يا آنسه .. إيه اللى إنتي عاملاه فى نفسك ده !!

[Just Ahuman]

السلام عليكم ورحمة الله وبركاته

وحشتوني من إمبارح مشوفتكوش .. النهارده جايلكم بمُناقشه جديده بس المره دي عن البنات مش الولاد ..

الموضوع بالنسبه للأخوات اللي بيبقو مُحجبات ومش مُحجبات فى نفس الوقت .. هتقولولي إزاي هقولكم أنا

أول نُقطه موضوع الشعر اللى بيبقي خارج تلت أرباعه بره الطرحه .. مش عارف هل حبة الشعر دول مش مُقتنعين بالحجاب ولا إيه !! تبقي الواحده منهم ماشيه قدامك تبقي عايز تقولها يا آنسه "فى طرحه طالعه من شعرك".. حاجه غريبه جداً بصراحه ماهو يا بنت الحلال يا تغطي شعرك زي خلق الله يا بلاش منه أحسن

ثاني نُقطه بقي.. اللي بتبقي مُحجبه والجزء اللي من أول رقبتها لحد تحتيه بشويه اللي هي المنقطه الموازيه لأعلي الكتف بتبقي عريانه ومش متغطيه .. طب حضرتك يعني هو الحجات شعر بس ولا إيه فهمينا يمكن إحنا فاهمين غلط

ثالث نُقطه برضو واللي مُستفزه جداً .. الأُخت اللي مشمره البنطلون عشان تلبس خُلخال فى رجلها .. أنا مش فاهم يعني هو رجلك دي مش شامله حجابك ولا المنقطه دي مش تبع جسمك!!

ورابع نُقطه وهي الأخيره .. الأخت اللى بتبقي مشمره الكُم .. هو دراعك ده تبع ناس تانيه ولا إيه .. خلي بالك ده عوره ومش مفروض حد يشوفه .. وخلاص يا ستي شوفنا المجانص وعرفنا إنك بتلعبي كمال أجسام

فيه حاجات كتير جداً الواحد لو إتكلم عليها هيُقعد ساعات طويله يحكي عنها بس دي أكتر حاجات شائعه فى الوقت الحالي .. وآسف على الإطاله وأتمني ميكونش حد متضايق من المُناقشه دي بس أنا شايف إن دي من السلبيات الموجوده حالياً

دُمتم بود : Mido

[شاعرة الرومانسيه]

والله عندك حق

3 نقاط شائعه ومستفزه

مش هاقف ضد الكلام عشان انا بنت لا

بالعكس فينا كتير مش عاجبنا المناظر دى

ربنا يهديهم جميعا وصدقنى الجمال أبسط من كدا

وجمال الروح والطبع فاق الشكل والمظهر بكتييييير

تسلم ايديك على الموضوع

[αЛαstoOorα]

الغريب ان الكل يقولك الجمال جمال الروح

وتتفاجئ ان الجمال نسبالهم هو الحركات ^^

يعني اللي آنا آعرفه بصرف النظر عن البنات ولبسها

كل واحد حر ف اللي بيعمله ..بس انا عاوز آعرف

هل لو البنت جميلة آصلاً هتعمل دا؟؟؟؟

يعني لو بنت آصلاً جمالها الرباني ناطع علي خلقتها

هتحتاج تحط كميه الدوكو دي ؟ وبعدين بيحطو حاجات بالحبطرش
تحس آنك لما تبص لوش البنت انك باصص لباب شقة ههههه
واسامي غريبة بقة ..تقولك دا ايشازو ودا اينينر ودا مسخرة ككككك

اما اللبس بقة ..متفهمش آيه هو المغزي من الخلخال؟؟؟
يعني هل هي بتورينا بالخلخال دا جمال آصبت رجلها؟
وبعدين اللي آنا آعرفه برضه ايام زمان لما كانو بيلبسو
الملايه اللف كانو بيلبسو الخلخال علي شبشب عالي كدا
عشان كان بنسبالهم رمز للدلع كدا تمشي تتقصع بقة وحركات^^
هل آنتي زي ما رجعتي زمن الخلخال ..عندك الجرائة تلبسي ملايه لف؟
دا سؤال تاني برضه ..عشان آنا غايظ آمي موضوع الخلخال دا !!
آموت وآعرف بتحس بآيه وهي لابساه ..آو بتلبسه عشان آيه ؟

آما الحجاب ف الحجاب عند البنات مجرد سترة لشعرها ومسمهوش

حجاب اسمه ايشارب ههههه تضرب الايشارب ع البادي ابن المجنونة الضيق
مع البنطلون اللي بيكشف كل مواهبها كا آنثي وتنزل واصلاً زي ما قولت
هو بيبقة حاجة مع الشعر لآن شعرها بيكون كدا كدا باين ..يرجعو الطرحه
عند قفاهم كدا عند مركز النور ف المخ ههههه وتقوم لاقيها عملالك بانك قدام
وشخصية روئة ف فيلم العار تركبها
اما يابنات عليكم شوية حركااااات هههه الله يخربيعكم

[bobaOo]

عندك حق بصرااحه للأسف مش هقدر اداافع عنهم في اي نقطه من دول

وفعلا انا كبنت نصحت بنات كتير رقبتك باينه رجلك ايدك شعرك
والرد يااما اناا حره يااما دي مووضه يااما شكلي من غير ماابينهم وحش

هوا حضرتك لو حره ماشي بس مش في حجات دينا امرنا بيها ولازم تلتزمي بيها زي مااأومرنا يااما متلتزميش خالص

وعلى فكره بيقلدو الغرب بردو
ندعيلهم بالهدايه

تسلم ع الطرح
تحياتي لك

[ايمان طلعت]

ياأيها النبي قل لأزواجك وبناتك ونساء المؤمنين يدنين عليهن من جلابيبهن

قال الله من جلابيبهن مقالش من بناطيلهن دة اولا

تاني حاجه

وليضربن بخمرهن على جيوبهن ولا يبدين زينتهن

جيوبهن منطقه الرقبه والصدر
الزينه طبعا الشغر والخلخال والمكياج او حتى ملابس صارخه

دة كلام ربنا وامرنا بيه
اللي مش بتعمل كدة تبقي بتعصي الله
ربنا يهديهم ويصلح حال بناتنا يارب
موضوع قيم
وانرت المكان
تحياتي

[Just Ahuman]

اقتباس المشاركة الأصلية كتبت بواسطة شاعرة الرومانسيه والله عندك حق 3 نقاط شائعه ومستفزه مش هاقف ضد الكلام عشان انا بنت لا بالعكس فينا كتير مش عاجبنا المناظر دى ربنا يهديهم جميعا وصدقنى الجمال أبسط من كدا وجمال الروح والطبع فاق الشكل والمظهر بكتييييير تسلم ايديك على الموضوع

الله ينور عليكي وأي حد ماشي بمبدأ مش هيعجبه سواء ولد أو بنت ..
الموضوع نور بمشاركتك .. تسلمي

[Just Ahuman]

اقتباس المشاركة الأصلية كتبت بواسطة !lion hart! الغريب ان الكل يقولك الجمال جمال الروح وتتفاجئ ان الجمال نسبالهم هو الحركات ^^ يعني اللي آنا آعرفه بصرف النظر عن البنات ولبسها كل واحد حر ف اللي بيعمله ..بس انا عاوز آعرف هل لو البنت جميلة آصلاً هتعمل دا؟؟؟؟ يعني لو بنت آصلاً جمالها الرباني ناطع علي خلقتها هتحتاج تحط كميه الدوكو دي ؟ وبعدين بيحطو حاجات بالحبطرش تحس آنك لما تبص لوش البنت انك باصص لباب شقة ههههه واسامي غريبة بقة ..تقولك دا ايشازو ودا اينينر ودا مسخرة ككككك اما اللبس بقة ..متفهمش آيه هو المغزي من الخلخال؟؟؟ يعني هل هي بتورينا بالخلخال دا جمال آصبت رجلها؟ وبعدين اللي آنا آعرفه برضه ايام زمان لما كانو بيلبسو الملايه اللف كانو بيلبسو الخلخال علي شبشب عالي كدا عشان كان بنسبالهم رمز للدلع كدا تمشي تتقصع بقة وحركات^^ هل آنتي زي ما رجعتي زمن الخلخال ..عندك الجرائة تلبسي ملايه لف؟ دا سؤال تاني برضه ..عشان آنا غايظ آمي موضوع الخلخال دا !! آموت وآعرف بتحس بآيه وهي لابساه ..آو بتلبسه عشان آيه ؟ آما الحجاب ف الحجاب عند البنات مجرد سترة لشعرها ومسمهوش حجاب اسمه ايشارب ههههه تضرب الايشارب ع البادي ابن المجنونة الضيق مع البنطلون اللي بيكشف كل مواهبها كا آنثي وتنزل واصلاً زي ما قولت هو بيبقة حاجة مع الشعر لآن شعرها بيكون كدا كدا باين ..يرجعو الطرحه عند قفاهم كدا عند مركز النور ف المخ ههههه وتقوم لاقيها عملالك بانك قدام وشخصية روئة ف فيلم العار تركبها اما يابنات عليكم شوية حركااااات هههه الله يخربيعكم

أولاً منور صديقي الإسكندراني إبن بلدي الغالي .. ثانياً مش متفق هو مش كل البنات بيقولو كده ويعملو العكس طبعاً .. بس زي ما بيقولو دايماً الوحش بيغطي على الحلو ... والأشكال دي ماليه الدنيا طبعاً ... ربنا يهديهم ... نورتني يا معلم

[Just Ahuman]

اقتباس المشاركة الأصلية كتبت بواسطة boba0o عندك حق بصرااحه للأسف مش هقدر اداافع عنهم في اي نقطه من دول وفعلا انا كبنت نصحت بنات كتير رقبتك باينه رجلك ايدك شعرك والرد يااما اناا حره يااما دي مووضه يااما شكلي من غير ماابينهم وحش هوا حضرتك لو حره ماشي بس مش في حجات دينا امرنا بيها ولازم تلتزمي بيها زي مااأومرنا يااما متلتزميش خالص وعلى فكره بيقلدو الغرب بردو ندعيلهم بالهدايه تسلم ع الطرح تحياتي لك

إنتي عملتي اللي عليكي ونصحتي وثوابك عند ربنا .. وهما عقابهم عند ربنا برضو .. تقليد أعمي من غير وعي أو فهم .. ربنا يهديهم ويهدينا .. تسلمي بوبا على متابعتك ومشاركتك معايا

[Just Ahuman]

اقتباس المشاركة الأصلية كتبت بواسطة ايمان طلعت ياأيها النبي قل لأزواجك وبناتك ونساء المؤمنين يدنين عليهن من جلابيبهن قال الله من جلابيبهن مقالش من بناطيلهن دة اولا تاني حاجه وليضربن بخمرهن على جيوبهن ولا يبدين زينتهن جيوبهن منطقه الرقبه والصدر الزينه طبعا الشغر والخلخال والمكياج او حتى ملابس صارخه دة كلام ربنا وامرنا بيه اللي مش بتعمل كدة تبقي بتعصي الله ربنا يهديهم ويصلح حال بناتنا يارب موضوع قيم وانرت المكان تحياتي

إنتي جبتي الخُلاصه مش هقدر أضيف حاجه على كلامك .. ربنا يصلح حالنا وحالهم .. تسلمي على ذوقك والمُنتدي منور بوجودكم جميعاً .. وأتمني وجودي يكون مُفيد

[ابن الحتة]

انا بصراحه يكفينى الرد المشرف من بناتنا اللى ردوا
رد ولا كلمه رد غير متحيز رد هادئ
يخلينى اقول بناتنا بخير اطمنوا بس فيه قله بسيطه
فرحانين بنفسهم بيثيروا الشباب ..بنات مراهقه بقى