فداء تعلن انسحابها من الحرب

[طبيب الهوى]

السلام عليكم ورحمة الله وبركاته


إخواني وأخواتي أحبائي في الله


بعد ما قرأت توبيك فداء في الخزعبلات


قمت برسم خطة مُحْكَمَة لكي أجبرها علىَ الإنسحاب


والأن سأقوم بتنفيذ تِلكَ الخطة


ذهبت بكل براءة لأبنتي ريم وسألتها

يا ريم عمتك فداء اتصلت وبتسلم عليكِ وبتقول أنك وحشاها

ردت ريم وقالتلي والله يابابا هي وحشاني اكتر

بس أنت عارف الدراسة بدأت ومشغولة جداً فيها

ووقتي منقسم بينها وبين ترتيب البيت

وطلبات عصام اللي مش بتخلص

وعشان عمتو مش تزعل مني وتقول أني مقصره معاها

هتصل بيها واعزمها تتغدا معانا النهاردة بس الطبخ عليك ابابا

قولتلها بس كده من عنيا يا ريومتي

هو أنا عندي كم ريم هي ريم واحده بس

أنتِ أتصلي بيها وأنا عليَ الباقي

قالت حاضر يا بابا هقوم اتصل بيها دلوقتي

ريم تتصل ترن ترن ترن ألووووووو

صباح الخير اعمتو عاملة ايه

فداء الحمد لله يا حبيبة قلب عمتو أنتِ عاملة ايه وحشاني

وأنتِ كما اعمتو وحشاني كتير عشان كده اتصلت بيكِ

وقلت أعزم حضرتك تتغدي معانا النهاردة

فداء من عيوني يا حبيبتي هاجي عشان خاطرك وخاطر عصام

وطبعاً فداء مكدبتش خبر وجت جري

مكنتش تعرف اللي هيجرالها يا حرام

جرس الباب رن وقمت افتح الباب لقيت فداء

رحبت بيها وسلمت عليها وقولتلها نورتِ يا حبيبة أخوكِ

دخلت فداء وقالت هروح غرفة ريم عشان اسلم عليها

قولتها اتفضلي وانا هروح المطبخ اكمل الغداء

ومكنتش تعرف المسكينة أن الواد حودا البروف

مستخبي تحت سرير ريم ومعاه تعبان بلاستيك وشوية صواريخ

وكمان دبوس ابره ممزوج بشربات الورد

اول ما دخلت فداء غرفة ريم وجلست على سريرها

الواد حودا مكدبش خبر ونغزها بالدبوس في رجلها بسرعة

ولما صرخت فداء وراحت تشوف من ايه النغزة دي

شافت الشربات على رجليها وافتركيته دم

وتحت رجليها تعبان صغير راحت صوتت وطلعت تجري

وهي بتجري الواد حودا كان مولع الصواريخ ورماها وراها

وقعت فداء يا حرام على وشها وهي بتصرخ الحقوني

وقامت بسرعه وراحت تجري على المطبخ

واول ما دخلت المطبخ انفجر في وشها الفرن الكهربائي

ووقعت فداء تاني على وشها وانا بقومها بكل رقة

صرخت وقالت والله لاوريك يا ابو عصام لسه الحرب مش انتهت

قولتلها هو انتِ لسه فيكِ حيل طيب اعملي اللي انتِ عاواه

بس من غير عياط عشان قلبي رقيق مش بيتحمل العياط

وطلعت جري على باب الشقة وهي بتفتحه اتكهربت

عشان كان متوصل بسلك كهربائي خاص بزر المكيف

ووقعت تاني على وشها يا حرام والله صعبت علي خالص

وراحت تجري في الجنينة كان الواد حودا والواد عصام

مستنينها هناك ولابسين لبس الغوريلا

ولمكا شافتهم فداء وقعت من طولها يا حرام واغمن عليها

وانا من طيبة قلبي فوقتها ببصلاية عشان اطمن عليها

وبدل ما تشكرني قالت برده والله لاوريك يا ابو عصام

سُبحان الله خير تعمل شر تلقىَ

وقامت تجري تاني راحت وقعت في حفرة

كنت حفرتهلها مخصوص ورجليها انكسرت ووشها ورم بس

وبرده رحت بطيبة قلبي المودياني في داهيه دي

وانقذتها من الحفرة قالت وهي في طريقها لسيارة الاسعاف

خلاص يا ابو عصام حرمت وبعلن انسحابي من الحرب

بس ارجوك كفاية حرام عليكِ انا وشي بئا شوارع

وعشان قلبي طيب ورقيق

عفوت عنها وركبت معاها سيارة الاسعاف

ودخلت معاها المستشفى الخاص وتركتها في العناية المركزة

وذهبت للاستقبال وقلت لهم البت دي انا مش اعرفها

بس لقيتها مرمية في الشارع صعبت علي

لما تفوق حاسبوها على فاتورة المستشفى بئا

ودلوقتي سلام بئا

عشان هروح اكمل الغدا عشان اكل انا والاولاد

تعيشي وتاخدي غيرها يا فدفد

أبو عصام

[العاشق الذى لم يتب]

انت بهدلت فداء
بس مااظن ريم تعمل حاجة وحشة مع عمتهافداء
وصباح الفل طبيبنا
اضحك الله سنك

[الفيلسـوف]

هههههههههههههههه ايوه كده يا حبيبى اخدت حقى
احسن مش حروح لحد ولو روحت حشمت فيه
واسلط عليه اللممرضين والممرضات
او نديها حقنه هوا او نديه حقن مياه
او نديها ديكثمازون ووشها يتنفخ
ولما افكر تانى حرجع تانى
علشان ارحمها اصلى رقيق

[Lamees]

دي عزومة ولا علقة دي
نايس خزعبلاية ^_^
الله يكون بعونك يا فداء
الجماعة دول شكلهم بينتقموا منك

[۩۩ elMagic ۩۩]

يلا ع بركة الله
ولو عوزتوا اى شئ
مش هنتاخر عنكوا
تسلم أ/ احمد للخزعبله
دمت بخير

[فداااااااااااء]

يا نهار ابيض مع لبن وموز بيزحلق هو الجوع بيعمل كدا ابو عصام فى الواحد ولا ايييييه

هع انا من منوقع هدا اخ يا يارجيلى ها من منوقع هذا ابو عصام استنى اعلق المحاليل والله مش هسيبك ابو عصام انت وبنتك والواد المفترى استنى اخد الحقنة اخ



ولسة فيا الروح والحرب دى استعملت فيها المدافع ابو عصام اخ يانى اه اه اه اه اه

ماشي انا بقى هضرب بالنووى ابو عصام وبدون رحمة وبس كدا اروح اخد الحقنة التانية

[فداااااااااااء]

	المشاركة الأصلية كتبت بواسطة العاشق الذى لم يتب

	انت بهدلت فداء بس مااظن ريم تعمل حاجة وحشة مع عمتهافداء وصباح الفل طبيبنا اضحك الله سنك

لا تعمل اكتر من كدا مش بنت ابو عصام المفترى
بس مش هسيب حقى ها

[فداااااااااااء]

	المشاركة الأصلية كتبت بواسطة ƧĀƉ_ĿŌ∀Ē

	هههههههههههههههه ايوه كده يا حبيبى اخدت حقى احسن مش حروح لحد ولو روحت حشمت فيه واسلط عليه اللممرضين والممرضات او نديها حقنه هوا او نديه حقن مياه او نديها ديكثمازون ووشها يتنفخ ولما افكر تانى حرجع تانى علشان ارحمها اصلى رقيق

يا نهار احوسيكا يزحلقك ويلعب بيك سيكا
ايه دا الغل اللى فيك منى دا يا عم انت كل دا تعمله فيا اكيد من الخسارة امامى

روح بس كدا اتكل على الله
يا اخى اتقى شرى بدل ما اسلط عليك العيال الصغيرة اللى عندى تخليك تنتحر

روح روح روح كل روووووووووووح كل بس

[فداااااااااااء]

	المشاركة الأصلية كتبت بواسطة اطياف الماضي

	دي عزومة ولا علقة دي نايس خزعبلاية ^_^ الله يكون بعونك يا فداء الجماعة دول شكلهم بينتقموا منك

مفتريين عليا اكمنى غلبانى يا اطياف

لكن مش هسكت عليهم الحرب مستمرة

بهدلونى

[فداااااااااااء]

	المشاركة الأصلية كتبت بواسطة ۩۩ elmagic ۩۩

	يلا ع بركة الله ولو عوزتوا اى شئ مش هنتاخر عنكوا تسلم أ/ احمد للخزعبله دمت بخير

دا انت طلعت شرير زيهم والواحد واخد فيك مقلب

ليه بس يا مان خليك جنتل وبلاش تتهور وتدخل معاهم انت لسة صغنن