أمثال تحت الميكروسكوب

[د/ عبد الله]

وعلى رأى المثل.........

جملة بنسمعها تقريباً كل يوم فى حياتنا

فى أى موقف بنتحط فيه بتلاقى مثل يناسبه

لكن الأمثال دى مش قران ولا حديث

ده كلام من إنسان زيى وزيك

ممكن يكون صح وممكن يكون غلط.

وكمان ممكن يكون فيها كلام يخالف العقيدة

وفيه ناس بتحط المثل ده مبدأ لحياتها وبيكون غلط.

من هنا جت فكرة الموضوع

هنكتب مثل ونتناقش فيه من حيث مدى

صحته من خطأه أو مخالفته للعقيدة.

وأرجو من اللى هيشارك ميكتبش مثل جديد

إلا لما نكون خلصنا مناقشة اللى قبله ووصلنا لنتيجة

لأن هدف النقاش مش مجرد إثبات حضور أو ملأ صفحات

الهدف إننا نقدر نوصل لحاجة صح نتفق عليها كلنا أو معظمنا

ونقدر نفند الأخطاء اللى بيشوفها كل واحد من وجهة نظره.

هبدأ معاكم بأول مثل:

(أنا وأخويه على ابن عمى وأنا وابن عمى ع الغريب)

من وجهة نظرى شايف إنه دعوة للتعصب الأعمى

بيخليك تتعصب للشخص القريب منك بغض النظر

هو معاه الحق ولا لا.

وده بيناقض قول الله:

" يأيها الذين أمنوا كونوا قوامين بالقسط شهداء لله

ولو على أنفسكم أو الوالدين والأقربين"

كمان فيه دعوة للتحزب وجعل الأخوة قاصرة على النسب

وده بيناقض قول الله:

" إنما المؤمنون إخوة"

فى انتظار مشاركاتكم وآرائكم

[يحيى الفضلي السودان]

هذا المثل بيضرب عندنا عن الاخلاق
انا واخوي على ابن عمنا وهنا بنخلص ان الاخوة هي الاسلام

وابن العم هم اليهود والنصاري

والغريب هم من ليس من اهل الكتاب

وليس بالمنظور الضيق لفهم الكلمات في حد ذاتها انما الخيال اوسع وليس بالعصبية

انما المسلمين اخوة
المسلم اخ المسلم
وما كان ابوكم ابراهيم الا مسلما حنيفا قبل ان ياتي الاسلام

طرح جميل د عبدالله

[Doaa Hammam]

مما قرأت

هذه مقولة جاهلية الإسلام منها بريء،
فانظروا إلى سماحة الإسلام وعدله لما قال النبي صلى الله عليه وسلم
: "انصر أخاك ظالماً أو مظلوماً"،

فقال الصحابة: يا رسول الله، هذا ننصره مظلوماً فكيف ننصره ظالماً؟
قال: "تأخذ فوق يده"، فأنت مع أخيك على طاعة الله عز وجل،
وليس على الغريب أو ابن عمك،

فإن كان ابن عمك محقاً، فأنت معه على أخيك،
بل إن كان الغريب محقاً فأنت معه ضد أخيك وأبيك،

أما هذه المقولات الجاهلية ما أنزل الله من سلطان فيها حمية أهل الجاهلية،
الحمية للقرابة وللقبيلة، وهذا شأن العرب قديماً

أما الإسلام فقد طلب من المسلم أن يدور مع الحق، والعدل، أينما وجد، والله أعلم

..................

أشكرك أخي على طرحك القيم

تحياتي واحترامي

[حازم34]

اهلين اهلين دكتور عبد الله منور القسم بكل ما هو قيم ومفيد


والامثال العربيه تاتي احيانا نتيجه تجربه وهي في بعض الاحيان


تطابق واقع كان يعيشه صاحب ها المثل


ولكن ان ما ضربت من مثال مخالف لما امرنا الله عزوجل به


وما نهي عنه الحبيب محمد صلي الله عليه وسلم


اولا الاخوه الحقيقه هي اخوه الدين والله ضرب لنا الامثله الكثيره في كتابه الكريم حتي عن البنوه


حينما قال لسيدنا نوح عليه السلام حينما قال له عن ابنه انه ليس من اهلك انه عمل غير صالح



وامرنا الله بالاخوه وقال --- انما المؤمنون اخوه فاصلحوا بين اخويكم واتقوا الله



وقال الحبيب محمد صلي الله عليه وسلم


المؤمن للمؤمن كا البنيان يشد بعضه بعضا


فها المثل ربما يستخدمه البعض في نصره اخيه ضاربا عرض الحائط بما ذكرت سيادتكم عن القسط ووالعدل


حتي ولو علي نفسك


تسلم سيدي لها الطرح القيم الجميل ومنور والله

[العاشق الذى لم يتب]

معاك انااخى عبدالله
ماهو الاتعصب اعمى
دينناالحنيف
امرنا بالتسامح
وامرناان نتعاون
اى الدميع
وليس القريب وحسب

[αЛαstoOorα]

بداية آرحب بك بتلك المواضيع الهادفة
التي تناقش الآمور الدنياوية بكل رُقــي
وتحضر ..
وآرحب بك آيضاً قلماً جديداً يتصاعد
كل يوم عن الآخر داخل صرحنا العظيم
::
آما عن مناقشة وتحليل المثل ,,
عامة معظم الآمثال نرويها من تاريخ
آجدادنا ..ومعظمها تعبر عن الآنتماء
التُراثي لتلك الآزمنة وهي تُمثل
الشعبية الجارفة للشارع المصري
::
بنسبة للمثل الذي طرحته ممكن يآخذه
البعض من كذا محور وآتجاه ,,..
ممكن يآخذه مثل ما فكرت به وآتفق
معك آنه يحرض علي التعصب ,,
وممكن يآخذه من محمل التكاتف
واليد الواحدة بين الشخص وآقاربه
ولكن معظم الآمثال آن آلقناها
لا نعمل بها ..ولكنها تسيطر علي البعض
ف التعبير ...

بالتوفيق ..

:
:
::
мiлshαwi

[۩۩ elMagic ۩۩]

هو مثل تراثى متداول ف عصرنا الحالي زيه زي امثال عده
ولكن المفروض انك تتعامل باللى يرضي ضميرك
وبتصفى النيه بينك وبين ربنا
اخوك بقى ابن عمك المهم انك متظلمش حد ع حساب حد
ولا تيجي ع نفسك عشان حد ممكن بيبقى فيه استثناءات
ولكن المبادئ لا تتجزأ وف عصرنا الحالي
اتجزأت كل المبادئ والقيم وعم التعصب والتخلف ربنا يهدي العباد

[gold rose]

مش شرط يكون معنى النصر زي ما اتقال فوق ..
ممكن معناه إني مغلطوش قدام حد مثلا عشان محرجوش
وبعد كدا ينفر مني وتحصل عداوة بينا ..
ممكن أنهي النقاش مع الغريب وبعد كدا أنبهه ع انفراد
إنه كان غلط وبكدا أحافظ ع النفوس صافيه

[Lamees]

هو يدعوا للتكاتف والترابط في الحق وانا أؤيد ذلك
ولكن لا اؤيده ان كان يدعوا للتعصب الأعمى
فالحق احق ان يتبع

تحيتي لك دكتور عبد الله

[د/ عبد الله]

طيب..

الجميع أجمع على إنه ضد التعصب لحد وانه مع الحق حتى لو كان على قريبه أو أخوه

لكن لو بصينا للواقع هنلاقى ان معظمنا مبيعملش كده

ولو حصل موقف مع أخوه أو حد قريبه وكان هو الغلطان هيدارى عليه


أخونا الفاضل يحبى السودانى:

لو كان المثل بيتقال فى السودان بالمعنى اللى حضرتك ذكرته

فهو برضو من باب التعصب

لأن الاسلام أمرك أنك تكون مع الحق حتى لو كان لغير المسلم

أما لو تقصد الولاء للمسلمين والبراء من غير المسلمين فهو ده الصح

والمثل فى مصر مبيتقالش بالمعنى ده خالص.


أخى المنشاوى, أختى جولد روز, أختى أطياف الماضى:

اذا كان المعنى بالتكاتف والترابط بين الأخوة أو أفراد العائلة فده شئ جميل

ومفيش مشكلة

وف الحقيقة المثل ممكن يستخدم بالمعنى ده فى بعض الأحيان

لكن ف الغالب هو بيكون لغرض التعصب والتحزب بغض النظر الحق مع مين.

أشكركم جميعا لنقاشكم الجميل والمفيد

ودلوقتى ننتقل لمثل تانى

لو حد عنده مثل شايف انه فيه خطأ وعايز يتناقش فيه يتفضل بطرحه.