هديه عيد الام(تابع مسابقه احلام ضائعه)

[ايمان طلعت]

السلام عليكم ورحمه الله وبركاته



بقالي كتير عماله احوش في الحصاله

النهاردة يوم 21
افتحها كدة اشوف فيها كام وهجيب ايه لماما
فتحت لقيت فيها كتير
اعد لقيتهم الف جنيه
طيب حلوين اجيبلها هديه بقي بــ 700
واظبط نفسي بالباقي

وقفت افكر كدة
مش دي اللي كانت بتقومني من قدام المسلسل عشان اغسل المواعين
لا لا خليهم 600
افكر تاني
مش دي اللي كانت بتصحيني فعز البرد عشان اروح المدرسه
لا لا خليهم بقي 500
افكر كمان
مش دي اللي كل ما اعمل حاجه تفتن عليا لبابا ويديني علقه
لا خليهم 400
طب مش دي اللي كانت بتقومني من علي المنتدي عشان اعمل شاي
خليها 300
طب مش دي اللي كانت بتحرمني من المصروف لما معملش الواجب
يبقي هما 200 كفايه اوي

نزلت الشارع
شوفت بنت عمله ضفيرة جميله وطويله
قولت لنفسي مش دي اللي كانت بتقصلي شعري
خليهم 100
مشيت شويه الاقي بتاع الفراوله
افتكرت لما اخدتها من ايدي عشان للضيوف
طب هما بقي50
شوفت شويه بنات بيلعبوا ويجروا وفرحانين
نزلت دمعتي
مش دي اللي كانت تقولي ممنوع اللعب فالشارع
روحت رجعت البيت ومعايا الالف جنيه
وقطفت وردة من الجنينه

وكل سنه وانتي طيبه يا ماما

وانا داخله الاوضه
تلقيت صاروخ شبشبي موجه ارض جو فدماغي
و قالت
ياما جاب الغراب لامه





معلش بقي يا امي

الله يسامحك امنشاوي

[αЛαstoOorα]

هههههههههه
دا آنتي طلعتي جبروته
حرام عليكي ياشيخه
دي كفاية آنها حملتك ف بطنها تسعة آشهر
هما كانو تسعة ولا تسعة وتسعين؟
صباحو بيضحك بقة هههههه

[شاعرة الرومانسيه]

هههههههههههههههه

انتى فظيعه يامونى

مفيش فايده فينا نحب ناخد بس

لكن لما نفكر نعطى ايدينا ترتعش

ههههههههههه جباره والله

[حـيـــــآة ❤]

بعد ماتلقيتي الشبشب قلتي مش دي اللي ضربتني بالشبشب
طب مفيش ورد
هههههه

[حازم34]

ههههههههههههههههههههه


حلووووووووووووووووووه خالص جميله



كدا لو فضلت تفتكري هتروحي تقولي لها يا ماما هاتي الف جنيه عليكي


هههههههههههههههههههههه



بس حلوووووه خالص فكره جميله


يسلموا وبالتوفيق يارب

[العاشق الذى لم يتب]

هههههههههههههههههههه
بجد
فكرتهاهدية
طلعت هداياكتيرة
منورة امونة

[الأميرة رودي]

عهههههههه قلبك ابيض بئى ياايمى
انتى مخزنه كل ده لمامتك
هاتى الالف جنيه وانا اريحك منهم خالص
خزعبلايه جميله7
بالتوفيق