زمـان.. ودلوقتـي

[node]

خروج الولد وموعد رجوعه البيت
زمان: كان ممنوع التأخير ولو اتأخر يبقى لسبب قهري مع ابداء الاسباب والاعتذار الفوري
دلوقتي: تلاقي الولد داخل الساعة 1 صباحاً, باباه يقوله كويس انك متأخرتش النهاردة!!, يرد الولد: تأخير ايه يا مان أنا طالع اغير هدومي ونازل تاني, انا وكام واحد من اصحابي عندنا ماتش كده على الماشي.. خش انت نام ومتقلقش وانا مش هتأخر.. الاب نام وصحي ونزل يصلي الفجر وهو راجع يلاقي ابنه عند بتاع الفول بياكل: ايه يابني انت لسه مروحتش؟ يرد الولد: اهلااااا بالكبير اوى معلش بأه الماتش سخن اصله ولسه خلصان ولا ايه يا جماعة؟؟ كله يهز راسه بالموافقة وبؤه مليان اكل,, يكمل الولد بعدين لقينا عصافير بطننا (بتطير) قلنا نسدها بأه
*******
البنت لما حد يسألها.. إنتى مخطوبة؟
زمان: - لسه ربنا مأذنش, وعينها فى الأرض ووشها يحمر
دلوقتي: - لأ ليه عندك عريس؟ إيدي على كتفك.. ناس معندهاش نظر
*******
الولد داخل على باباه ياخد مصروف الاسبوع
زمان: ممكن يقول لمامته هى تقول لباباه انه عايز المصروف لانه محرج انه يطلب كده من باباه وخايف منه
دلوقتى: - إيه يا مان احنا النهاردة كام فى الشهر؟ انت مش هتأبّجني ولا إيه حكايتك بالظبط؟ يالا اختصر عشان معنديش وقت وصاحبي بيرنلي عشان انزل.. ايه يا عم مش سامعني يعني؟ عايز الفلووووس...المونييييي
*******
دخول الاب البيت
زمان: يسمعوا بس صوت باباهم من بعيد كله يقوم مرعوب واللى فى ايده حاجة يسيبها ويستقبلوا باباهم على الباب ولو معاه حاجة يشيلوها عنه
دلوقتى: الولد قاعد قدام الكمبيوتر او بيتفرج على ماتش كورة، البنت بتتكلم فى التليفون.. مش فاضيين يعملوا ايه!!.. الاب على الباب بيخبط.. مع العلم ان الاب ليه خبطة مميزة يعني عارفين انه اللى على الباب.. الاب خبط مرة واتنين ويرن الجرس.. فين وفين البنت اخدت بالها ان فى حد بيخبط: انت يابني متسيب اللي في ايدك ده وتروح تفتح لبابا, يرد الاخ: نعم هاخد اوامر منك اظن؟؟؟ ما تقومي انتى ياختي بدل الرغي اللى مالوش لازمة, ترد: نعم؟؟على الاقل انا بتكلم فى التليفون اقول ايه لصاحبتي يعني؟؟ انما انت مبتعملش حاجة ماتقوم انت ولا انت لازم تمارس دور راجل البيت وخلاص؟؟.. يرد: ماتعدلي كلامك معايا انا اخوكي والولد هنا وكلامي لازم يتسمع.. ترد على العموم بابا معاه مفتاح وتلاقيه شوية وهيفتح بيه ولا الحوجة ليك يا اخويا
*******
نزول المرأة للعمل
زمان: كانت المراة بتسعى من اجل حريتها واثبات ذاتها وكيانها ووجودها وكانت تتمنى النزول للعمل
دلوقتي: - هوا قاسم امين.. هو اللى بهدلنا.. هو اللى نزلنا الشغل وخلانا نتبهدل.. انا ايه اللى يخليني انزل واتبهدل فى المواصلات كده,, مش لو كنا قاعدين فى بيوتنا كان يبقى اكرم لنا؟؟
*******
ولد حب يتعرف على بنت
زمان: الولد لو راح يكلم بنت.. بعد ما تطلع عينه.. يحمر وشها.. ولو ردت عليه يبقى كلمة وخلاص وغالباً بتكون بتصده وبتمشي خايفة لا يكون اخوها معدي ويشوفها ويزعقلها
دلوقتي: الولد راح يكلم بنت ردت عليه تقوله: لخّص عايز ايه من الأخر يعني؟؟ يعدي عليها اخوها ومعاه صاحبته يعملها باي من بعيد وهى ترد عليه ويمشي.. يمكن افتكر اللى واقف معاها ده عمود نور.. طبعا الولد واقف مندهش المهم يجي يتكلم تاني ترد عليه تقوله على فكرة انا مرتبطة وصاحبي.. يعني حتى مش خطيبها.. هيعدي عليا دلوقتي وعلى فكرة بيغير عليا موووت
*******
نزول الولد لشراء احتياجات البيت
زمان: كانت البنت المفروض متنزلش كتير والولد فى غياب الاب راجل البيت يعني يشتري كل احتياجات والدته دون تذمر
دلوقتي: الام يطلع عينها من التحايل على الولد ينزل يجيب حاجة من البقال اللي جنبهم.. حتى يرد: ماتخلي فلانة تنزل ماهي قاعدة ما بتعملش حاجة.. الام تقوله: يابني اختك المفروض ماتنزلش كتير ديه مهما كانت بنت والوقت متاخر.. يرد: بنت يعني ايه؟؟ العو هياكلها مثلا؟ ولا الاشكيف مستنيها؟ دي بنتك تخوف بلد.. تقول الأم: يابني انت المفروض راجل البيت.. يرد: وانتوا خليتوا فيها راجل مش طالبتم بالمساواة؟ يالا اشربوا عشان تبقوا تقولوا الراجل زى الست.. هى فى حاجات وحاجات لأ يعني؟؟ حاجة غريبة اوي

[محمد الشريف]

node




تلك الصور ومظاهرها ماأسباب فشلنا فيها ؟ نحن أم الزمان؟

ولقد قيل في الامثال : نعيب الزمان والعيب فينا

لماذا كلما أخفقنا في عمل شي قلنا السبب هو الزمان ؟

وكيف نحدد مسؤلية الزمن أو الوقت تجاه ما نفشل في تحقيقه؟

ولماذا ينجح البعض في ما تحقيق أحلامهم وأمالهم ولا يعرقلهم الزمان ؟

هل ناقشنا سبب فشلنا وما وصلنا اليه من تطور أو تخلف بعقلانية

بعيداً عن رمي الزمن بالتهم الواردة دائماً على افواهنا ؟

نحن حققتا النجاح الذي نتطلع اليه في حياتنا عموما ؟

إذا لم تحقق أحلامما ماهي أسباب فشلنا في تحقيقها ؟


ومن الأسف هو تهاون الآباء أو أولى الأمر فى الحسم والردع لصالح الأبناء


ومن عظيم الأسف أن أحد الآباء لم يكلف خاطره بالذهاب يوما إلى محل دراسة ابنه الأكبر

حيث كان راسبا فى الدراسة الجامعية بالسنة الأولى فى إحدى الجامعات وتكرر رسوبه

للعام الثانى وتم فصله من الكلية ولم يعلم الأب إلا لصدفة عابرة .

إذن فالعيب فى الأسرة أولا وفى الأبناء بعدهم والمحصلة جنى ثمار المرارة والألم .

فلنترك الزمان ولا نحمله أوزارنا وهمومنا ونراجع سلوكياتنا وننقيها ونهذبها حتى تستقيم

مع الزمن الذى نحياه


مع تحياتى لك

[node]

شكرا على هذا الرد الرائع وبجد فى فارق كبير بين زمان ودلوقتى
هو اه زمنا الى احنا فيه دلوقتى فيه حاجات كتير كويسه بس الوحش غالب عليه
زى ما المثل بيقول الحسنه بتخص والسيئه بتعم
بس فعلا لو كان فى متابع من الاب والام ماكنش ده حال الشباب دلوقتى بس نعمل ايه الاب ياعينى بيشتغل طول النهار والام برضه فى الشغل حتى الساعه4 وطبعا لازم تريح شويه علشان النادى
ازى بقى هيبقى الشباب كويس رغم كل الفرص الكويسه الى حوله



وشكرا مره اخرى