الإعلام المتقلب

[αЛαstoOorα]

اقتباس المشاركة الأصلية كتبت بواسطة words whisper أنا مش هعلق على المتعلق بالأطباء وأكيد كل مكان وقطاع وبلد فيه فساد بس نفس الأطباء دول هما الأطباء الأفضل اللي بتطلبهم الدول العربية الأخرى وبيشتغلوا فيها والمرضى هناك بيثقوا فيهم والفرق هو بيئة العمل مش أكتر .. مش معترض طبعاً معاكي علي آننا عندنا آطباء علي قدر عالي من النزاهه والخبرة وعندنا ناس ف كل مكان تبهر العالم مش تبهر دولة ولا دولتين من دول الغرب لاءه تبهر العالم بفكرها وشغلها وخبرتها ..يعني مثلاً مش هقارن الناس الفاسدة بـ ال د / مجدي يعقوب مثلاً؟ مش هقارن الدكاترة الفاسدة بالآجيال اللي آتت من وراء هذا الفاضل والعلامه ؟ وغيره كتير آطباء خبرة وآطباء محترمه وبتخرج آجيال تشتغل تحت آشرافهم بكل نزاهه وعلم وآنسانيه آنا بتكلم عن اللي بشوفه بعيني لآني من عامة البسطاء وممكن يجي عليا وقت آحتاج لمستشفي حكومية بحكم آن آنا معييش فلوس؟ بجد بنتعامل آسوء معامله؟..وبتنتهي القضية آن بدل ما الواحد رايح يتعالج يعمل مشكلة ويمسك ف الدكتور بسبب آستهتارة بالحاله اللي بيتعامل معاها آنا كلامي عن مُعايشة يا دكتورة للآحداث ..عشان كدا لما جبتي سيرة آهل المرضي بيمسكو ف الدكتور ..آنا كنت مُنحاز بعض الشيئ لآن مش كل اللي بيتمسك فيهم كويسيين بجد فيه دكاترة معندهاش آي آدميه ولا آنسانية ف التعامل .. بالنسبة لكلمة عبيط فـ لا ، مش شايفه انها غير عادلة وعامة يعني معناها ان سهل يضحك عليه ودي حقيقة ههههه يا د/ آسماء ..آحنا الشعب الوحيد اللي بنضحك علي آي حد؟ آحنا بنضحك علي نفسنا وعلي همومنا ..وفوق دا آشطر ناس نشتغل بعض ونضحك علي بعض وعلي الغريب؟ بالبلدي كدا .ومعذرة ..آحنا اللي عبينا الهوي ف آزايز ^^ الشعب عمره ما كان عبيط صدقيني ؟ ومينفعش نوصف بساطة الناس الغلابة ونشبها بالعبط آحنا مجتمع معظمة ناس آميه وناس شعبيين من الدرجة الآولي آنا واحد من الناس آهو بكلمك ..آنا راجل مش متعلم وفيه غيري كتير كدا ..بس فيه ناس عاشت وشغلت دمغها وفي ناس بسيطة كل همها ف الدنيا تسعي تجيب رزقها مش فاهمة آي حاجة عشان بسطتها عشان الدولة آصلاً هي اللي خلتها مش فهمة.؟ آنا واحد من الجيل اللي طلع ف عصر واحد مخلي الشعب كله ميفكرش غير آنه يجيب قوت يومه آزاي ومنين؟ ممنوع يفهم ..وممنوع يتكلم ..وممنوع يقول رآيه ..وآن قال رآيه يا يتعامل كآنه صرصار ..يا آما ميشوفش الآسفلت تاني آنا واحد من الجيل اللي طلع لقي نفسه لازم يقول ع النظام زي الفل ولازم يقول عن حكومتة حكومة ميه ميه ..ولازم آعيش مش فاهم لما واحد غلبان يلاقي الريس بيتكلم ويقول هنعمل وهنعمل بتلاقي الآبتسامة مش مفارقة وشه ..هو مش عارف الريس بيكدب ولا صادق؟ ومش فاهم هو بيقول ايه؟ هو كل اللي بيفهمه ساعتها كلمتين صغيرين ممكن يتحصل عليهم يكونو ف صالحه؟ وبكل بساطة بيآمنله وبيحس آن الامل علي آيد الراجل اللي ريحه بكلمتين وبيمشي ف كل حتة يدعيله؟ دي مش عباطة؟ ولو وصفناها الوصف دا هنكون قاسيين آوي ع الناس ..لآن الناس بجد متستحقش كل اللي بيحصل الشعب المصري سهل جدااا يتأثر بأي حاجه ويضحك عليه الدكاترة يضربوا ويطلعوا مظاهرة فالإعلام يطلع ملف الفساد الطبي وفجأة يبآ الناس ضد الأطباء وشايفين ان مش لهم حق !! الآعلام ميهمهوش غير الشو الآعلامي وآنا معاكي بس زي ما قولتلك فى ناس تعايشت مع وضع الآطباء الفسدة وآتئذو منهم والناس دي هما الغلابة مهو مفيش حد بيروح المستشفي الحكومية غير الغلبان اللي مش معاه؟ و80 % من الشعب غلابة يعني آكتر الناس هي اللي هتكون معترضه علي آفعال الآطباء اللي راحت تعمل عملية لوز لبنتها الدكتور طلعلها جثة؟ وف الآخر يتكتب ف التقرير جلطة ع القلب والتقرير يتفبرك ؟ واللي راح يجبس آبنه طلعلوله آبنه رجله عاوزة تتبتر؟ واللي دخلت ولدتها ممرضه تدلها حقنه غلط تموتها والتقرير يتفبرك؟ وخدي من دا كتير وكتير بيحصل كل يوم وكل ساعة ؟ لو قعدت آجبلك المشاكل اللي بتحصل من المستشفيات والآطباء هنقعد لسناتين قدام نتكلم فيها الناس لازم تتعاطف ويعترضو عليهم اللي ماتلو حد بسبب آهمال دكتور ولا اللي آتقطع لآبنه رجل بسبب دكتور مش هيطلع يقول حرام وعندهم حق سيادة الريس يسجن الشباب ويهدر مال الدولة وبكلمتين في خطاب يبآ حبيب الشعب وأهو بيحاول !! يبآ البلد زاد فيها الفقر و الأسعار وبترجع لورا ويطلع show لطيف على القنوات ويشغلونا بيه عادي !! معاكي ف كل دا آكيد وآن فيه ظلم وآن البلد بترجع لورا آي نعم هو بيفتح مشاريع وكدا بس الغلبان فين من دا؟ الناس البسيطة تعبانة وعايزة تحس بآختلاف وآنا مع آن آحنا بنرجع لورا ..بس ايه البديل؟ لو هنفكر ف البديل هنلاقيه آسوء مليون مرة م اللي آحنا فيه حالياً؟ لآن البلد مش حمل ثورة ثالثة ..ولو حطينا كل فكرنا وهدفنا علي قلب نظام الحكم من جديد ..آحنا اللي هندمر قومنا بثورتين وربنا كرمنا ولسه واقفين علي رجلينا وكل اللي قامو معانا بثوارتهم مدمرين بمعني الكلمة آحنا ربنا سترها وآدينا ماشيين ف البلد بنوعرج آنما لو حبينا نهد كل دا تاني؟ مش هنمشي خالص هننتهي ف مفيش ف آدينا حل غير آننا ندعي ربنا يصلح الآحوال ونحاول نغير بالعقل مش بتدمير .. نطلع نخلع رئيس فينزل دمعتين نقوم نسمع ياحرام سيبوا الراجل دا سنه كبير !! واحدة تستغيث بالسيسي - تمثل - وللصدفة البحتة الحرس الرئاسي سابها تقرب كل دا وسيادة الريس يطلع يرد بكلمتين حنينين فنتعاطف !! دا احنا انتخبنا رئيس على أساس لطافته !! كل دا ومش شعب عبيط ؟!! ههههههه لاءه مش عبيط ..طب بزمتك آنا عبيط ؟ ^^ وتاني عبيط معناها سهل يضحك عليه ودي حقيقة بلاش نجمل في نفسنا عشان نعرف نحل مشاكلنا لأن هي دي مشكلتنا اللي جايبانا ورا والحكومة بتلعب عليها .. شكراً لحضرتك ..

ههههه
ربنا يخليكي وآنا بحترمك جداً والله ..لآنك متحفظة ف كلامك
وبتقدري الشخصية اللي بتحاورك كويس وبتديها حقها ..
زي ما بتقول المقولة..لكل مقام مقال ..وآنتي ماشيه عليها تمام
ف آنا مبسوط بحواري معاكي ..بس برضه معترض علي عبيط^^
ومتشكر جداً علي سعة صدرك

[سارة فهمى]

وايه الجديد
معروف من زمان ان الاعلام العربى كله متقلب بلا استثناء
بس حق ربنا الاعلام المصرى بزياده شويه
والعيب على الاشخاص اللى لسه بتسمعهم

[Fatma eissa]

اشكر كل من مرور
ونور الموضوع بمشاركته
القيمه