سهرة أسبوعيه بقاعة الصفحات ( الكلام على مين؟؟)

[دمعه حائره]

اقتباس المشاركة الأصلية كتبت بواسطة ايمان طلعت طبعا دي منه رقيقه المشاعر كبيرة العقل صغيرة القلب اي قلب طفله احب اسالها هنا مؤخراً امارس نوع من الحجر على قلمى لدرجة منعه من التعبير عن كثير من المشاعر ولاادرى لماذا ربما مقدمة لاعتزال الكتابه او تحجيمى فى نوع معين منها كل مااعرفه انى امر بأزمة بينى وبين قلمى لكل منا وقت يتوقف قلمه لكن لا يحجر عليه بل يشفق عليه كثيرا لانه مقيد لا يستطيع وصف تلك الحاله التي تمر بنا وقتها فما هي تلك حالتك التي بسببها احجرتي على قلمك وهل تكون حاله مؤقته ولا تتسبب في فقدان القلم للابد ؟ برنامج رائع حنين وفكرة اروع يدوم النشاط والتميز تحياتي

تسلمى حبيبتى ايمى انتى الرقة كلها
والمشاركة دى قديمة مش فاكرة السبب بالظبط
بس اعتقد كانت حالة صعبة وطولت معايا فترة
لان كنت وقتها بحاول اخبى حاجات كتير جوايا
وفعلا زى ماذكرتى غلط نحجر على اقلامنا
لكن بردو مش كل اللى جوانا ينفع يتكتب
نورتى غاليتى منتحرمش منك

[دمعه حائره]

اقتباس المشاركة الأصلية كتبت بواسطة شاعرة الرومانسيه منوره الدنيا شمس منتدانا ده انتى النور والجمال كله ياحنون عندى بعض الاسئله للجميله ضيفتنا وملكة سهرتنا ليه الاسم / دمعة حائره هو تركيبه من بيت شعر بيوصف حاله حيرة وازاى الواحد ممكن يحبس دموعه او يحتار يسيبها تنزل هههههه الحاله الاجتماعيه / زوجة وأم الحاله النفسيه / انا مودية يعنى بغزالة كلمة تضحكنى وتانيه تقلب مزاجى ربنا يستر بس عموما رايقة أمنيه تتمناها منه ولم تتحقق/ هى امنيات كتير وانتى عارفة الدنيا مش بتدينا كل اللى نتمناه لكن الحمد لله محظوظة بكل اللى وصلت ليه يمكن كان ليا امنية زمان تخص الكتابة والشغل بس يعتبر بمارسهم هنا على النت نصيحه لكل مُقبلة على الزواج/ انصحها تبص للجواز ك قيمة ومستقبل مش صفقة او مغامرة وكمان متقارنش حياتها بغيرها لان كل واحد مهما اخد من الدنيا لازم هايكون ناقصة حاجه تحتوى زوجها واسرتها يكونوا من اول اهتمامتها ومادخلش حد فى مشاكلها عشان ماتكبرش وحاجات كتير عاوزة موضوع لوحده كيف تُمثل لكى هذه الأسماء ايمان طلعت/ ايمان انسانه خلوقة ومحترمة عندها طاقة عطاء للجميع من اول ماسجلت هنا ومفيش مرة زعلت حد منها ام حنونة واخت غالية على قلبى ربنا يسعدها طبيب الهوى/ استاذ محترم وخلوق بنتعلم منه كل حاجه وجودة قيمة كبيرة للمنتدى بحب بتابع كل كتاباتة ويتميز بالاخلاص النادر الايام دى ربنا يسعدة ويفرح باولادة جبل عالى/ جبل اخت محترمة وقيمة كبيرة للمنتدى فى كل قسم تشارك فيه بصمة من اول ماسجلنا هنا بتابعها لان قلمها مميز جدا ومعروف للجميع ربنا يسعدها وتفرح باولادها شاعرة الرومانسيه/ هقول ايه ياحنون انا اعرفك من اول ماسجلت هنا بنت طيبه وعفوية بتكتبى باحساس مش اى حد يعرف يكتبه تلقائيتك على قد ماهى جميلة لكن بتعملك مشاكل وديما بقول ملكيش حظ ربنا يصلح خالك ونشوفك فى احسن حال رونى/ رونى الرقيقة كتير قالوا اننا شبه بعض وانا سعيدة جدا بالتشبية ده لانها انسانة جميلة وحساسة وبتعجبنى كل كتابتها متحبش تدخل فى مشاكل مع حد وتزعل اوى لو حد فهمها غلط لانها طيبة وعفويه ربنا يسعدها مع زوجها وابنها محمود ساد/ محمود انسان عاقل جدا وخلوق فيلسوف المنتدى تفكيرة عميق وليه لون فى الكتابة مميز واضح فيه الدراسة تعاملة مع الجميع فى منتهى الزوق والادب واضافة كبيرة للادارة والمنتدى اتمنالة كل الخير والسعادة الماجيك / احمد ده اخويا الصغير اللى انا ماستغناش عن خدماته ومن زمان على طول اسأله واخد رأيه فى كل حاجه ماشاء الله عاقل وسابق سنه عارفه ان المسئولية كبيرة عليه لكنه قدها وقدم كتير للمنتدى وطور منه وبيشجع الاعضاء بالردود والتكريمات اتمناله الخير ويحقق كل احلامة فدااااء/ صديقتى الصدوقة اللى مستحملة كل عصبيتى وحواراتى وجنانى هههههه بنرغى كتير سوا وقد ايه حسيت اننا فاهمين بعض حتى من الكتابة غريبة بلاقيها تقولى مالك زعلانة ليه من قبل ماكلمها حتى يالاضافه لانها مبدعه ومواضيعهاتحمل فكر وثقافة عالية قيمة كبيرة للمنتدى وقسم الاقلام فرق كتير بوجودها ربنا يسعدهها ويوفقها لاتتركوا من يستحق من أجل من لايستحق فتقعوا فى فخ من الغباء ومستنقع من الندم من الصعب التخلص منه لمين كتبت دمعه هذه المقوله؟ دى مشاركة قديمة اوى ياحنين افتكر كان على موقف حصل قدامى لحد بيجرى خلف تفاهات مقابل انه يترك القيمة اكيد هايندم فى النهاية

شكرا حبيبتى على الاسئلة
اتمنى الاجابة تنال رضى الجميع

[دمعه حائره]

اقتباس المشاركة الأصلية كتبت بواسطة شاعرة الرومانسيه مين فى الدنيا يكره دمعه حائره وليه دمعه شعرت بهذا الاحساس ولمين كتبت هذه الكلمات ؟؟ احساس ان حد يكرهنى ده عمرى فى حياتى ماحسيته ولااعرف ايه التصرفات اللى بيعملها الكاره تجاه اللى بيكرهه لكن للاسف على النت عرفته وحسيته ومن حد مكنتش اتخيله ولا لاقيت ليه سبب لحد دلوقتى وده مسببلى حاله من فقدان الثقه فى الناس مش عارفه هايرجع تانى ولالأ لكن عموما بشكر اللى بيكرهنى لان عرفنى احساس مكنتش اعرف قد ايه قاسي وبدعى ربنا فى كل وقت مايدخلش فى قلبى ذرة كراهيه لحد

ربنا يخليكى ياحنون
مافيش حد كل الناس تحبه لازم تلاقى اللى بيكرهه
يمكن انا اللى مكنتش واخدة بالى
انا فاكرة المشاركة دى
كانت قاسية بقسوة احساسى يومها
يوم لما حسيت بكره شخص ليا من غير مااعرف ايه السبب
او يمكن حجم الكراهية كان اكبر من الحدث
لكن عسى ان تكرهوا شئ وهو خير لكم
ومن اليوم ده بدأت اقرر انى ماتعرض للشعور تانى
لانى تعبت ايامها كتير واثر على صحتى
بس ده زمان ياحنون الحمد ايام وعدت
انا حاليا مخدش بالى من الحاجات دى

[دمعه حائره]

اقتباس المشاركة الأصلية كتبت بواسطة شاعرة الرومانسيه مسامحة نفسي على اللى عملته فيها واوعدها انى ولايوم تانى هابكيها كلمات بسيطه ولكن وراءها احساس صعب ياترى دمعه حائره كتبتها ليه ؟؟؟؟

ههههههههه دى بقى كنت بصالح نفسى فى جلسة صلح
كان حاضرها قلبى ومشاعرى
واتفقنا نسامح بعض ونبدأ من جديد ومنعيطش تانى
هههههه

[دمعه حائره]

معلش اصدقائى رديت على الاسئله بس
لان حنين ردت عليكم
بس اكيد منورين الدنيا

[شاعرة الرومانسيه]

اقتباس المشاركة الأصلية كتبت بواسطة دمعه حائره شكرا حبيبتى على الاسئلة اتمنى الاجابة تنال رضى الجميع

طبعا ياقلبى

الله يسعدك ويبارك لكى بزوجك واولادك

كتير حنونه يا منه الله يريح قلبك

[ايمان طلعت]

حبيبتي منه وانتي كمان غاليه عندي من زمان وانتي عارفه
بالرغم ان كلامنا قليل بس الغلاوة والمحبه مش بالكلام الكتير
نورتي السهرة غاليتي
وحنين فكرتك هايله استمري

[فداااااااااااء]

منة من اغلى الناس عندى وهى مقربة جدااا لقلبي
وربي يعلم محبتها عندى
وبنتكلم اه كتير مع بعض ونضحك ونهزر هى انسانة خلوقة وروحها جميلة جداا

ربي يحفظها من كل سوء ويسعدها دوما

حبيبتى منون

سلمتى شاعرة

[Lamees]

منه هي النقاء
نادر جداً انك تلاقي انسانة حلوة كده
عشان كده انا بحمد ربنا اكيد اني عرفتها
ربنا يسعدها ويوفقها في حياتها
وربنا يا منه يبعد عنك اي سوء
دعوة من القلب
ربنا يتقبلها مني
بحبك في الله يا منة


تسلمي حنين الفكرة حلوة زيك يا قمر

[Words Whisper]

I have a little Q


ليه بتكتبي يامنة ؟؟