فتح عنيك...

[الفراشه]

لو شفت مشهد مرعب أوعي تغمض عنيك عشان اللي هتشوفه في خيالك هيكون أفظع من الحقيقة بكتير ... عشان كده لو مش عايز تخاف وانت بتتفرج ع المشهد ده قرب وشك أوي منه ودقق في تفاصيله كويس هتلاقي نقط وحروف هتوصلك لرساله ... ده كانت كلمات عجبتني من فيلم أصحي وفتح عنيك علي لسان مصطفي شعبان.

بس الجمله عجبتني أوي لأنها فعلاً مرتبطه أوي بالواقع


- كتير أوي مننا بيحاول يداري اللي حصل في الماضي بس أقولك حاجه!! لما تداري اللي حصل زمان مش هو ده اللي هيحبب الناس فيك دلوقتي. إفرض يا أخي ان وانت بتداري حاجه من حاجات الماضي ده رجعت قدامك وقدام الناس اللي انت بتخبي عليهم ساعتها هيكون شكلك إيه!!



حاول تكون صريح مع الناس وانا متأكده 100% إنهم هيغفرولك طالما بيحبوك أو هيسموه طيش شباب أو هيقولوا ده حصل قبل مانعرفه .. أو أو أو إلخ .. الكلام ده مش ليك انت بس لا ليكي انتي كمان ماتفتكريش انك لما تخبي حاجه عملتيها زمان يبقي انتي كده نجحتي بالعكس ده ممكن يسبب مصايب في المستقبل لو اتعرف.



- كلنا ساعات بنضطر للكذب .. طيب انت وهي قولولي إيه اللي يخليك تكذب غير إنك خايف!! ماسألتش نفسك قبل ماتكذب انت خايف من إيه. بتكذب ليه مش واثق في نفسك ليه!! انا مش هقولك خليك واثق بنفسك لا
خليك ثقتك في ربك أكبر من ثقتك في أي حد وانت عمرك ماهتضطر تكذب مهما كانت الأسباب. مهما كانت قوة اللي قدامك ومهما كانت سلطته قول الحقيقه وسيبها علي الله لو في حاجه راحت منك تأكد إن هيجيلك اللي أحسن منها.



- الخوف من المستقبل:
طبعاً هو ده اللي شاغل بالك!!
خايف من بكره ..
عارفه والله انك خايف من بكره
أقولك كمان خايف من إيه!!
1- الشباب
-اللي لسه بيدرس خايف من بكره عشان مش عارف هيلاقي شغل امتي .. وأهل البنت اللي بيحبها هيوافقوا ولا لأ
-اللي مخلص وشغال .. خايف من بكره .. عشان مش عارف هيلحق يكون نفسه امتي.
-اللي كون نفسه .. خايف من بكره .. عشان مش عارف هيلاقي البنت اللي تصلح للزواج ولا لأ .. أو هيلاقي واحده يقدر يحبها ولا لأ هيتجوز أي جوازه والسلام ولا هيتجوز اللي هو عايزها.
-حتي اللي اتجوز اللي هو عايزها .. خايف من بكره .. هيعرف يعيش ولاده العيشه اللي كان راسمهالهم ولا لأ .. هيكمل في الشغل ده ولا هيقدر يلاقي فرصه أحسن.




2- البنات
خوف البنات بيكون رعب!! أيوه رعب وهو لسببين
- ياتري هقابل البني ادم اللي أحبه .. وحتي لو لقيته هيتجوزني!!
- بعد الرحله اللي دورت فيها ع البني ادم ده .. وبعد ما لاقيته طبعا كانت عدت بتجارب كتييييييير .. ساعتها هيكون الرعب!! ياتري وانا خارجه معاه ممكن أقابل حد من اللي كنت اعرفهم .. لو قابلت حد ممكن يقف ويسلم عليا !! ده تبقي فضيحه ..
السؤال هنا بقه للي طلع عينه يعني ووصل للأسئله ههههههههههه
-إنت خايف من إيه؟
-في جزء من الكلام لمسك!! طيب أي جزء بالظبط؟
-شايف إيه الحل لأنواع الخوف الكتير ده؟

ياريت يكون في نقااش وحوار جااد......


تحياااااتي....

[$$ هند $$]

[doiss]

موضوع رائع تناولتية ( فراشة )

بأسلوب لبق..

اتكلم عن الخوف عموما وبعد كدة اقول اية اللي لمسني .. اوك ..

تعريف الخوف : الخوف هو الغريزة الرئيسية التي تحرك الانسان سواء بشكل سلبي او ايجابي..

الخوف من الماضي بيكون بسبب : اسرار يصاحبها استياءات..

الخوف من الحاضر : يكون سببة الغضب وعدم الرضا

الخوف من المستقبل : بسبب التوقعات السلبية

الخوف من الماضي علاجة : قبول الذات

الخوف من الحاضر : الحب

الخوف من المستقبل : الايمان

وهذا هو مثلث الرعب في حياة اي انسان .......

المهم .....

[doiss]

موضوع رائع تناولتية ( فراشة )

بأسلوب لبق..

اتكلم عن الخوف عموما وبعد كدة اقول اية اللي لمسني .. اوك ..

تعريف الخوف : الخوف هو الغريزة الرئيسية التي تحرك الانسان سواء بشكل سلبي او ايجابي..

الخوف من الماضي بيكون بسبب : اسرار يصاحبها استياءات..

الخوف من الحاضر : يكون سببة الغضب وعدم الرضا

الخوف من المستقبل : بسبب التوقعات السلبية

الخوف من الماضي علاجة : قبول الذات

الخوف من الحاضر : الحب

الخوف من المستقبل : الايمان

وهذا هو مثلث الرعب في حياة اي انسان .......

المهم .....

اللي لمسني هو : اللي مكون نفسة ومتردد جدا في موضوع الزواج وشكلة قلب خوف مرضي ...

ودة طبعا نتيجة الشغلانة الزفت اللي خلتني احللل الشخصيات.. وبقيت اشوف شخصية اللي

اودامي بسهولة ودة طبعا بيخليني اشوف عيوبة قبل مميزاتة ..

وما بقتش عارف افصل الشغل عن العلاقات ..

بس بحاول .. والله المستعان

وفقك الله موضوعك حرك افكاري وجعل رأسي تتجة الي السماء...


دمت بتألق دائم

[بنوتهv.i.p]

موضوع جميل جدا جدا جدا
تقبلي احترامي الشديد

[العراق الحر]

موضوع جميل ورائع
دمت بالخير وكل التوفيق

....قد لا تصدقين ان قلت ان الخوف قد زال من قلبي
ففي بلاد الرافدين شاهدنا ما لا يصدق

تحيتي والاعتزاز