[ للنقاش ] السد العالي يعود للمنتخب من جديد

[محمود الصاروخ]

السلام عليكم ورحمة الله وبركاته
--



برغم تألق احمد الشناوي حارس الزمالك أو شريف اكرامي حارس الاهلي
في الفتره الاخيره نتفق جميعا بأن عصام الحضري هو الافضل في تاريخ
مصر مهما أتي من بعده حراس ومهما كان تألقهم فلن نجد سد عالي أخر

ما كان يميز عصام الحضري في السنين الماضيه هو الثبات علي مستواه
وظل وحش افريقيا بلا منازع لفترات طويله وهذه الميزه لا نشاهدها
كثيرا وخصوصا في مركز حراسة المرمي والدليل علي كلامي هذه الفتره
أوقات نشاهد الشناوي واكرامي متألقين وأوقات لا قيمة لهم !

اليوم وبعد عودة السد العالي عصام الحضري للدوري المصري مره اخري
اختاره هيكتور كوبر ضمن قائمة منتخب مصر لمبارة بوركينا فاسو الوديه
وهذا الخبر أسعدني كثيرا ف وجود حارس مثل عصام الحضري في
منتخبنا أمر لا يختلف عليه إثنان لخبرته التي سيعطيها لمن هو معه
سواء الشناوي او اكرامي وهذا ما أسعدني ودفعني للإعجاب بهذا الخبر

ولكن من راي الشخصي الذي لا قيمة له وكما ذكرت بان هذا الخبر نال إعجابي
ولكن مشاركة عصام الحضري مع المنتخب أتمني ان لا تكون في مباريات كبيره
لاننا نعلم جميعا بأن موضوع اللياقه البدنيه والقوه والسرعه والحركه التي
كان يمتلكها عصام الحضري في السنين الماضيه اختفت عنه بنسبه كبيره
جدا وهذا مما لا يساعده لمواجهة رعب وهجوم شرس من منتخب نيجريا
احدثكم عن المباراه الرسميه القادمه للمنتخب واكيد كلامي لكل المباريات
القويه التي يلعبها منتخبنا سواء في تصفيات امم افريقيا أو كاس العالم

عصام الحضري وجوده مهم جدا للمنتخب ولكن المشاركه بصفه مستمره
لا تعجبني وهذا الامر يقلقني علي مركز حراسة مرمي المنتخب في الفتره القادمه

كل التوفيق للحارس العملاق عصام الحضري أفضل حارس
في تاريخ مصر بلا منازع وكل مهاجمي افريقيا السمراء يعلمون
قيمة حارسنا المميز في السنين الماضيه

ويبقي السؤال للجميع والمناقشه بعيد عن الانتمائات ف نحن الان نتحدث
عن منتخب مصر وبالفعل الجميع يتمني أن نحسم مباراة نيجيريا القادمه
ونحقق الاحلام التي طال انتظارها سواء الوصول لكاس العالم او امم افريقيا

.. سؤال للنقاش ..

ما رأيك في قرار انضمام عصام الحضري للمنتخب في الفتره الحاليه ؟
وهل تري بأنه سيفيد المنتخب في الوقت الحالي أم هناك حراس أفضل
في الوقت الحالي ويستحقون الانضمام للمنتخب بدلا من السد العالي ؟؟



تحياتي للجميع محمود الصاروخ

[۩۩ elMagic ۩۩]

انا مع انضمامه للمنتخب
يعني حتى لو مشتركش ف ماتشات وجوده دعم للشناوي واكرامي مهم
خصوصا والحضري له تاريخ مشرف مع المنتخب وعنده خبرات
ولو اشترك الحضري ف المباراه الوديه دا كويس عشان يدخل ف المود
وعن ماتش نيجيريا اظن اكرامي مصاب
والحضري شغال ف الدورى زيه زي الشناوي
لو دفع بالحضري كمان ف مباراه نيجريا هيبقى كويس
بس الاول نشوف هيعمل ايه ف الماتش الودي

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ انا مع انضمامه للمنتخب يعني حتى لو مشتركش ف ماتشات وجوده دعم للشناوي واكرامي مهم خصوصا والحضري له تاريخ مشرف مع المنتخب وعنده خبرات ولو اشترك الحضري ف المباراه الوديه دا كويس عشان يدخل ف المود وعن ماتش نيجيريا اظن اكرامي مصاب والحضري شغال ف الدورى زيه زي الشناوي لو دفع بالحضري كمان ف مباراه نيجريا هيبقى كويس بس الاول نشوف هيعمل ايه ف الماتش الودي

ماهو ده الامر اللي انا بتكلم فيه ياغالي ان وجوده كويس جدا
نظرا للخبره اللي هينقلها للي معاه سواء اكرامي او الشناوي
ومعاك ان يشارك المباراه القادمه أمام بوركينا فاسو

ولكن مباراة نيجيريا ماتنساش ان لاعبي نيجيريا عموما
عاملين رعب وهجوم شرس بمعني الكلمه وكلهم بيلعبو في الدوريات الاوروبيه
واكيد اللياقه البدنيه والقوه اللي كانت عند الحضري قلت كتير
ولا ايه رأيك ؟؟؟

انا شخصيا اتمناله التوفيق مع المنتخب
ومعانا 3 حراس والافضل فيهم ياخد الفرصه
منور يابرنس

[حازم34]

اهلين اهلين حبيبنا الكابتن الكبير والناقد الرياضي المميز


كلام مهم ومجميل في حق حارس مخضرم كا الكابتن عصام الحضري



وكان الحضري فعلا حامي عرين مرمي المنتخب المصري في ازهي عصوره


وقت ان كان حارسا للنادي الاهلي والامكانيات في التدريب والمشاركات الافريقيه وغيرها



وكان الحضري وقتها فعلا حارسل لينا مرنا ذو لياقه عاليه جدا وفاهما كيف يوزع الكره في


وقت الهجمه وكيف يهدي المباراه


ولكن الان انا ضد اختياره حارسا للمنتخب مع وجود شباب صغار مثل الشناوي واكرامي



اولا سيدي الفاضل كلما كبر السن قل المجهود البدني وتلاشت مرونه العضلات شيئا فشيئا


حتي التنفس وضربات القلب له حدود معينه في تلك السن



اني ضد فكره انضمامه باي حال من الاحوال وان كان لابد



فليكن كخبره مع الحارسين الصغار يشد من ازرهما


ويكون داعما لهما


تسلم اخي الحبيب الكابتن محمود


لك مني خالص التحيه والود

[۩۩ elMagic ۩۩]

اقتباس المشاركة الأصلية كتبت بواسطة مـح ـ الصاروخ ـمود ماهو ده الامر اللي انا بتكلم فيه ياغالي ان وجوده كويس جدا نظرا للخبره اللي هينقلها للي معاه سواء اكرامي او الشناوي ومعاك ان يشارك المباراه القادمه أمام بوركينا فاسو ولكن مباراة نيجيريا ماتنساش ان لاعبي نيجيريا عموما عاملين رعب وهجوم شرس بمعني الكلمه وكلهم بيلعبو في الدوريات الاوروبيه واكيد اللياقه البدنيه والقوه اللي كانت عند الحضري قلت كتير ولا ايه رأيك ؟؟؟ انا شخصيا اتمناله التوفيق مع المنتخب ومعانا 3 حراس والافضل فيهم ياخد الفرصه منور يابرنس

بردوا مش هاقول ان مش معاك حق
بس اللى هيفصل ف الموضوع دا
هو الحضري نفسه
هل هو قادر ع إعادة الحضري بتاع زمان ولا خلاص العضمه كبرت
ويبقى للخبره فقط
ودا هيبان من التجربه الوديه لو اشترك فيها
اما عن نيجيريا فا الخوف مش من الحارس قد الخوف من الدفاع
اللى علطول بيقع ف الاخطاء الساذجه ولاعبي نيجيريا محترفين
والغلطه هيجي من وراها هدف والحارس مش هيسأل عليه
ربنا ييسر بقى واللى فيه خير ربنا يقدمه
اكيد كلنا مش عايزين غير الصالح للمنتخب

[محمود الصاروخ]

اقتباس المشاركة الأصلية كتبت بواسطة حازم34 اهلين اهلين حبيبنا الكابتن الكبير والناقد الرياضي المميز كلام مهم ومجميل في حق حارس مخضرم كا الكابتن عصام الحضري وكان الحضري فعلا حامي عرين مرمي المنتخب المصري في ازهي عصوره وقت ان كان حارسا للنادي الاهلي والامكانيات في التدريب والمشاركات الافريقيه وغيرها وكان الحضري وقتها فعلا حارسل لينا مرنا ذو لياقه عاليه جدا وفاهما كيف يوزع الكره في وقت الهجمه وكيف يهدي المباراه ولكن الان انا ضد اختياره حارسا للمنتخب مع وجود شباب صغار مثل الشناوي واكرامي اولا سيدي الفاضل كلما كبر السن قل المجهود البدني وتلاشت مرونه العضلات شيئا فشيئا حتي التنفس وضربات القلب له حدود معينه في تلك السن اني ضد فكره انضمامه باي حال من الاحوال وان كان لابد فليكن كخبره مع الحارسين الصغار يشد من ازرهما ويكون داعما لهما تسلم اخي الحبيب الكابتن محمود لك مني خالص التحيه والود

صديقي الغالي جدا حازم انا متفق معاك تماما في كل كلمه قولتها ولكن ،
وجود عصام الحضري في المنتخب حتي لو مش هيشارك ف ده في حد
ذاته هيكون مميز لنقل الخبرات اللي انت اتكلمت عليها سواء لإكرامي او الشناوي
ولكن مشاركة عصام الحضري في المباريات الكبيره قد يختلف عليها الكثير منا
للأسباب اللي انت قولتها - بالتوفيق للحضري

منور دايما ياغالي

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ بردوا مش هاقول ان مش معاك حق بس اللى هيفصل ف الموضوع دا هو الحضري نفسه هل هو قادر ع إعادة الحضري بتاع زمان ولا خلاص العضمه كبرت ويبقى للخبره فقط ودا هيبان من التجربه الوديه لو اشترك فيها اما عن نيجيريا فا الخوف مش من الحارس قد الخوف من الدفاع اللى علطول بيقع ف الاخطاء الساذجه ولاعبي نيجيريا محترفين والغلطه هيجي من وراها هدف والحارس مش هيسأل عليه ربنا ييسر بقى واللى فيه خير ربنا يقدمه اكيد كلنا مش عايزين غير الصالح للمنتخب

احنا حاليا بو حميد بنتكلم علي ورق زي مانت عارف ان كل الكلام
عموما قبل أي شيء بيكون علي ورق وتوقعاتنا مش اكتر ولكن زي
مانت قولت كده اللي يثبت الكلام ده هو الحضري انا بتكلم بناءا علي
سن عصام الحضري وبتكلم علي متابعتي له في الدوري حاليا واعلم
تماما بأنه متألق مع فريقه في الوقت الحالي ولكن ليس التألق المطلوب
له غلطات قاتله وشوفتها كتير في أكتر من مباراه وخلينا متفقين
ان لولا إصابة اكرامي تقريبا مكنش هيكون له مكان حاليا ..
بناءا علي كده بكتب وبقول راي وزي مانت قولت هو اللي هيثبت

وبخصوص الدفاع ياغالي احنا جميعا نعلم ان حجازي وربيعه ومعاهم
دويدار وجبر متألقين مع الانديه بشكل كبير ولكن الخوف مش من كده
الخوف والسؤال في نفس الوقت هل دفاعنا ولاعبتنا قادرين انهم يلعبو
وسط الاجواء الافريقيه ؟؟ نظرا ان الدوري عندنا من زمان مفيش جمهور
والدليل علي كلامي مباراة الزمالك والنجم وبالرغم من تألق لاعبي الزمالك
وقتها ولكن اجواء تونس والجمهور هز لاعبي الزمالك بمعني الكلمه
موضوع تألق الدفاع انا واثق منه ولكن السؤال هل هيكون عندهم
القدره الكامله علي اللعب في وسط الاجواء دي زي جيل تريكه وبركات
وذكي ومتعب وجمعه وغيره ؟؟؟

ربنا يكرم ياغالي لان الماتشات اللي جايه للمنتخب صعبه جدا
ومحتاج تركيز وعمل من أجل منتخب مصر وعدم النظر للإنتماءات
بالتوفيق لكل من يمثل منتخب مصر في الفتره القادمه

منور دايما ياكبير

[۩۩ elMagic ۩۩]

اقتباس المشاركة الأصلية كتبت بواسطة مـح ـ الصاروخ ـمود احنا حاليا بو حميد بنتكلم علي ورق زي مانت عارف ان كل الكلام عموما قبل أي شيء بيكون علي ورق وتوقعاتنا مش اكتر ولكن زي مانت قولت كده اللي يثبت الكلام ده هو الحضري انا بتكلم بناءا علي سن عصام الحضري وبتكلم علي متابعتي له في الدوري حاليا واعلم تماما بأنه متألق مع فريقه في الوقت الحالي ولكن ليس التألق المطلوب له غلطات قاتله وشوفتها كتير في أكتر من مباراه وخلينا متفقين ان لولا إصابة اكرامي تقريبا مكنش هيكون له مكان حاليا .. بناءا علي كده بكتب وبقول راي وزي مانت قولت هو اللي هيثبت وبخصوص الدفاع ياغالي احنا جميعا نعلم ان حجازي وربيعه ومعاهم دويدار وجبر متألقين مع الانديه بشكل كبير ولكن الخوف مش من كده الخوف والسؤال في نفس الوقت هل دفاعنا ولاعبتنا قادرين انهم يلعبو وسط الاجواء الافريقيه ؟؟ نظرا ان الدوري عندنا من زمان مفيش جمهور والدليل علي كلامي مباراة الزمالك والنجم وبالرغم من تألق لاعبي الزمالك وقتها ولكن اجواء تونس والجمهور هز لاعبي الزمالك بمعني الكلمه موضوع تألق الدفاع انا واثق منه ولكن السؤال هل هيكون عندهم القدره الكامله علي اللعب في وسط الاجواء دي زي جيل تريكه وبركات وذكي ومتعب وجمعه وغيره ؟؟؟ ربنا يكرم ياغالي لان الماتشات اللي جايه للمنتخب صعبه جدا ومحتاج تركيز وعمل من أجل منتخب مصر وعدم النظر للإنتماءات بالتوفيق لكل من يمثل منتخب مصر في الفتره القادمه منور دايما ياكبير

نتمنى بقى يقدروا يتعاملوا وسط ضغوطات اجواء افريقيا
ووسط الملعب يقدر يمسك المكان دا
والمهاجمين متضيعش الفرص بسذاجه وتحاول تقتنصها
باسم مرسى وهو جايب اهداف الدورى لازم يتجرب ف الماتش الودي
ونشوفه عشان المنتخب يعتمد عليه ف الهجوم مع نيجيريا وكمان مصطفي فتحي
الا الماتش الودي دا هيتلعب امتى وهيتذاع فين ؟؟

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ نتمنى بقى يقدروا يتعاملوا وسط ضغوطات اجواء افريقيا ووسط الملعب يقدر يمسك المكان دا والمهاجمين متضيعش الفرص بسذاجه وتحاول تقتنصها باسم مرسى وهو جايب اهداف الدورى لازم يتجرب ف الماتش الودي ونشوفه عشان المنتخب يعتمد عليه ف الهجوم مع نيجيريا وكمان مصطفي فتحي الا الماتش الودي دا هيتلعب امتى وهيتذاع فين ؟؟

خلينا متفقين ان منتخب مصر لا يمتلك مهاجم من عينة
متعب وذكي وزيدان والان كوكا هو الافضل ومعاه باسم وعمرو
أتمني كوكا يعتمد عليه الفتره القادمه وبالتوفيق ان شاء الله

الماتش الودي مع بوركينا فاسو
يوم 27 من الشهر ده تقريبا هنا في مصر
لسه ان شاء الله هتأكد من المعاد بالظبط
والقنوات الناقله واكيد هيكون فيه موضوع
بس هتكون مذاعه اكيد علي القنوات المصريه
النيل والحياه واون والكلام ده زي المرات اللي فاتت

ربنا يكرم ان شاء الله وتكون خطوه إيجابيه للمنتخب
قبل لقاء نيجيريا القادم في تصفيات امم افريقيا

منور يامعلم

[سَـلمَى]

اممم انا شايفة إنه جنش وأحمد عادل وإكرامي والشناوي
حلوين جدا ومع شوية ثقة وجاهزية أكتر هنطمن بيهم

الحضري أينعم حارس خبرة وكبير بلا شك
بس إنه يكون مع المنتخب وفي الوقت ده ويلعب مع نيجيريا
أظن في مخاطرة كبيرة خاصة إن اللياقة وكبر السن مش
هيبقى لصالحه ..

لكن ممكن بإيده وبنفسه يثبتلنا العكس إنه مازال يقدر
يحمي عرين الفراعنة

وكل التوفيق لمنتخبنا بكل عنصر فيه ويعملو متش
كويس قدام نيجيريا وفي كل مبارة ..♥


و تشـَكر يامحمود عل مجهودك في الطرح والمناقشات