تكتوك للبيع

[ابو نصير]

انا معزور فى قرشين ومن فرج كربه على اخوه فرج الله عليه كربته
والناس بعضها البعض واللى موش عاوز يشترى هاعمل مذاد على التوكتوك
ونبداء المزاد ...........
وعلى فكره فول اوبشن .. بنزين 92 كلاكسك عالى ......
****************
موش مهم اعلى سعر المهم يجيب تمنه حتى لو وقف عليا بخساره
والاتصال على الارضى صفرين وحته
ولمزيد من المعلومات اتصل بصفرين وفوطه زفره
وادينى مواصفات البيع؟؟؟؟؟؟
وكل اللى خايف منو لو نزل التوكتك سوق التكاتك ميسواش مليم فو وسطهم
وصبح صبح علشان لما ابيع ناوى اصبح على الريق بجنيه لصندوق يحيا التكتوك
ابو نصير

[ايمان طلعت]

ايه دة يابو نصير
انت غلطت في الفسم ولا ايه
ينقل للخزعبلات بقي
الى ان يظهر له هويه

[ابو نصير]

اقتباس المشاركة الأصلية كتبت بواسطة ايمان طلعت ايه دة يابو نصير انت غلطت في الفسم ولا ايه ينقل للخزعبلات بقي الى ان يظهر له هويه

مغلطش ياست الكل الموضوع سياسى وانتى سيد العارفين
اخوكى بو نصير
منعا للمشاكل وكل واحد يفهم الموضوع بطريقته وتقوم عركه سوده فى الخزوعبلات
منئدرش على لمها
ههههههههههههههههههه
وانتى عارفه انا بتنفس خوزعبلات
هههههههههههه

[العاشق الذى لم يتب]

ربنايفك ضيقتك يادرش
ههههههه
انت مبدعنا

[الفيلسـوف]

هههههههههههههههههههه ربنا يستر عليك ياولدى لانك مش ناوى تجملها
انا اول واحد حيبعيك دائما تاتى بالقوه ف القلم الساخر من الواقع المميت
تسلم ايدك يا كبير

[سارة فهمى]

أهم حاجه تدفع حتى لو هتبيع هدومك ومش هتلاقى تأكل
مش مشكلتنا والله ^_^
و تحيا مااااسر
...
أبو نصير شكلنا قريب هنبعتلك عيش وحلاوه ^_^

[Lamees]

انتوا مين ؟
عن نفسي انا مدفعش في التكوتك ده جنيه
انصحك تتبرع بيه اهو نخلص منه
وصبح صبح يا عم الحاج
تحيا ماااااسر

[السفيره عزيزه]

طب والنعمة التكتوك اغلي منة.
دا مش عارف يقول كلمتين
انا بشتري التكتوك ابو نصر
واصبح وامسي علية فى الليل
واكتب علية دا حامل جيل
جيل كانوا عاملين ثورة
كان نفسهم يشموا الهوي
هوى مصر ال يرد الروح
طلعلنا اهطل خاين نحنوح
وريحت دم من شربة تفوح
نشترية بكام يا ابو نصير
واحد خربها وما عمل لها خير
وانت ال تصبح على خير
وكمان يا من عندي صباح الخير.

التكتوك اغلي منة كتير.
دا راجل كفتة ماكر وخطير
وهشتاج كبير ولا عمرة يغير
على مصر قال اية صباح الخير

السفيرة يا عمونا

[ثراء الخليج]

اللهم ما لك الحمد فى الاولى ولك الحمد فى الاخرة ولك الحمد حتى ترضى

[۩۩ elMagic ۩۩]

ابعتلنا التوكتك وهنبعتلك جنيه بحاله
لو زودنا عن كده هنبعيه بخساره بقى
واحنا عايزين نلقط رزقنا وربنا يكرم