دعوات أم الشهيد طاردت الزمالك في الدفاع الجوي !

[محمود الصاروخ]

السلام عليكم ورحمة الله وبركاته





بعد مرور 10 شهور علي مجزرة الدفاع الجوي التي راح
ضحيتها 20 مشجع من جمهورالزمالك الأوفياء والمخلصين والمحبين
لكيان نادي الزمالك والتي كان سببها أكثر من أشخاص وأولهم ادارة نادي الزمالك و وزارة الداخلية وإتحاد الكورة المصري

خاض الزمالك أول لقاء له بعد المجزره علي أرضية ملعب الدفاع الجوي منذ قليل
ولكن دعوات أم الشهيد طاردت كل من شارك في إقامة المباراة علي هذا الملعب
وخسر الزمالك المباراه ب ثلاثة أهداف مقابل هدفين في مباراة هي الأسوء
في شوطها الاول لنادي الزمالك و وجود أغبي تغييرات في تاريخ الزمالك

الحمدلله رب العالمين قدر الله وماشاء فعل
خسر الزمالك اليوم ولكنه كان بطل وها هي هزيمة البطل
وكما قال أحد المحللين في النيل الرياضيه بأن الزمالك اليوم خاض
مباراه ملحميه وخسر ولكنه بطل ب اداءه اليوم !

وليلعم الجميع بأنني مع الزمالك في الضراء قبل السراء
وأقسمت من قبل بأنني سأبقي زملكاويا حتي لو لم يتبقي من الزمالك إلا اسمه
فمجرد أن اكون أو انتمي للزمالك بأي شكل وبأي حال من الأحول فهذا شرف لي
وسأجعل أولادي وأحفادي في المستقبل يتغنوا ب زملكاويتي العظيمه
الزمالك ياساده وقت ما يكسب يكسب وهو بطل
وقت ما يخسر يخسر وهو بطل
والملعب خير دليل
هذا هو كيان الزمالك بالنسبه لنا

أما من كان سبب في مجزرة الدفاع الجوي لعنة الله عليه
اسألكم الدعاء و قراءة الفاتحه علي شهداء الدفاع الجوي بعد مرور 10 شهور

[شاعرة الرومانسيه]

اللهم ارحم شهداءنا جميعا

مجهود عالى محمود

[نجم الحبيب]

زعم الخساره الزمالك قدم مباره كبيره
وعلي جبر متخصص طرد في اول المباراة
ربنا يرحم كل شهداء مصر

[توحد ارواح]

انا كنت مش بتفرج بس كنت بسمع الماتش
الزمالك لعب مباراة كويسة
بس الحكم ظلمه شويه ف ضربات الجزاء والطرد
عموما هارد لك للزمالك
ربنا يرحمهم ونحسبهم شهداء عند الله

[حازم34]

رغم اني اهلاوي حبا وقلبا ولعبا

ولكني احب لعب الزمالك

ومنشتاتك الرياضيه فيها جمال

انا بقولك هتكون في احدي المجلات الرياضه وافتكر كدا

هارد لك بس الخطا علي اللاعب ال تسبب بالهزيمه

تسلم اخي الكريم محمود

[Just Ahuman]

بداية وقبل أي شئ رحم الله شهداء الدفاع الجوي وبورسعيد وحسبنا الله ونعم الوكيل فى من كان السبب فيهم ..

ولو ع الماتش الزمالك زى ما قولت قدم أسوء أداء في الشوط الأول بس ده ميمنعش إن الجيش قدم أفضل مباراه فنيه وتكتيكيه فى الموسم حتي الآن وأرفع القبعه لطارق يحيي .. والسبب فى ظهور الزمالك فى الشوط الثاني وجود مصطفي فتحي من وجهة نظر كان لابد من تواجده من أول المباراه .. ولو ع المحلل اللى هو الكابتن أيمن يونس من وجهة نظري غير مُحايد بالمره وبيتكلم على ضربة الجزاء وبيقول عليها فاول من على خط الـ 18 مش قادر ينسي إنه زملكاوي وهو على الهواء بصراحه .. وبالنسبه لعلي جبر محتاج وقفه أخطائه ساذجه جداً بصراحه والحل البدني عنده هو الأقرب دايماً عنده وهو أحد أسباب الهزيمه الأساسيه .. ولولا وجود الشناوي فى أكتر من كوره لكانت النتيجه أكثر من كده وآخرها كوره عيد عبد الملك فى نهاية المباراه .. النتيجه عادله من وجهة نظري والزمالك لا يستحق الفوز

وبالتوفيق فى اللي جاي يا محمود إن شاء الله

[محمود الصاروخ]

اقتباس المشاركة الأصلية كتبت بواسطة شاعرة الرومانسيه اللهم ارحم شهداءنا جميعا مجهود عالى محمود

رحم الله شهداء مصر
وشهداء الدفاع الجوي لنادي الزمالك
وشهداء بورسعيد من مشجعي الاهلي

منوراني شاعرة الرومانسية

[محمود الصاروخ]

اقتباس المشاركة الأصلية كتبت بواسطة واد حبيب زعم الخساره الزمالك قدم مباره كبيره وعلي جبر متخصص طرد في اول المباراة ربنا يرحم كل شهداء مصر

الزمالك قدم مباراه كبيره في الشوط التاني
ولكن قدر الله وماشاء فعل والحمدلله علي كل شيء

رحم الله شهداء مصر وتحديدا قطبي الكره المصريه الاهلي و الزمالك
منورني دايما ياغالي

[محمود الصاروخ]

اقتباس المشاركة الأصلية كتبت بواسطة توحد ارواح انا كنت مش بتفرج بس كنت بسمع الماتش الزمالك لعب مباراة كويسة بس الحكم ظلمه شويه ف ضربات الجزاء والطرد عموما هارد لك للزمالك ربنا يرحمهم ونحسبهم شهداء عند الله

في البدايه الحمدلله علي كل شيء
الزمالك لعب مباراه ملحميه زي ما قولت وبرغم الهزيمه ف هو بطل
بأدائه الرجولي طوال الشوط التاني من المباراه ولكن موضوع الحكم
أنا شايف ان ااحنا ك زملكاويه هنعلق فشل مدربنا علي الحكم النهارده تحديدا
غباء المدرب في تغييراته بعد طرد علي جبر هو السبب الرئيسي في الهزيمه

هارد لك زمالكنا
مبروك طلائع الجيش
مبروك المحترم طارق يحي
رحم الله شهداء مصر جميعا وخاصه قطبي الكرة المصريه

منوراني ندي بجد

[محمود الصاروخ]

اقتباس المشاركة الأصلية كتبت بواسطة حازم34 رغم اني اهلاوي حبا وقلبا ولعبا ولكني احب لعب الزمالك ومنشتاتك الرياضيه فيها جمال انا بقولك هتكون في احدي المجلات الرياضه وافتكر كدا هارد لك بس الخطا علي اللاعب ال تسبب بالهزيمه تسلم اخي الكريم محمود

الزمالك أدي مباراة رجوليه تحديدا في الشوط التاني
وكان قريب جدا من التعادل ولكن قدر الله وماشاء فعل

منورني دايما حازم