مع او ضد ..( الحلقه الاولى فرض ضريبه على تذاكر الطيران) حمله تنشيط

[طبيب الهوى]

القرار بالنسبة لي غريب جداً

لماذا فرض الضريبة علىَ المُغتَرِب؟

الذي ترك وطنه مِنْ أجل تكوين مستقبله الذي لم يجده في وطنه

ولماذا لم يُطَبَق علىَ فئة رِجال الأعمال والفنانين ورجال السياسة؟

وَهُم الذين يتمتعون بِجَميعَ الإمتيازات داخل وخارج الوطن

أرفض قلباً وقالِبا هذا القرار الغير مدروس

ميرسي يا بتي لموضوعك الهادف والقيم

تحياتي وودي وورودي

أبو عصام

[Dr. AnOosHo]

اقتباس المشاركة الأصلية كتبت بواسطة fatma eissa لا طبعا ضد لأن الضراء الي احنا شيفنها ملهاش اي استفاده وضربه شغاله علي عينها ومش عارفين يجمع الفلوس من فين وبعدها هتلاقي فلوس الضرير دي بتروح لمكان واحد وهو المستفيد ولا يعملو حاجه بيها للبلد وأفاد الكبيره للناس الكبار تسلمي علي برنامج الهادف ومميز

والله يطماطم لو كانوا حياخدوا ودرجه واحدة تتغير في البلد كنا قولنا ع الرحب والسعه

بس تقولي ايه بقى هم زي البلاعه عماله تشفط والبلد اللي احنا متغربين فيها بتشفط من الناحيه التانيه واهو لما نشوف اخرتها

نورتي يحبيبتي

[Dr. AnOosHo]

اقتباس المشاركة الأصلية كتبت بواسطة big bốss الى اعرفه ان الضريبه كانت ايام السادات 100 فى عهد مبارك نزلها 50 و فى السيسى رجعها تانى 100 و مش هتفرق كتير ان الى بتشتغل فى الخارج مش هتفرق 100 تقدمها للبلد احنا كل شهر بيتخصم من مرتباتنا فى الشركات ضرايب عادى يعنى انا موافق على القرار

مين قالك بس يبوص ان مش حيفرق كتير

انا مش ضد الضريبه لانها موجوده عموما من الاول بس بنسبه 3 في الميه مش ثابته

وده كان حسب قيمه التذكرة

في ****************** مثلا عندك صعايدة بيشتغلوا عمال بياخدوا 185 و 200 دينار

ده لو حولتها بالمصري يطلع مبلغ وقدره والوفات

لكن في ****************** ملاليم .... ايجار اوضه في شقه شراكه بين مجموعه صعايده بيدفع لها من 50 ل 75

لو حياكل اقل حاجه ممكن تتاكل في البلد حيدفعله 60 دينار بالميت في الشهر
يعني الباقي من مرتبه 60 دينار

ده اللي متغرب بيه عن ولاده وعن اهله عشان يحولهم فلوس ..

ده غير ان كل سنه يدفع اقامه ب 50 دينار ده غير لو موبايل وخط اي كلام يعرف يوصل نت ويكلم اهله كل شهر مش اقل من 5 بالميت

يعني الفلوس اللي جاي قد اللي رايح

لما يحجز على الجزيرة ولا الناس طيران وحش بس رخيص عشان يوفر

ميجيش السيسي ياخد منه 150 ع التذكرة هو طالع عينه عشان ياخدها في الشمس طول اليوم

فلو بتكلم عن مش حتفرق لا حتفرق كتير مع ناس بجد بتتهلك هنا

نورت يبوص

[Dr. AnOosHo]

اقتباس المشاركة الأصلية كتبت بواسطة ۩۩ elmagic ۩۩ مفيش مشكله من فرض الضريبه دا حق الدوله بس بردوا المفروض يحصل ف حالة لو هى كمان بتدي حق الناس الناس غلابه ومش مستحمله اعباء فوق الاعباء ممكن تطبق ع فئات معينه لكن متتعممش

موافقاك مايون في الميه

نورت يماجيك

[Dr. AnOosHo]

اقتباس المشاركة الأصلية كتبت بواسطة واد حبيب الخراب هيكون علي يد السيسي مفيش حاجه سعرها نزل من يوم ما مسك بعكس حاجه سعرها بيذيد ان خايف لبعمل ضرايب علي المشي

ههههههههههههههههههههه لما يعمل ضريبه ع المشي الكل حيكن في بيته والشوارع حتفضى

قول يارب ههههههههههههههههههه

[Dr. AnOosHo]

اقتباس المشاركة الأصلية كتبت بواسطة ندي2011 ضد طبعا حرام عليهم التذاكر مولعه وكمان عايزين يحطوا ضرايب ارحمونا شويه

مش كفايه الغربه .. وتحويشه الشهور بتطير في تمن التذكرة

على رايك يندوش ... نورتي

[Dr. AnOosHo]

اقتباس المشاركة الأصلية كتبت بواسطة حازم34 انا لست ضد اي شئ فيه خير للبلد بس نفسي اعرف طريق الضربيه دا هيروح فين عاوز اشوف المستشفيات العامه علي مستوي للناس الغلابه ال مش لاقيين نفسي اشوف نهضه علميه كبيره بالبلد نفسي اري ميزانيه التعليم والصحه اكبر من ميزانيه الجيش والشرطه الله المستعان اللهم انزل رحمتك علي شعب مصر واكتب لهم الخير يا الله

ربنا يصلح الحال ونشوفها كلنا احسن بلد .. محدش يكره الله كريم

نورت يفندم

[Dr. AnOosHo]

اقتباس المشاركة الأصلية كتبت بواسطة جنون قلب انــآ اللى عايز اعرفه فى كميه الضرآيب اللى ل البلد دى هو احنــآ هندفع ل حد امتى وامتى هنـآخد من البلد يعنى حتى الناس اللى ملقتش مكـآن فى البلد وقررت تتغرب وتسيب اهلهــآ ونـآسهــآ كمــآن يدفعوآ فلوس عشان ملهومش مكــآن فى البلد لآ وأيه بكل بجــآحه عشـآن خـآطر مصر واحنــآ فين من مصر مشفنــآش حـآجه بتعود علينــآ يعنى المشكله ان فى ناس بتقولكـ موآفقين وعلى رأى المثل بكره هنشوف مصر . . انــآ طبعــآ ضد القرآر ده وضد اغلب القرآرآت اللى موجوده حـآليــآ واللى فى النهـآيه بيقولوآ انهــآ فى صـآلح مصر اللى هى اصلآ من اجل ملء جيوب الجـآلسين على الكرآسى سؤآل امتى مصر هتعمل ل صـآلحنـــآ . . يلآ كله فدآ عيون مصر والله ما عارف احنــآ رآيحين على فين .. انهـآرده ضرآيب على التذآكر وقلنــآ مــآشى وقبل كده قرآر النظــآفه وقلنــآ مــآشى فوآتير الكهربــآ وقلنــآ ماشى ولسه ولسه ولسه وطول مــآ احنــآ بنقول ماشى او بيلآقوآ اللى بيقول ماشى .. يبقى نستــآهل ..

معاك حق يا اسلام لحد امتى حياخدوا منا سيبنا البلد ومناخدش حاجه منها وبرضه بياخدوا ... ياخدوا بس نشوف اي نتيجه !!!

ربنا يصلح الحال نورت

[Dr. AnOosHo]

اقتباس المشاركة الأصلية كتبت بواسطة ساحر الأحزان انا ضد فرض الضريبة لان الشركات المصرية مش هى المحتكرة لخطوط الطيران فية شركات تانية منافسة فى السوق وبفرضك للضريبة المسافر حيشعر بالاختناق يعنى مقلبينة برة وجوة مش بيكفى الغربة وهمها هى شركات الطيران بتخس عشان تعوض دة بالضريبة حسن مستوى الخدمة عشان تقدر تدخل فى المنافسة من غير فرض ضرايب واترك للمسافر حرية الخيار

صح جدا ياساحر الواحد بقى بيحس انهم طالعين نازلين عمالين ياكلوا منا

الله كريم بقى

[Dr. AnOosHo]

اقتباس المشاركة الأصلية كتبت بواسطة العاشق الذى لم يتب فيه رجال اعمال كباراوى ومتهربين من الضرايب مافيش مانع من الضريبة بس تبقى بالعدل شكرا نوشة

فعلا زي كل المعترض قال بالعدل وافرضها ع شريحه معينه مش تاخد من اللي مش لاقيين ومتغربين وشقيانين
نورت استاذ رفعت