزه تعمل خناقه مع اى حد وخلاص بلطجه بقى و ناس شوارعيه ربنا يهدى

فعلا
منظر الشاب اصلا وهو بيزعق لواحدة قد والدته منظر مؤلم جداا
ربنا يهديهم
تسلمي لرايك يا جميل

[(طائر الشرق)]

بالفعل الصراع على المال

خطف الأنظار نحوه لنترك الكثير

من أهم أمور الحياة وأكبر دليل هو

هذا الشاب عديم الأخلاق والتربية

أن لم يكن فى اسلوبه مع السائق

فليكن فى تعامله مع سيده فى سن

يجعلة يقف امامها فى صمت

لله الأمر من قبل ومن بعد