الاهلي يتغني بـ ايفونا والزمالك يرد بـ مايوكا

[محمود الصاروخ]

السلام عليكم ورحمة الله وبركاته
--



لو نظرنا سويا للسنين الماضيه وبالتحديد لصفقات الاهلي والزمالك الافريقيه
سنلاحظ بان معظمها تكون فاشله بما تحمل الكلمه من معني وهذا إن دل ف يدل
علي عدم توفيق الاهلي والزمالك في اختيار الصفقات المميزه عكس الانديه
الاخري التي نتابعها في الدوري مثل بتروجيت و دجله وغيرهم وغيرهم

الاهلي في السنين الماضيه ضم الكثير والكثير من النجوم ولم يتألق منهم سوي
فلافيو وجلبرتو وفي الفتره الحاليه ضم النجم الجابوني المميز إيفونا

الزمالك في السنين الماضيه أيضا ضم الكثير والكثير من النجوم ولم يتألق منهم
سوي القليل وفي الفتره الحاليه ضم مايوكا وبدايته مع الفريق مبشره

.. النجم او المعلم ايفونا ..
لعب مع الاهلي 15 مباراه وسجل 7 أهداف

.. النجم او المميز مايوكا ..
لعب مع الزمالك 5 مباريات وسجل 3 أهداف وصنع هدف

كما نعلم جميعا بأن مهاجم الاهلي إيفونا سريع بما تحمل الكلمه من معني وبالرغم
من أن الاهلي يمتلك مجموعه من اللاعبين المميزين في التمريرات السحريه
لم يسجل إيفونا الا 7 أهداف في 15 مباراه وهذا إن دل ف يدل علي أن
لاعبي الاهلي لم يستغلوا سرعه المعلم ايفونا في بناء هجمات مرتده
علي المنافسين الا في مباريات قليله

عكس مايوكا مع الزمالك وكما تابعنا بأنه يوجد أنانيه من صناع لعب الزمالك
في المباريات السابقه ولكن مايوكا في كل مباراه يلعبها لابد أن يثبت نفسه بهدف
أو صناعة هدف وبالفعل لعب 5 مباريات سجل 4 أهداف وصنع هدف في مباراه
وهذا إن دل ف يدل علي أن صناع لعب الزمالك لو استغلوا ذكاء مايوكا في الملعب
سيزيد مايوكا من معدل تهديفه في كل مباراه

.. اسئله للنقاش ..

- ما رأيك في مهاجم الاهلي إيفونا و مهاجم الزمالك مايوكا بشكل عام ؟
- ماذا يحتاج إيفونا ليزيد من معدله التهديفي مع الفريق الاحمر ؟
- هل تتوقع إستمرار نجاح مايوكا مع الزمالك في المباريات القادمه ؟



تحياتي للجميع محمود الصاروخ

[۩۩ elMagic ۩۩]

ايفونا بدايته كانت مميزه
وحاليا بدأ مستواه يرجع
دا العادى بتاع اللاعيبه
استحاله الكيرف هيبقى ف الطالع طول الوقت لازم بينزل شويه
لكن اوقات كده بتشوف منه اخطاء مينفعش نتغاضى عنها
وكتير كان بيقلش وميس باص هو عايز يتظبط شويه
بس اكيد بيرجع واداءه بدء يبقى متوازن
اما عن مايوكا اظن دا ورقه رابحه للابيض
لاعيب محترف ومهاري بيبقى مصدر اطمنئنان حاليا للمدربين
لاعيب يدخل يقدر يحل الاشكاليات داخل المستطيل الاخضر
وانا بردوا ماقدرش اتكلم واقول اى عيوب ملاحظه على مايوكا
لان مش متابع جيد للابيض
ايفونا محتاج يركز ويستفاد من الكور اللى بتجيله ويستغلها كويس
ومايوكا نخشى انها تكون انتفاضة اول ظهور مع الابيض وبعدين يريح
ولكن اكيد نتمنى يستمر ف التالق ويعمل عروض طيبه لصالح الابيض
تسلم ي معلم للمجهود بقى

[حازم34]

اهلين بالكابتن لكبير والناقض الرياضي الكبير



والله الاصول يكون اللاعب الاجبني مصدر تحفيز واعلاء للاعب المصري


نحن نري في اسبانيا والدول الاوربيه اكثر من اربع او خمس لاعبين اجابنب بالفريق


ودا ما يضفي علي البطوله من تطور في الاداء والمتابعه ويعود بالصالح العام


علي الفريق القومي


اما نحن بيكون هناك لاعب واحد بالفريق حتي لو كان مستواه ايه


لن يستطيع بمفرده عمل شئ ايفونا اخطر لاعب بافريقيا لما جاء مع الاهلي


اثبت هذا في ماتش الزمالك فعلا واربكهم ارباكا شديدا ويا تري لو معه ثلاث لاعبين افارقه



هل سيكون بنفس الوضع اعتقد لا


وبالنسبه للاعب الزمالك امايوكا لاعب مميز وهداف


ولكن لم يمر الوقت الكافي لكي نحكم عليه


وتري هناك مباريات مثل مباراه الزمالك مع الانتاج الحربي


ما هو دوره وقف لان لاعبي الزمالك لم يستطيعوا ايصال الكره اليه


ولو كان معه اكثر من لاعب افريقي لاختلف الوضع


كثره اللاعبين المحترفين تؤدي الي ارتفاع المستوي


مش كدا ولا ايه


مع خالص تحياتي

[سَـلمَى]

اممممم إيفونا إيفونا

بالنسبالي شايفة إن أسلوب وطريقة لعب إيفونا
متنفعش لكل مبارة ..
ومش من نوعية اللعيبة ال تنزل تساعد ..

أكتر حاجة بشوفها فيه مهارة الإنطلاق بالكرة لقدام بسرعة
ومواجهة المرمى .. لكن نسبة إضاعة الكورة كبيرة طبعا -_-

في كتير حجات ناقصة عنده .. محتاجة يقعد عل الدكة شوية برأئي
وأتمنى يرجع بعديها بقوة وتركيز أكتر ..

مايوكا صفقة ممتازة للزمالك وده باين من أول 5 مباريات
قدامه كتير يقدمه .. وبالتوفيق للجميع

وتسسلم عل طـَرحك ومجهود يامحمود ^^

[M@HMOUD]

انا شايف ان ايفونا مهاجم مساحات مش مهاجم صندوق زى مايوكا وجون انطوي وبالنسبة لمعدل التهديف لايفونا انت شايف اغلب الفرق قدام الاهلى والزمالك بتلعب دفاع مفيش مساحات يلعب عليها ايفونا بالنسبة لمايوكا محتاج مساعده زملاوه علشان يقدر يوصل لمعدل تهديف حلو

[محمود الصاروخ]

اقتباس المشاركة الأصلية كتبت بواسطة الشيخ جرجس ايفونا بدايته كانت مميزه وحاليا بدأ مستواه يرجع دا العادى بتاع اللاعيبه استحاله الكيرف هيبقى ف الطالع طول الوقت لازم بينزل شويه لكن اوقات كده بتشوف منه اخطاء مينفعش نتغاضى عنها وكتير كان بيقلش وميس باص هو عايز يتظبط شويه بس اكيد بيرجع واداءه بدء يبقى متوازن اما عن مايوكا اظن دا ورقه رابحه للابيض لاعيب محترف ومهاري بيبقى مصدر اطمنئنان حاليا للمدربين لاعيب يدخل يقدر يحل الاشكاليات داخل المستطيل الاخضر وانا بردوا ماقدرش اتكلم واقول اى عيوب ملاحظه على مايوكا لان مش متابع جيد للابيض ايفونا محتاج يركز ويستفاد من الكور اللى بتجيله ويستغلها كويس ومايوكا نخشى انها تكون انتفاضة اول ظهور مع الابيض وبعدين يريح ولكن اكيد نتمنى يستمر ف التالق ويعمل عروض طيبه لصالح الابيض تسلم ي معلم للمجهود بقى

ايفونا مهاجم مميز ولكن التميز علي أوقات أو تحديدا في المبارايات
الضعيفه فقط وهذا ما تابعناه في المباريات التي لعبها ايفونا باستثناء
مباراة القمه التي سجل فيها هدف

مايوكا لحد الان أثبت نفسه في كل مباراه لعبها وأكيد بنتمناله التوفيق
فيما هو قادم

تسلم علي مرورك الجميل كالعاده ياكبير
منور دايما

[محمود الصاروخ]

اقتباس المشاركة الأصلية كتبت بواسطة حازم34 اهلين بالكابتن لكبير والناقض الرياضي الكبير والله الاصول يكون اللاعب الاجبني مصدر تحفيز واعلاء للاعب المصري نحن نري في اسبانيا والدول الاوربيه اكثر من اربع او خمس لاعبين اجابنب بالفريق ودا ما يضفي علي البطوله من تطور في الاداء والمتابعه ويعود بالصالح العام علي الفريق القومي اما نحن بيكون هناك لاعب واحد بالفريق حتي لو كان مستواه ايه لن يستطيع بمفرده عمل شئ ايفونا اخطر لاعب بافريقيا لما جاء مع الاهلي اثبت هذا في ماتش الزمالك فعلا واربكهم ارباكا شديدا ويا تري لو معه ثلاث لاعبين افارقه هل سيكون بنفس الوضع اعتقد لا وبالنسبه للاعب الزمالك امايوكا لاعب مميز وهداف ولكن لم يمر الوقت الكافي لكي نحكم عليه وتري هناك مباريات مثل مباراه الزمالك مع الانتاج الحربي ما هو دوره وقف لان لاعبي الزمالك لم يستطيعوا ايصال الكره اليه ولو كان معه اكثر من لعب افريقي لاختلف الوضع كثره اللاعبين المحترفين تؤدي الي ارتفاع المستوي مش كدا ولا ايه مع خالص تحياتي

إيفونا لو تابعنا مع بعض هنلاقي انه سجل في المباريات الضعيفه فقط
باستثناء مباراة الزمالك ولا أستطيع ان الوم علي دفاع الزمالك في هذه المباراه
بالتحديد نظرا لغيابات الزمالك فيها ونص ملعب شوارع بمعني الكلمه

سيبك انت كلمة مش كده ولا ايه
فكرتني بالمعلق المحترم احمد الطيب شكلك بتحبه حازم

منورني دايما ياكبير

[محمود الصاروخ]

اقتباس المشاركة الأصلية كتبت بواسطة سَـلمَى اممممم إيفونا إيفونا بالنسبالي شايفة إن أسلوب وطريقة لعب إيفونا متنفعش لكل مبارة .. ومش من نوعية اللعيبة ال تنزل تساعد .. أكتر حاجة بشوفها فيه مهارة الإنطلاق بالكرة لقدام بسرعة ومواجهة المرمى .. لكن نسبة إضاعة الكورة كبيرة طبعا -_- في كتير حجات ناقصة عنده .. محتاجة يقعد عل الدكة شوية برأئي وأتمنى يرجع بعديها بقوة وتركيز أكتر .. مايوكا صفقة ممتازة للزمالك وده باين من أول 5 مباريات قدامه كتير يقدمه .. وبالتوفيق للجميع وتسسلم عل طـَرحك ومجهود يامحمود ^^

الله ينور عليكي سلمي متفق معاكي مليون في الميه
وتقريبا تاني مره نتفق في حاجه ك أهلاويه وزملكاوي هههه

منوراني دايما والله

[محمود الصاروخ]

اقتباس المشاركة الأصلية كتبت بواسطة m@hmoud انا شايف ان ايفونا مهاجم مساحات مش مهاجم صندوق زى مايوكا وجون انطوي وبالنسبة لمعدل التهديف لايفونا انت شايف اغلب الفرق قدام الاهلى والزمالك بتلعب دفاع مفيش مساحات يلعب عليها ايفونا بالنسبة لمايوكا محتاج مساعده زملاوه علشان يقدر يوصل لمعدل تهديف حلو

تقريبا متفق معاك محمود
واتكلمنا في الموضوع ده مع بعض تقريبا
منور يازميلي والله