بعد مباراة الاهلي والاتحاد !

[محمود الصاروخ]

السلام عليكم ورحمة الله وبركاته
--




إنتهت منذ قليل مباراة الاهلي والاتحاد السكندري ضمن مباريات الاسبوع السادس

عشر من الدوري العام لهذا الموسم بفوز الاهلي بهدف نظيف سجله المهاجم الغاني

المميز جدا جون انطوي وكانت المباراه متوسطه من جانب الاهلي برغم السيطره

التامه طوال المباراه والاستحواذ ودفاع المنطقه من الاتحاد السكندري بشكل مميز

ولكن سأضع علامة استفاهم كبيره حوال اللاعب احمد فتحي وأحب ان اسمع

رأي الاهلاويه بشكل عام حول هذا اللاعب نتفق جميعا بأن الاستحواذ للأهلي

تقريبا بنسبة 70% والاهلي كان الاخطر طوال المباراه بالرغم من قلة

الفرص الحقيقيه علي المرمي ولكن هذا الفوز مهم لكل الاهلاويه

الاهلي يرفع رصيده لـ 32 نقطه يتصدر بها الجدول مؤقتا

وفي انتظار مباراة الزمالك غدا لان في حالة فوز الزمالك

يتصدر البطوله بفارق نقطه عن الاهلي !

مبروك لكل عشاق ومتابعي الاهلي في كل مكان وهارد لك كل محبي الاتحاد !

[ اسئله للنقاش ]

- ما رأيك في أداء الاهلي اليوم أمام الاتحاد ؟



تحياتي للجميع محمود الصاروخ

[فداااااااااااء]

انا ما سمعتش المباراة علشان معنديش خلق بصراحة للنرفزة
بس من نرفزة اخويا أيقن أن لعبه ما كان جيد
فتحى عايز إعادة تشغيل

سلمت اخى محمود

[الفيلسـوف]

اتفق معاك يا حوده هو المستوى الى حد م عقول كويس
بس الاصابات برده تاثير
وانا شايف انى فتحى عايز اعاده تشغيل من اول وجديد
تسلم ايدك ياحوده للمقال المميز ياغالى

[شاعرة الرومانسيه]

صراحه انا ماشوفت الماتش محمود

مجهود عالى على متابعة التغطيه

تسلم ايديك ياحوده

[طبيب الهوى]

الأهلي سيء جدا اليوم رغم الفوز

أحمد فتحي يعاني نفسياً

يحتاج لبرنامج تأهيل نفسي قبل البدني

تحياتي وودي وورودي

أبو عصام

[حازم34]

اولا احمد فتحي زائد في الوزن حركته بالكوره مش مضبوطه تمريراته خاطئه من السهل اللعب عليه


لو اكتملت لياقته ونزل وزنه ممكن يلعب ولكن الان عندي كل الاعتراض علي مشاركته


اما بالنسبه للاهلي اليوم فيه نقل للكره بس لم يكن جيد في انهاء الهجمه


نقل بطي والتحام سئ


وليس هناك تناسق كامل بين الوسط والهجوم


ولكن لاباس القادم احلي مع زيزو


تسلم كابتنا الكبير

لك مني خالص التحيه

[حـيـــــآة ❤]

مبروك للاهلي
انا مشوفتش المتش للاسف
مجهود جميل كابتن

[Just Ahuman]

أولاً مبروك علينا الـ 3 نقاط .. الروح بدأت ترجع للفريق تاني الحمد لله أهاا الأداء والفاعليه على المرمي مش قد كده بس مع الوقت الأمور هتتظبط .. سعيد جداً بعودة جون أنتوي لاعب جيد كان هينتهي أمره بواسطة بيسيرو ومنتظر منه تألُق أكتر الماتشات الجايه لاعب مُحترم ويستحق التقدير

أحمد فتحي وزنه زاد بشكل ملحوظ وتحس إنه مش مُتزن نفسياً لازم زيزو يشتغل معاه على الحاجات دي كويس .. وزي ما قولتلك الأداء كان متوسط ليس بالجيد بس أعتقد بعودة صالح جمعه وإيفونا ودخول الشيخ للقائمه زي مانا متوقع الأمور بتبقي أفضل

وسيبك أنت أنا عاجبني لعبة الكراسي الموسيقيه اللى بتحصل السنه دي .. بالتوفيق نادي القرن

[۩۩ elMagic ۩۩]

عرضيات فتحي لا تطاق يا عم
الموضوع فعلا زاد عن الحد ولازم يتشد شويه
والشيخ مش عارف هما مش هيخلوه يلعب ولا ايه
بس اهم شئ التقدير اللى بين كابتن زيزو واللاعيبه
وانطوي لاعيب محترم مرات بتيجي معاه ومرات لاء ودا حظ اللاعيبه
بس عمرو جمال كمان عايز يتشد شويه ومعاه مؤمن
ويرجع صالح بعد الاصابه ومعاه الشيخ وحمدى زكي ويعملوا شغل

[محمود الصاروخ]

اقتباس المشاركة الأصلية كتبت بواسطة فداااااااااااء انا ما سمعتش المباراة علشان معنديش خلق بصراحة للنرفزة بس من نرفزة اخويا أيقن أن لعبه ما كان جيد فتحى عايز إعادة تشغيل سلمت اخى محمود

علي رأيك والله يا فداء التعصب وقت الماتش وحش اوي
منوراني