الحلقه الثالثه من ( لو كنت مكاني ) جوز الاتنين

[phalsteen]

مساء الخير

اولا سوري علي تأخير الحلقه الثالثه
ثانيا كل عام وانت بكل الصحه والسعاده ويارب دايما متجمعين ع الخير

نبدأ الحلقه ونتعرف علي البطل :

هو موظف علي قد حاله باختصار حاله زي حال ولاد بلده المصريين
بيتحسد بس علي كلمه انه موظف مع ان مرتبه مبيجبش اخر الشهر
بس الاهم انه راجل محترم وحافظ كتاب ربنا بيعلم اطفال القريه
وكمان بيروح يقرأ في البيوت اللي حواليه ولو في عزاء ولا حاجة
حياته بدأت لما قرر يتنازل ويطلب جوازه من بنت عمه المريضه
ويقرر يستحمل مصاريفها ومصاريف علاجها المزمن
وكمان يتنازل عن استحاله الانجاب
لكنه كان راضي وقال لاهله انه شاريها وانه مينفعش يسيب بنت عمه
لوحدها في الدنيا وانا ملزم بيها ويتمني تكون شريكه حياته
وقد كان وبعد 15 سنه جواز لو سألت الموظف الغلبان دا هيقولك
بنت عمي ونعم الزوجه اللي ربنا رزقه بيها


لحد ما في يوم قررت الزوجه ترد الحب لوزها وابن عمها
بانها متحرموش من انه يبقي اب
وراحت بنفسها تخطبله واحدة صغيرة في السن
منفصله وعندها طفل علي امل ان ربنا يكرمها هي وجوزها
ويرزقهم بطفل ويبقي عيله واحدة

وفعلا اتعاونت مع جوزها عشان يحققوا
مطالب الزوجه الجديدة من شبكه وشقه
لوحدها وفرش جديد ويتحملوا نفقه ابنها اللي طلبت ميسبهاش
وكل شروطها كانت مجابه وسافرت كمان وسابت جوزها
شهور عشان ميحصلش بسببها اي مشاكل مع الزوجه الجديدة

وبعد كل دا جه الزوج اللي المفروض يكون مبسوط بكل دا يقول :

ان الزوجه الجديدة طماعه لابعد حل ومش حاسس انها عايزة تبني بيت معاه
لكن للاسف بيحس معاها بكميه استغلال غريبه
وطلباتها مبتخلصش واي كلمه تتحول لخناق وصوتها عالي ونكدية
ومعندهاش اسرار اي نفس بتجري ع الجيران قبل اهلها تقوله
ومستغليه فرق السن في كونها محسساه انها اتنازلت لما وافقت
وانها حاجة كبيرة اوي عليه
ببساطه في خلال شهرين الراجل دا حس اكتر بقيمه بنت عمه
وان كل حاجة رزق من عند ربنا
ومش قادر يتكلم ويشيل بنت عمه اكتر من اللي اكيد في قلبها
وبعد كل اللي عامله هو ومراته عشان حلم الابوه يخسره في لحظه
ولا قادر يكمل مع العلم انه هو اللي اختار
وخايف يكون ربنا بيعمل فيه كدة عشان اكيد جرح واحدة مقصرتش

لو كنتوا مكانه ؟؟؟



انتهي ,,
قلم : سارة محمد
21/12/2015

[Lamees]

هو طبعاً حاسس بذنب زوجته الأولى
ولكنه هو كمان من حقه يكون أب
لكن هو وزوجته اختاروا خطأ من البداية
كان يجب عليهم اتقان الأختيار ولكن لمجرد انها صغيرة
السن ومعاها طفل يبقى اكيد انجابها مضمون
وغير كده مقدروش يشوفوا اي عيوب تانية
وكمان الزوجة الجديدة لانها فاهمة كده
بتلعب بيه زي ما هي عاوزة وكمان طمعها ظاهر جداً
من رأيي انه يتحمل معاها شوي
وبلاش ينفذ كل طلباتها
واذا كان عاجبها
يمكن ربنا يهديها
ويمكن ربنا يرزقه منها بأبن يعوضه سنين حرمانه

جميل يا سما
منورة

[توحد ارواح]

هو مش جرح زوجته الاولي لانها هى اللي طلبت التضحية دى
وكمان من حقه يكون اب وعنده اولاد
ولكن بالفعل اساء الاختيار من الزوجة الثانية
نكدية وصوتها عالي وكمان تفشى اسرار البيت شىء غير محتمل اكيد
ولكن ما الحل
انه ينذرها بالحسني ويحذرها ويدعي لها بالهداية
وان لم ترتدع يتركها وشأنها
لان لو انجبت ستسىء معاملته اكثر واكثر
تسلمي سما وكل عام وانتي بخير حبيبتي

[countess]

هو احيانا سوء الاختيار ديما هو الي ديما له

الكلمه نقطه كدا ع سطر

يسلمو سمسمه

[Just Ahuman]

سوء الإختيــــــــــــــــــــــــــــار وحُطي تحتها مليون خط .. ده سبب كل شئ وبنت عمه أصيله وهو إبن أصول فكان لازم تنقيله واحده من توبه زي ما بيقولو بالبلدي كده .. ولازم يسيبها طبعاً ويحاول يشوف واحده تصلح تبقي زوجه للراجل الغلبان ده

تسلمي على الموضوع ومتغبيش تاني

[bobaOo]

يسيب الثانيه
ويرجع للاولي

وفعلا من حقو يكون اب
بس اختارو غلط

تسلمي

[نجاة حسام]

يمكن هو ومبنت عمه غلطو

اولا نصبهم يعيشو مع بعض
وربنا هو اللى بايده يرزقه بعيل او عشرين
مافيش حاجه معلش اسمها من حقه يكون اي
هو كان عارف واختار
وبصراحه طلمن قبل يتجوز على مراته يبقى من جوه غير اللى بره يعنى بمعنى انسان اتظاهر بغير حققته
وبردو هو متنزلش انه اتجوز وحده مريضه بالعكس يمكن ربنا بيحبه انه لقى جوهره زيها
وهنا طلمن التانيه طلعت وحشه
يبعد ويحمد ربنا على الدرس اللى اخده
يمكن يجيب طفل يزله ويكسره ويطلع قليل الاصل مش متربى زى امه
تحياتى ليكى

[دمعه حائره]

وضعه صعب جدا الجواز مينفعش يستمر بصفاتها دى
ولو استمر وجاب اوﻻد مشاكلهم هتزيد
ديما نفكر ان الحاجه اللي ناقصانا هي اللي هتسعدنا
ومبنفكرش ان الاختيار الصح اهم
ﻻزم يصلح الغلط من اوله لو عاوز يعيش مبسوط
شكرا سما

[phalsteen]

اقتباس المشاركة الأصلية كتبت بواسطة اطياف الماضي هو طبعاً حاسس بذنب زوجته الأولى ولكنه هو كمان من حقه يكون أب لكن هو وزوجته اختاروا خطأ من البداية كان يجب عليهم اتقان الأختيار ولكن لمجرد انها صغيرة السن ومعاها طفل يبقى اكيد انجابها مضمون وغير كده مقدروش يشوفوا اي عيوب تانية وكمان الزوجة الجديدة لانها فاهمة كده بتلعب بيه زي ما هي عاوزة وكمان طمعها ظاهر جداً من رأيي انه يتحمل معاها شوي وبلاش ينفذ كل طلباتها واذا كان عاجبها يمكن ربنا يهديها ويمكن ربنا يرزقه منها بأبن يعوضه سنين حرمانه جميل يا سما منورة

الاجمل كونك بالقرب غاليتي

[phalsteen]

اقتباس المشاركة الأصلية كتبت بواسطة دمعه حائره وضعه صعب جدا الجواز مينفعش يستمر بصفاتها دى ولو استمر وجاب اوﻻد مشاكلهم هتزيد ديما نفكر ان الحاجه اللي ناقصانا هي اللي هتسعدنا ومبنفكرش ان الاختيار الصح اهم ﻻزم يصلح الغلط من اوله لو عاوز يعيش مبسوط شكرا سما

نورتيني غاليتي
ربنا يهدي الحال
المشكله فعلا محتاجة قراره هو
وهو اكتر واحد عارف هو عايز ايه
وقتها يقدر يحدد