بـَرشلونة يرفَع شعار (الفريق الذي لا يُهَزم ) ..

[سَـلمَى]

.. بســــَم الله الرحمــــَن الرحــَيم ..


أنتهت منذ دقايق قمة الأسبوع الثاني من مواجهات ربع نهائي دوري أبطال أورويا بين بـَرشلونة & أرسنـَال
بنتـَجية هدفين مقابل لا شيء لصالح البــَرسا ..

في الدقيقة 71 ســَجل الهدف الأول أفضل لاعب في العالم ليـَو ميسي
بَـعد مرتدة سريعة ومثالية قادها ال MSN
بدأها سوايرز وأكملها نيمار وأنهاها ميسي وأنها معه عقدته وسجل في مرمى بيتر تشيك ..

جاء الهدق الثاني في الدقيقة 82 عن طريق ركلة جزاء تـحصل عليها برشلونة وســَددها ليــَو بنجاح ..

وبذلك يحقق برشلونة الفوز الأول له في ملعب الإمارات ..
وليو ميسي يسجل للمرة الأولى في ملعب الإمارات ..

ويصل اللوتشو لويس أنريكي لـ 33 مبارة دون هزيمة ..

.................................................. ....................

بالنسبة لمجريات اللقاء :

برشلونة دخل الشوط الأول متحفظ ومن غير أي فاعلية رغم السيطرة وده كان واضح من خلال الإحتفاظ بالكورة والرتم البطيئ في التمرير ال كان بيحاول بالشكل ده قتل حماس لعيبة أرسنال

بس أرسنال كمان مخلاش لبرشلونة فرصة للتقدم للمرمى بسبب التكتل الدفاع ال إعتمد عليه فينجر

والمرتدات ال كانت خطيرة في بعض المرات خاصة فرص جيرو .. والمشكلة إن برشلونة مازال
بيعاني من موضوع المرتدات ده والدليل إن إنيستا وراكتيتش قامو بأدوار دفاعية كتير في الشوط الأول
مع ماسكيرانو وبكييه ..

مكنش في إنهاء هجمة بشكل صحيح ونييمار وسوايرز تخصصو في إضاعة فرص سهلة من غير تركيز أبدا
معرفش ليه وقت ما مفروض يسددو يرحو ممررين الكورة حاجة تشل -_-

وأرسنال ضغط بشكل ممتاز وكان قريب جدا من التسجيل .. لكن شتغن بقى ♥
الحارس ال من أول مبارة وأنا براهن عليه عنده ردة فعل فظيعة وكمان بيعرف يلعب برجله كويس وتمريرات بتكون متقنة .. حارس ليه مستقبل كبير بإذن الله ..

برأئي الأرسنال صحيح عمل مبارة حلوة جدا ومش متوقعة منه وخلق فرص خطيرة .. لكن برشلونة لعبه الجماعي ومهارات اللعيبة الفردية ال تقدر تمسكلك المتش وتطمنك فرقت عن أرسنال جدا ..

ملاحظة : لويس أنريكي ماعملش أي تبديل طول المبارة !!

مدرب بيثبت ذكاءه في تغير مسار المبارة في الشوط التاني ..
رغم إنه معملش تبديل لكن قدر يرجع الفريق للضغط والإستحواذ وتفعيل سلاح المرتدات ..

برافو

ويحسب لبرشلونة إنه رغم المباريات الكتيرة ال بيلعبها قدر يقنع بأداءه ويلعب بكل قوة
وميحسسناش بإنه أُرهق .. شخصية بطل فعلا

إنبسط جدا من المتش ومن أداء الفرقتين
وأرسنال عمل مبارة ندية تحتسبله وصمد للأخر ..

نجوم المبارة من رأئي وبعيد عن ميسي :

شتَـغن / بوسكيتس / راكتيتش / ماسكيرانو

بيكيه للأسف حصل عل بطاقة صفراء وهيغب في مبارة الإياب بسبب تراكم البطاقات
انا مفروض أقلق فوق القلق مرتين من الدفاع دلوقتي .. ربنا يستر

ومش شايفة إن التأهل إتحسم خاصة بعد ما شوفت أداء ارسنال
أتمنى يكون برشلونة حاضر بكل قوةقي مبارة الإياب ومن غير تخبط في الأداء ..

إيه رأيكم إنتم في المبارة ؟!
وشايفين إنه برشلونة حسم تأهله ولا لا ؟!

وإيه رأيكم في أول موضوع تحليلي ليا !!

تـــَحياتي : ســَلمى ^-^

[سارة فهمى]

شكرًا على المجهود

[۩۩ elMagic ۩۩]

عشان برشلونه يبدأ التسجيل ف اللقاء
من الدقيقه 71
دا ان دل ع شئ فيدل ع صمود الارسنال امام لاعبي البارسا
ونرفعلهم القبعه بقى
يمكن دي اقل نتيجة يطلع بيها البارسا من الدورى اساسا
طبعا بلا منازع مفيش منافس وتأهله محسوم
اما عن كون دا اول موضوع ليكي فا دا ف كوم تانى يا عم
واهو عندك رؤية عربيه واوروبية
استمري بقى

[سَـلمَى]

اقتباس المشاركة الأصلية كتبت بواسطة سارة فهمى شكرًا على المجهود

الــَعـَفو .. منـَورة حــَبيبتي .. ♥

[سَـلمَى]

اقتباس المشاركة الأصلية كتبت بواسطة ۩۩ elmagic ۩۩ عشان برشلونه يبدأ التسجيل ف اللقاء من الدقيقه 71 دا ان دل ع شئ فيدل ع صمود الارسنال امام لاعبي البارسا ونرفعلهم القبعه بقى يمكن دي اقل نتيجة يطلع بيها البارسا من الدورى اساسا طبعا بلا منازع مفيش منافس وتأهله محسوم اما عن كون دا اول موضوع ليكي فا دا ف كوم تانى يا عم واهو عندك رؤية عربيه واوروبية استمري بقى

صحيح لكن كمان تكتيك فينجر ليه دور في تأخير التسجيل
بسبب إعتماده عل الدفاع بشكل كبير ..

أقل نتيجة وده طبيعي البرسا لعب في أرض أرسنال وحاولين جمهوره
ده غير ضغط المباريات ال على البرسا من قبل مونديال العالم ..

بإذن الله يتأهل بإرتياح .. ♥

تســَلم يا ماجيك .. ونــــَورت ^^

[بــَنت النــَيل]

فعلا برشلونة بدا بتحفظ غريب بصراحة غير طبعا زيي ما قلتي دفاعات فنيغر
معاكي في كل القلتيه بس غريبة موضوع ان إنريكي معملش تبديلا
مع ان بوسكيتس كان مصاب وغلط انه يغامر بيه :/ كان ينزل سيرجي بداله
على العموم الحمد لله على الفوز وعقبال الفوز في مبارة الاياب
ومبروووك للأسطور ليو هز شباك تشك , اسكت كل الحاقدين
مبارة ممتازة للارسنال لانه ما كان متوقع ان يلعب كدا
ومبارة جيدة للبرسا رغم كثرة المباريات زيي ما نوهتي
وبإذن الله برشلونة يتأهل في الكامب نو

تسلم ايدك عل المجهود
ودايما كذا البرشلونين ناس فاهمة وفخمة ♥

[سَـلمَى]

اقتباس المشاركة الأصلية كتبت بواسطة بــَنت النــَيل فعلا برشلونة بدا بتحفظ غريب بصراحة غير طبعا زيي ما قلتي دفاعات فنيغر معاكي في كل القلتيه بس غريبة موضوع ان إنريكي معملش تبديلا مع ان بوسكيتس كان مصاب وغلط انه يغامر بيه :/ كان ينزل سيرجي بداله على العموم الحمد لله على الفوز وعقبال الفوز في مبارة الاياب ومبروووك للأسطور ليو هز شباك تشك , اسكت كل الحاقدين مبارة ممتازة للارسنال لانه ما كان متوقع ان يلعب كدا ومبارة جيدة للبرسا رغم كثرة المباريات زيي ما نوهتي وبإذن الله برشلونة يتأهل في الكامب نو تسلم ايدك عل المجهود ودايما كذا البرشلونين ناس فاهمة وفخمة ♥

إنريكي فعلا كان هيستبدل بوسكيتس بعد ما طلب إنه يتغير
لكن بوسكي غير رأيه وطلب البقاء ..
واظن إنريكي شاف كويس جاهزية كل لاعب وإزاي بيلعب
عشان كدا فضل إنه ميعملش تغير ..

بــإذن الله الفوز للبرسا في الإياب وفي اي مبارة ^^

حبيبتي الله يسَـلمك .. نورتيـَني ♥

طبعا ^-^

[محمود الصاروخ]

خلينا متفقين ان الارسنال سيطر لفترات طويله من المباراه
ولكن المباريات اللي زي دي عموما بتعترف بحاجه واحده وكلنا عارفيها
مين اللي حرك الشباك ؟؟ وبالفعل برشلونه هو من حرك الشباك !

الارسنال عموما مستحيل يكسب بأي نتيجه في الكامب نو
بسبب رعب الفريق الكتالوني علي ارضه ولذلك بعتبر
الارسنال بره من دلوقتي مع ان كنت بتمناه يعمل
نتيجه إيجابيه علي ارضه

مليون مبروك لكل مشجعي برشلونه
هارد لك مشجعي الارسنال

تغطيه مميزه سلمي وقلم مبدع كالعاده
تسلم ايدك بقي وفي انتظار تحاليل أكتر

[سَـلمَى]

اقتباس المشاركة الأصلية كتبت بواسطة مـح ـ الصاروخ ـمود خلينا متفقين ان الارسنال سيطر لفترات طويله من المباراه ولكن المباريات اللي زي دي عموما بتعترف بحاجه واحده وكلنا عارفيها مين اللي حرك الشباك ؟؟ وبالفعل برشلونه هو من حرك الشباك ! الارسنال عموما مستحيل يكسب بأي نتيجه في الكامب نو بسبب رعب الفريق الكتالوني علي ارضه ولذلك بعتبر الارسنال بره من دلوقتي مع ان كنت بتمناه يعمل نتيجه إيجابيه علي ارضه مليون مبروك لكل مشجعي برشلونه هارد لك مشجعي الارسنال تغطيه مميزه سلمي وقلم مبدع كالعاده تسلم ايدك بقي وفي انتظار تحاليل أكتر

هو مش سيطرة أكتر ماهيا محاولات خطيرة عل المرمى
لكن برشلونة كان ليه سيطرة وأستحواذ واضح
وتغير طريقة اللعب بين الشوطين كللت بالهدفين ..

انا لا أعترف بالمستحيل في كورة القدم
مع علمي بقوة البرسا في ملعبه
لكن طريقة لعب أرسنال ومهارت بعض لعيبته الفردية قد تفاجئ الجميع ..

لكن بالتوفيق ديما للكتلان .. ♥

تســَلم يامحمود
نـــــــــَورت ^^