باريس سان جيرمان يحسـم لقب الدوري الفرنسي قبل 8 جولات من نهايته ..

[سَـلمَى]

توّج فريق باريس سان جيرمان بلقب الدوري الفرنسي في مرحلة مبكرة لم يسبق لها مثيل،
بحيث يمكنه الآن تركيز الاهتمام على الثلاث مسابقات الأخرى، خاصة دوري أبطال أوروبا..

فريق العاصمة الفرنسية، حقق الفوز بنتيجة ساحقة 9-0 على حساب متذيل الترتيب تروا على ملعب أوب ضمن الجولة الـ30 ..
مما ضمن لرجال لوران بلان الفوز بلقب الدوري الفرنسي للموسم الرابع على التوالي بـ77 نقطة كاملة..

نجح فريق العاصمة الفرنسية في تحقيق أكبر انتصار له في الدوري، الذي كان 6-0 النجاح ضد جانجان، بتسجيل ثماني مرات في ستاد أوب، زلاتان ابراهيموفيتش أحرز سوبر هاتريك، إدينسون كافاني أحرز هدفين، في حين كان خافيير باستوري وأدريان رابيوت على موعد مع هدف في أكبر انتصار بالدوري الفرنسي هذا الموسم، في حين ساعد ماتيو سونييه الضيوف بهدف عكسي في مرماه.

سان جيرمان يحسم لقب الدوري بشكل غير مسبوق :

الطريق كان ممهداً تماماً لباريس سان جيرمان في الحصول على البطولة، فقد نجح أصحاب ملعب بارك دي برانس في قيادة الدوري منذ الأسبوع الثاني من الموسم، وحققوا نجاحات غير عادية في مشوار البطولة.

أثرياء باريس تصدروا الترتيب بفارق لا يمكن تعويضه بـ25 نقطة عن موناكو صاحب المركز الثاني، ونجحوا في حسم اللقب في مرحلة مبكرة على نحو غير مسبوق، ومع تبقي ثماني مباريات علة نهاية الموسم.

في حين حقق باريس سان جيرمان سلسلة من 36 مباراة دون هزيمة، تمتد من مارس 2015 حتى فبراير عام 2016، عندما كسر ليون هذه السلسة وألحق بهم الخسارة، وقد ساعد سان جيرمان في حسم لقبه مبكراً، عدم قدرة أقرب منافسيه في اللحاق به، حيث يمتلك موناكو 52 نقطة.

مع التتويج بلقب الدوري، رجال بلان ستكون أمامهم فرصة للتركيز في الدور ربع النهائي من دوري أبطال أوروبا، بعد صعودهم للمرة الأولى بعد ثلاث محاولات فاشلة في عدة سنوات سابقة..




إحم طب الواحد يقول إيه ! دوري ده ولا لعب عيال

باريس قتل متعة كورة القدم وأنهى الموسم بدري وأخد الدوري ..

وأي نهاية ده فاز 9 / 0 يعني كان بيتدرب كمان

والسـَلطان نايم وجنبه كورة الهاترك والحياة فل معاه ههههه

مبـَـروك للنادي الباريسي ..
هيرتاحو دلوقتي ويفضو لدوري الأبطال هع

تــَحياتي : ســَلمى ^-^

[محمود الصاروخ]

وهو ده اللي أنا بكرهه في كرة القدم ان ميكونش فيه متعه للنهايه
معروف عموما ان باريس البطل من قبل بداية الموسم

مليون مبروك كل محبي فريق العاصمه باريس سان جيرمان
ومبروك للبرنس اللي في الصوره تصدر قائمة الهدافين


تسلمي سلمي علي التغطيه والمتابعه الجميله
بالتوفيق لباريس في دوري الابطال

[۩۩ elMagic ۩۩]

ارقام فلكيه لناش دعوه بيها
دا حتى لو كانت من جانب واحد بردوا بيبقى فيه متعه
فريق اجتهد ويستحق اللى وصل إليه
هما مش بيقولوا باين لو عملها باريس هيفتحوا قنوات بين سبورت
ولا بيحمسوا اللاعيبه عشان تخلص بدري بدري

[العاشق الذى لم يتب]

تسلمى سلمى
ونقل الخبر
والتحليل الراقى

[سَـلمَى]

اقتباس المشاركة الأصلية كتبت بواسطة محمود الصاروخ وهو ده اللي أنا بكرهه في كرة القدم ان ميكونش فيه متعه للنهايه معروف عموما ان باريس البطل من قبل بداية الموسم مليون مبروك كل محبي فريق العاصمه باريس سان جيرمان ومبروك للبرنس اللي في الصوره تصدر قائمة الهدافين تسلمي سلمي علي التغطيه والمتابعه الجميله بالتوفيق لباريس في دوري الابطال

هو صحيح مكنش في متعة بين المنافسين لكن باريس لوحده قدم كورة ممتعة
أستحق بيها التتويج باللقب ..

هههههه هو في غيره بيتصدر .. داهية

الله يسلمك ياكابتن ..
تشكر عل المرور والتعليق الحلو
ومنوووور ^^

[سَـلمَى]

اقتباس المشاركة الأصلية كتبت بواسطة الشيخ جرجس ارقام فلكيه لناش دعوه بيها دا حتى لو كانت من جانب واحد بردوا بيبقى فيه متعه فريق اجتهد ويستحق اللى وصل إليه هما مش بيقولوا باين لو عملها باريس هيفتحوا قنوات بين سبورت ولا بيحمسوا اللاعيبه عشان تخلص بدري بدري

أكيد .. لإنه أساسا مفيش حد زيه في الدوري بتاعهم ده ههههه

اه رئيس النادي صاحب قنوات بي إن بورت قال كدا الموسم ال فات
بس برشلونة أبى وقال لا :d
معرفش بقى إذا هيقول نفس الكلام تاني ولا هيخاف ههههه

منوووور ياشيخ جرجس ^^

[سَـلمَى]

اقتباس المشاركة الأصلية كتبت بواسطة العاشق الذى لم يتب تسلمى سلمى ونقل الخبر والتحليل الراقى

الله يسلمك ..
تشكر عل المرور ..
ونــــَورت

[احساسى صحيح]

هههههه على رايك دا تمرين مش دورى
فريق ملوش حل
شكرا ع التقرير

[سَـلمَى]

اقتباس المشاركة الأصلية كتبت بواسطة احساسى صحيح هههههه على رايك دا تمرين مش دورى فريق ملوش حل شكرا ع التقرير

المهم ميطلعش زيي البطة في دوري الأبطال :d

منـــَور .. وتشــَكر عل المرور ^^