قصة حقيقية!!!!ونوعا ما غريبة!!!!!كأنها معجزة

[عاشقة الندى]

قبل يومين حصل معنا موقف غريب في البحر واحنا استغربنا منه كتييير فأنا حبيت اكتبه بالمنتدى......هوة يمكن مش زي غرابة القصص الي بنلاقيها بالنت بس عنجد لو تخيلتو الموقف رح تندهشوا..........
7
7
7
7
ما رح اطول عليكم
7
7
7
واحنا في البحر كان في بياعين...زي ما انتو بتعرفو وبتشوفوا طبعا..مر علينا واحد منهم بيبيع بسكويت..وحكالنا رزقوني ومن هالكلام الي بيحكيه كل بائع..سألنا بابا اذا بدنا بسكويت ولا لا...قلنالوا :لا شبعانين..حكالوا بابا :شايف!!ما بدهم!!..فحكالوا البائع مش مشكلة خد وحدة عالقليلة!!الله يفتحها بوجهك!!البسكوتة بشيكل:خد وحدة!! قلو بابا :ماشي رح اشتري وحدة..حط بابا ايده بجيبوا وطلع منها عشرة شيكل بس فكة يعني خمسة وخمسة...اعطاله خمسة ووقعت خمسة عالرمل فصار بابا يدور عليها ورجعله البياع الـ 4 شيكل وصار يدور معاه برضو (وللي ما بيعرف الشيكل عندنا بغزة هو شكله دائري ومعدني)وقعدو يدورو عليها تقريبا 10 دقائق وبعده صار بابا يحكي للبياع خلص!! انت روح شوف رزقك وبيعوض الله عليها...البياع أصر انو يبقى ويدور..طولوا شوية!!ورااح البياع وصار بابا لحاله يدور..راح البياع واجا واحد من اصحاب الاستراحة(يعني الجرسون بالمصري) وبيحكيلنا:أي أوامر؟؟وشاف بابا بيدور..حكالو :في شي ضايع منك؟حكالوا بابا:خمسة شيكل..صار الشاب يدور معه مدة وبعدين حكالوا بابا : خلص!!الله يعطيك العافية....راح الشاب واحنا نسينا الموضوع..أثناء ما احنا قاعدين كانوا اصحاب الاستراحة حاطين على اغنية ام كلثوم الي بتحكي:وتعالى تعالى..يا حبيبي تعالى..وبابا بيحبها كتيييير!!قعد يغني معها..ولما اجا المقطع الي توي حكيته!!بابا نزل ايده فجأة بالرمل(علما بأنو كان قاعد عالكرسي فنزل حاله يعني نام عليه علشان يطول الرمل)!!وحكى يا خمسة تعالي..تعالي تعالي!!ما حكى كدة الا والخمسة بين اطراف اصابعه!!!!

واحنا اندهشنا كيف صار هيك !!
بس هية قدرة الله ...يمكن علشان مال حلال



بدي ردود لانو تعبت كتير بكتآبته

[محمد عطيه]

موضع اكثر من راع تسلمي ايدك

[الغامضة]

ههههههههههه موضوع جميل ياريت كل اللى ضايع منه حاجة يغنيللها وتيجى واحنا نغنى طول الوقت تعالى تعالى هههههههههههههههههههههه شكرا يا قمر ومتستغربيش فعلا ممكن تحصل

[محمد خطاب]

فعلا موضوع جميل جدا يا عاشقه الندى

وفعلا المال الحلال عمرة يا بيضيع على صاحبه

والنيه الصافيه كمان
موضوع اكثر من رائع

تحياتى ليكى