الثالوث المدمر

[همس الحنين]

السلام عليكم ورحمة الله وبركاته من خلال اعوام مضت اجتاح مصر عدد من الامراض والاوبئه كالسرطانات والكبد الوبائى والفشل الكلوى والسبب كان مرجعه سرطنة اغلب الاراضى الزراعيه فى العهد السابق واطلق حينها على مثلث الرعب هذا الثالوث المدمر والان يتجدد مثلث الرعب بعيدا عن الزراعه يأتى عبر المزارع السمكيه ومن المعروف ان محافظات عديده بمصر تعتمد فى المقام الاول فى غذائها على الاسماك مثل الاسكندريه ودمياط وكفر الشيخ المشكله ليست اسمده مسرطنه او مبيدات محرم استخدامها دوليا كما الحال بالزراعه المشكله الاكبر تكمن فى مياه الصرف ومخلفات المصانع التى تلقى بمخلفاتها فى المزارع السمكيه او المصرف العام دون معالجة تلك المخلفات والطبيعى الاسماك تتغذى وبالتالى تنقل المرض للانسان طبعا بيتم ابلاغ المحافظين من خلال شكاوى الاهالى والمراكز الطبيه دون حصر عدد المصابين بالامراض السرطانيه لكن دون جدوى كالعاده وبسبب التلوث تعرض نحو 390 طناً من الأسماك الموجودة في الأقفاص السمكية الخاصة بمشروع شباب الخريجين في بحيرة المنزلة بسبب مياه الصرف الصحي الملوثة في ظل تجاهل وزارة الزراعة وهيئة الثروة السمكية عن تنظيف المصارف هنلاقى تكتم من وزاره الصحه كما عهدنا عليها دائما لكن الامر اصبح كابوس بيهدد الاسره بداية من الاطفال حتى الكبار ويأتى السؤال هى الناس ناقصه مشاكل صحيه زراعه ومبيداتها قاتله دواجن ولحومها محقونه اسماك مزارع ومياه الصرف سرطنتها الحل ايه وليه دائما الحكومه او الوزارات بتكتم دايما على المشاكل من النوعه وتصدر تقارير كاذبه ان الامر مستتب والحياه وردى ومافيش مشاكل بس احنا بنعقد الامور وده اقرار من ذكتور بجامعة الاسكندريه يقول أستاذ تربية وإنتاج الأسماك في كلية الطب البيطري في جامعة الإسكندرية، وليد الهواري، إن الأمراض التي يصاب بها الناس بعد تناول الأسماك ترتبط بتراكم السموم في فترة نموها داخل المزارع، والتي تستمر لمدة تقترب من العام، عدا عن تأثر الإنسان بها مع الوقت. ويناشد وزارة الري بتعديل القانون، الذي ينظم عملية إنشاء المزارع السمكية بما يتلاءم مع إمكانية إقامتها على نهر النيل بدلاً من مياه الصرف. ويشير إلى قانون يجرّم استخدام المياه العذبة في المزارع السمكية، مما يضطر المزارعين إلى المخالفة واستخدام المياه العذبة، أو استخدام مياه المصارف المعالجة بنسبة 40 في المائة فقط. بلاش ناكل من الاخر اه يا وزاره الصحه ياجماعه تلوث الغذاء والهواء والماء حلهم ايه فى نظرى بلاش نعيش عشان بدل ما نموت بالبطئ سؤالى ايه الحل فى نظركم؟ نعيش بامراض ولا نموت من الجوع احترامى همس الحنين

[توحد ارواح]

وعليكم السلام ورحمة الله

فعلا مشكله كبيره
لان ف ناس كتيره بتحب السمك كوجبة رئيسيه
بالاضافه كمان ان الثروة السمكيه مهدده
بجانب القطاع الكبير من العاملين ف الصيد والبيع وخلافه

الحل ف نظرى
ان السبب ف التلوث اصلا مخلفات المصانع
لازم قرار فورى وحازم بنقل المصانع
ف الصحرا او اماكن بعيده عن العمران
ع الاقل مفيش تصريح يطلع لمصنع جديد
الا اما يكون خارج النطاق السكني
لان المصانع اصلا مشاكلها كتيره
وبتلوث الهوا والبيئه عموما والمايه كمان

وبالنسبه للمصانع الحاليه اللي مش ينفع تتنقل
المفروض يتصرفوا باى طريقه
ويخلوا ع الاقل مخلفاتها
تبقي ف اماكن بعيده عن الصرف الصحي
لان كدا حرام وتهديد لصحة المواطنين
تسلمي همس ع طرحكِ القيم

[واد حبيب]

كتير مننا بيقول ان اسماك المزراع مش كويسه علشان اغلب اكلها من السبله وكميات كبيره من الادويه بتكون موجوده في الاكل بتاعها
الكل بقول لزم تاكل من اسماك النيل والبحر علشان بتكون نضيفه وصحيه دلوقتي احنا نبطل اكل سمك خالص احسن
بعد الفضيحه الاخيره دي ومش الاولي ولا هتكون الاخيره اللي يحصل فيها موت كميه كبيره من الاسماك
مين السبب في ده كله المصانع والشركات اللي بتسرب في نهر النيل طيب فين الحكومه من ده كله
بعد الفاكهه المسرطنه والاسمده المسرطنه دلوقتي السمك مسرطنه
غبر المياه اللي كانت مسممه
وبيقولك الشعب المصري عنده مناعه
الله يخربيتكم هتموتونا

تسلمي يا همس علي موجوعك الجميل والمهم

[ابو نصير]

سيدتى
همس الحنين
ارق التحايا
ودمتى بحفظ الرحمن ودام لنا فكرك ودام لنا ايضا مواضيعك التى تعالج الامراض المتفشيه فى البلد ولا احد يستجيب
ابو نصير
من الاّخر الراجل المناسب يكون فى المكان المناسب
****************
عَنْ أَبِي هُرَيْرَةَ قَالَ بَيْنَمَا النَّبِيُّ صَلَّى اللَّهُ عَلَيْهِ وَسَلَّمَ فِي مَجْلِسٍ يُحَدِّثُ الْقَوْمَ

جَاءَهُ أَعْرَابِيٌّ فَقَالَ:"مَتَى السَّاعَةُ؟"

فَمَضَى رَسُولُ اللَّهِ صَلَّى اللَّهُ عَلَيْهِ وَسَلَّمَ يُحَدِّثُ

فَقَالَ بَعْضُ الْقَوْمِ:"سَمِعَ مَا قَالَ فَكَرِهَ مَا قَالَ "وَقَالَ بَعْضُهُمْ :"بَلْ لَمْ يَسْمَعْ"

حَتَّى إِذَا قَضَى حَدِيثَهُ قَالَ:" أَيْنَ أُرَاهُ السَّائِلُ عَنْ السَّاعَةِ؟"

قَالَ :"هَا أَنَا يَا رَسُولَ اللَّهِ"

قَالَ:"فَإِذَا ضُيِّعَتْ الْأَمَانَةُ فَانْتَظِرْ السَّاعَةَ"

قَالَ :"كَيْفَ إِضَاعَتُهَا؟"

قَالَ:"إِذَا وُسِّدَ الْأَمْرُ إِلَى غَيْرِ أَهْلِهِ فَانْتَظِرْ السَّاعَةَ"

رواه البخاري 57
لن نموت جوعا لأن الله مقدر الاقوات للعباد وهو الرزاق الكريم
وانا معاكى سوف نموت مرضا وقهرا من تلك المنظومه الفاسده التى تستهر بخلق الله وهذا الشعب
ابو نصير

[حازم34]

والله موضوع يستحق الكثير من النقاش


والامر جد خطير ولكن كيف نحن صانعين في مسؤلين انعدم ضميرهم


وطالما هم لاياكلون من ها الاسماك


امور كثيره جدا والفساد متغلغل الي كل شئ


وليس هناك ادني ضمير يحافظ علي الناس كل يريد المال باي وجه والمنصب باي صوره


وهناك امور عده لابد ان تعالج ويكون المسؤل اعلم بالمشاكل كل في موقعه حتي تسير الامور سلسه


خاليه من الفساد

هنقول ايه غير اللهم لا تؤاخذنا بما فعل السفهاء منا


وصحه ايه هل هناك وزاره اسمها الصحه التي سمحت لرجل يتحدث عن علاج مرض انهك الكثير من العلماء


للبحث عن مخرج له ولم يتوصلوا الي شئ يخرج علينا ويدي الايدز في صباع كفته

وفيه واحد بيلم علي وسائل الاعلام ويقول صباع كفته


وزراه الصحه في ثبات عميق اصابها فيرس الفساد القاتل والمدمر والذي سيقضي

علي كل شئ


انظري الي المشافي الحكوميه


وانظري الي ضمير الاطباء

كل شئ مات وانتهي

والله يراقب وسوف يكون العقاب


تسلمي يارب

[ايمان طلعت]

كل حاجه بناكلها او نشربها فيها تلوث
ختي هوا ربنا اتلوث
وكل دة بايدينا احنا
فاكيد الحل بردو عندنا
لو يبقي فيه ضمير ونراعي ربنا
كله هيبقي تمام
لكن هنقول لمين
لنا الله

[۩۩ elMagic ۩۩]

عشان تبدأ تغير تحت لازم تبدأ من فوق
ماهو اما يبقى كلهم ماشاء الله شويه وهيتطلعوا ع المعاش
يبقى انت كده بتضيع وقت عشان بتاع المعاش دا اما ياخد ع الشغلانه
هيبقى بيودع وبيسوى معاشه
المفروض البلد تبدأ عصر جديد من جيل الثلاثينات والاربعينات
ناس لسه عندها الشباب والعقل قبل ما يبدأوا يكبروا ويخترفوا
ويبقى لا عندهم لا شباب ولا عقل
وكل تخصص يتحط في مكانه مش بتنجان مخلل
وبعدين انت بتدور ع حاجه عشان تنظف بيها الاكل
امال نسيتوا الدليل بان " المعدة نحست وتنحت وبقت عندها مناعه " !
دا لوحده بيبعد عن البشريه كل الامراض اساسا !
لنا الله

[همس الحنين]

اقتباس المشاركة الأصلية كتبت بواسطة توحد ارواح وعليكم السلام ورحمة الله فعلا مشكله كبيره لان ف ناس كتيره بتحب السمك كوجبة رئيسيه بالاضافه كمان ان الثروة السمكيه مهدده بجانب القطاع الكبير من العاملين ف الصيد والبيع وخلافه الحل ف نظرى ان السبب ف التلوث اصلا مخلفات المصانع لازم قرار فورى وحازم بنقل المصانع ف الصحرا او اماكن بعيده عن العمران ع الاقل مفيش تصريح يطلع لمصنع جديد الا اما يكون خارج النطاق السكني لان المصانع اصلا مشاكلها كتيره وبتلوث الهوا والبيئه عموما والمايه كمان وبالنسبه للمصانع الحاليه اللي مش ينفع تتنقل المفروض يتصرفوا باى طريقه ويخلوا ع الاقل مخلفاتها تبقي ف اماكن بعيده عن الصرف الصحي لان كدا حرام وتهديد لصحة المواطنين تسلمي همس ع طرحكِ القيم

نورتينى كتير توحد

اساس انشاء اى مصنع بيكون خارج الحدود السكنيه ده المفترض قانون

ولو حدث وتم انشاء مصنع داخل وحدات سكنيه يبقى المفترض

بيتم معالجة المخلفات قبل التخلص منها

ولو تم اكتشاف اى مصنع يخالف ذلك بيتم تحذيره و غلق المصنع

انما عندنا بلاده فى التفاعل السريع

وخرس بيكون عنوانه لرشوات

يبقى ارواح الشعب مش مهمه اوى ما شعبنا عدده كبير

تسلمى ندوش