الخطأ التحكيمي وارد في مباريات الزمالك فقط !

[محمود الصاروخ]

السلام عليكم ورحمة الله وبركاته
--



بعد هزيمة الزمالك من الاسماعيلي منذ قليل بهدف مقابل لاشيء
وكالعاده ستكون هي فضفضه زملكاويه من مشجع لكيان عظيم
ودائما خلفه في الضراء قبل السراء وهذا ما تعلمناه جميعا
في مدرسة الزمالك وبالفعل نحن من نعلم الوفاء في
كرة القدم المصريه بشكل عام

منذ أن اصبح الفارق بين الاهلي والزمالك أكثر من 4 نقاط قلت لبعض
أصدقائي بأن مشوار الزمالك وبهذا الاداء سيكون صعب للغايه وسيحسم
الاهلي لقب الدوري هذا العام قبل نهايته وبالفعل خسر الزمالك اليوم
من الاسماعيلي مما جعل الفارق بينه وبين الاهلي 9 نقاط

دائما عندما أتحدث مع مشجعين الاهلي عن التحكيم بشكل عام يكون هناك
رد بأن الخطأ التحكيمي وارد علي الجميع بما فيهم الاهلي والزمالك ولكن
أنا شخصيا أري عكس هذا الكلام تماما وهذا مايحدث

أن يكون الخطأ التحكيمي في مبارايات الاهلي دائما وابدا لصالحه
ويتم التغاضي عن ضربات جزاء واخطاء علي الاهلي بشكل عام هذا
لا يرضي أحد تماما واتحدث عن مباريات كثيره كادت ان تقلل
الفارق بين الزمالك والاهلي ولكن بطلها كانو الحكام

أن يلعب الزمالك كل هذه المباريات وفي كل مباراة يتغاضي الحكم عن
ضربة جزاء واضحه وصريحه للزمالك هذا لا يرضي أحد تماما
وليس له إلا تفسير واحد فقط

الزمالك ليس هو زمالك الموسم الماضي لكي لا يتهمني أحد بتعليق
بأنني أمجد في الزمالك ولكن كل ما أقصده بأن الزمالك خسر مباريات
منذ إنطلاق بطولة هذا الموسم ولا يستحق الخساره فيها بشكل عام

أن يفوز الاهلي علي أسوان بـ ثلاثيه مقابل هدف وبعد أن عاد أسوان
للمباراه بشكل عام وتعادل يسجل الاهلي الهدف الثاني بعد أن انتهي الوقت
الضائع الذي احتسبه الحكم وسئل الحكم عن هذا الهدف كان رده مستفز
قال " الساعه بتاعتي وقفت " ثم يسجل الاهلي الهدف الثالث وما أعرفه
بأن هذا الهدف كان لابد من الغاءه ويتم سقوط الكره بين لاعبي الاهلي واسوان
نظرا لوجود زجاجه مياه علي خط المرمي وخبطت الكره في الزجاجه وسكنت الشباك

أن يتعادل الاهلي مع المصري وبعد أن سجل الاهلي هدف التعادل تكون هناك
ضربة جزاء للمصري صحيحه مليون في الميه ويتغاضي عنها الحكم وكادت
أن تخرج المباراه بفوز المصري ويقل الفارق بين الاهلي والزمالك هذا لا
يرضي أحد تماما وملوش غير تفسير واحد

نأتي للمهم وهو الاهم !

أن يفوز الاهلي أمس علي اتحاد الشرطه وبعد أن سجل 4 أهداف صحيحه
في الشوط الاول وعاد الشرطه في الشوط الثاني ليسجل 3 أهداف مستحقه وبالفعل
الشرطه كان الافضل ولكن عندما يكون للشرطه ضربة جزاء مستحقه ويتغاضي
عنها الحكم وكادت ان تجعل الشرطه يعود لنقطة التعادل ثم من بعدها الهدف الخامس
للأهلي ان تكون الكره في مرتده للشرطه ويتم عرقلة اللاعب في وسط الملعب وهذا
معناه بان تكون فاول للشرطه وانذار لـ لاعب الاهلي ولكن الحكم يتغاضي عنها
ويكمل الهجمه ويأتي منها هدف خامس للأهلي لكي يقتل طموح اتحاد الشرطه
في العوده للمباراه هذا لا يرضي أحد تماما

أن يلعب الزمالك أمام الاسماعيلي مباراه منذ قليل وهي مباراه تحت عنوان إما
أن يفوز الزمالك ويظل الفارق كما هو أو يخسر الزمالك ويصبح أماله صعبه
للعوده من جديد لمنافسة الاهلي ولكن المباراه لم تلعب كامله نأتي أولا
للشوط الاول وكل دقيقه لاعب من الاسماعيلي يسقط علي الارض
ويضيع وقت ولم يتحدث معه ابراهيم نور الدين ويوقف المباراه
وأن يكون هناك ضربة جزاء صحيحه للزمالك يتغاضي عنها الحكم
والاغرب هو أن ينذر لاعب الزمالك أيمن حفني والأغرب ثم الاغرب
أن يحتسب الحكم وقت ضائع للشوط الاول 3 دقائق ومنذ بداية الوقت
الضائع للشوط الاول يأتي حارس الاسماعيلي ليسقط وبعد أن قام
أنهي الحكم الشوط الاول أذا أين هذا الوقت الذي ضاع في الشوط الاول ؟؟؟

نأتي للشوط الثاني وسيناريو متكرر من الاسماعيلي بالسقوط وإفساد هجمات
الزمالك بالسقوط أو الافساد عن طريق الحكم باحتساب فاولات للإسماعيلي غير
مستحقه لإفساد هجمات الزمالك هذا مالا يرضي احد تماما !

الاهلي أصبح الاقرب بقوه للفوز بالدوري ولكن أين حق الزمالك في هذا
الدوري الغريب والعجيب ؟؟ لماذا يتم مجاملة الاهلي هذا الموسم ؟؟

لا أطالب أن يتم مجاملة الزمالك ولكن أطالب بالحياد في كل مباراة
الزمالك خسر من الاسماعيلي اليوم وصعب مشواره علي نفسه
ولكن حتما سيعود الزمالك في أقرب وقت مع مدرب مميز

غير راضي عن أداء الزمالك ولكن إعطيني حقي والحق مايزعلش
وفوق صورة ابراهيم نور الدين اللي الاهلاويه بيقولو عليه زملكاوي
وكما قلت من قبل في موضوع عن نور الدين
الحدق يفهم !



تحياتي للجميع محمود الصاروخ

[اشرف 2006]

ياعم محمود

الزمالك الكيان صاحب المبادئ كيف يقبل ان يكون رئيسه بلطجى ؟؟؟

انا عن نفسى وزملكاويه كتير اعرفهم عايزين الزمالك يخسر كل مباراه

من اجل الاطاحه بهذا الشخص السليط اللسان المفتقد لكل وسائل الاحترام

شوف رئيس النادى الاهلى هتلاقيه شخص محترم موزون بيحل مشاكل النادى

فى هدوء مش ماسك سيديهات على اللعيبه والاعضاء والجماهير والحكام والبلد كلها

ههههههههههههههههه .. لازم تعترف ان نقطه ضعف الزمالك دائما فى عدم وجود الادارة

المحترمه اللى تعمل كيان للنادى مش مشكله حكام ولعيبه .الاسماعيلى اليوم كان احسن

ويستحق الفوز

ماتزعلش من اخوك الزملكاوي بس حقانى

تحياتى

[محمود الصاروخ]

اقتباس المشاركة الأصلية كتبت بواسطة اشرف 2006 ياعم محمود الزمالك الكيان صاحب المبادئ كيف يقبل ان يكون رئيسه بلطجى ؟؟؟ انا عن نفسى وزملكاويه كتير اعرفهم عايزين الزمالك يخسر كل مباراه من اجل الاطاحه بهذا الشخص السليط اللسان المفتقد لكل وسائل الاحترام شوف رئيس النادى الاهلى هتلاقيه شخص محترم موزون بيحل مشاكل النادى فى هدوء مش ماسك سيديهات على اللعيبه والاعضاء والجماهير والحكام والبلد كلها ههههههههههههههههه .. لازم تعترف ان نقطه ضعف الزمالك دائما فى عدم وجود الادارة المحترمه اللى تعمل كيان للنادى مش مشكله حكام ولعيبه .الاسماعيلى اليوم كان احسن ويستحق الفوز ماتزعلش من اخوك الزملكاوي بس حقانى تحياتى

شوف ياغالي انا عموما " كان " نفسي يكون كمال درويش في المنصب ده
ولكن الزمالك في الوقت الحالي يحتاج شخصيه كـ شخصية مرتضي منصور
نظرا لأن الزمالك طوال السنين الماضيه رؤسائه كانو كيوت بما تحمل
الكلمه من معني وبالتأكيد انت تعلم جيدا ما يفعله الاعلام الاحمر
مع الزمالك وبالتالي الزمالك يحتاج مرتضي لإيقاف كل هذا

جزء الزمالك " الاعلامي " يحتاج شخصيه مثل مرتضي منصور
لكي يوقف الاعلام الرياضي عند حده الذي تطاول علي الزمالك
طوال السنين الماضيه ويساند الاهلي دائما وابدا

انا شخصيا أكره مرتضي منصور زيك تماما ولكن أنظر له
كـ مرتضي رئيس الزمالك واسانده حبا في الكيان ودائما نساند
كل من هو داخل نادي الزمالك أيا كانت شخصيته ياغالي

لا تجعل طيبتك تدفعك بانك تعجب بـ المنافس ورئيسه هل تتذكر
المنافس في نهاية الموسم الماضي عندما تعالت أصواتهم علي بعضهم البعض ؟؟
أين كان رئيس النادي وقتها ؟؟
الرياضه في مصر لا تحتاج الطيبه يااشرف

بخصوص مباراة اليوم للزمالك بأي منطق بتقول الاسماعيلي كان أحسن ؟؟
بالفعل الاسماعيلي كان احسن بس مش في الكوره بشكل عام الاسماعيلي نجح
إنه يضيع وقت كما شاء وتغاضي ابراهيم نور الدين عن كل هذا لك أن تتخيل
أشرف أن المباراه وقفت من الدقيقه 60 لـ الدقيقه 64 ولم يفعل الحكم شيئا ؟؟
لماذا لم يتحسب الحكم ضربة جزاء صحيحه للزمالك ؟؟؟
لماذا يوقف الحكم الزمالك في كل هجمه بفاول وهمي للإسماعيلي ؟؟؟

أرجو النظر للمباراه بمنطق الحياد اشرف وهتلاقي كلامي صح
اتفرج علي المباراه تاني ولو فيه حاجه ف كلامي غلط انا معاك

منورني دايما ياغالي بردود مميزه

[سَـلمَى]

الأسماعيلي كاان أحسن
الأسماعيلي كان منتشر كويس وماسك الكورة كويس
الأسماعيلي إستحق الفوز

الزمالك أداءه كان ضعيف
التشكيلة كان فيها غلط
شيكابلا مكنش كويس
الحكم عمل أخطاء لمصلحة الزمالك هو مستغلهاش

الأهلي مابيكسبش بالحكام
الأهلي بيلعب ويأدي وبيتعب وبيقاتل
الشرطة ما أبدعش زيي ما قلت
الشرطة أشتغلت إستهتار اللعيبة ولاعب واحد كان بيشكل خطر
الدليل إن الأهلي لما رجع وركز رجع سيطر وأنهى المبارة بفوز وبجدارة

إنتــَهي ..

مبرووووووك للدراويش وهارد لك للزمالك

يامحاسن الصدف صفحة الأهلي بقت 9 مليون
والفارق بقى 9 نقاااط

بإذن الله الدوري أهلااوي

[محمود الصاروخ]

اقتباس المشاركة الأصلية كتبت بواسطة سَـلمَى الأسماعيلي كاان أحسن الأسماعيلي كان منتشر كويس وماسك الكورة كويس الأسماعيلي إستحق الفوز الزمالك أداءه كان ضعيف التشكيلة كان فيها غلط شيكابلا مكنش كويس الحكم عمل أخطاء لمصلحة الزمالك هو مستغلهاش الأهلي مابيكسبش بالحكام الأهلي بيلعب ويأدي وبيتعب وبيقاتل الشرطة ما أبدعش زيي ما قلت الشرطة أشتغلت إستهتار اللعيبة ولاعب واحد كان بيشكل خطر الدليل إن الأهلي لما رجع وركز رجع سيطر وأنهى المبارة بفوز وبجدارة إنتــَهي .. مبرووووووك للدراويش وهارد لك للزمالك يامحاسن الصدف صفحة الأهلي بقت 9 مليون والفارق بقى 9 نقاااط بإذن الله الدوري أهلااوي

كلام غير منطقي بالمره ويدل علي أنك كنتي تشاهدي مباراه أخري
غير مباراة الزمالك والاسماعيلي وبأي منطق الاسماعيلي كان افضل
والاسماعيلي كان أحسن ولو حسبنا هجمات الزمالك والاسماعيلي
مين هيتفوق ؟؟ لاعبي الاسماعيلي نجحو بالفعل بإفساد هجمات
الزمالك بالسقوط علي ارضية الميدان بمساعدة ابراهيم نور الدين !

الشرطه ما أبدعتش ؟؟ أومال لو كانو ابدعو كانو جابو كام جول ؟
بقولك ياسلمي بداية هدف رمضان صبحي من وسط الملعب بقانون
الكوره المفروض يتحسب ايه ؟؟ بما انك فاهمه كوره ؟؟

بمناسبة أخر كلمتين لا تعليق لسبب ..
متعودتش أدخل في كلام بيمشي علي الفيس كوبي وبست !

المهم انك سبتي الموضوع كامل وقولتيلي الاهلي مابيكسبش بالحكام فقط لاغير
طيب رايك في المباريات اللي انا ذكرتها ؟؟

[واد حبيب]

يا محمود الزمالك فريق كبير ومش كل متش يتغلب يقول التحكيم
لو هتقول التحكيم كان المفروض ايمن حفني وطارق حامد ياخدو طرد
انا شوفت المباره كامله الزمالك كان افضل طول المباره
بس معندوش المهاجم اللي يخلص
الاسماعيلي راح بكوره واحده وغلطه من كوفي وطلبه جابو الجون

[اشرف 2006]

اقتباس المشاركة الأصلية كتبت بواسطة محمود الصاروخ شوف ياغالي انا عموما " كان " نفسي يكون كمال درويش في المنصب ده ولكن الزمالك في الوقت الحالي يحتاج شخصيه كـ شخصية مرتضي منصور نظرا لأن الزمالك طوال السنين الماضيه رؤسائه كانو كيوت بما تحمل الكلمه من معني وبالتأكيد انت تعلم جيدا ما يفعله الاعلام الاحمر مع الزمالك وبالتالي الزمالك يحتاج مرتضي لإيقاف كل هذا جزء الزمالك " الاعلامي " يحتاج شخصيه مثل مرتضي منصور لكي يوقف الاعلام الرياضي عند حده الذي تطاول علي الزمالك طوال السنين الماضيه ويساند الاهلي دائما وابدا انا شخصيا أكره مرتضي منصور زيك تماما ولكن أنظر له كـ مرتضي رئيس الزمالك واسانده حبا في الكيان ودائما نساند كل من هو داخل نادي الزمالك أيا كانت شخصيته ياغالي لا تجعل طيبتك تدفعك بانك تعجب بـ المنافس ورئيسه هل تتذكر المنافس في نهاية الموسم الماضي عندما تعالت أصواتهم علي بعضهم البعض ؟؟ أين كان رئيس النادي وقتها ؟؟ الرياضه في مصر لا تحتاج الطيبه يااشرف بخصوص مباراة اليوم للزمالك بأي منطق بتقول الاسماعيلي كان أحسن ؟؟ بالفعل الاسماعيلي كان احسن بس مش في الكوره بشكل عام الاسماعيلي نجح إنه يضيع وقت كما شاء وتغاضي ابراهيم نور الدين عن كل هذا لك أن تتخيل أشرف أن المباراه وقفت من الدقيقه 60 لـ الدقيقه 64 ولم يفعل الحكم شيئا ؟؟ لماذا لم يتحسب الحكم ضربة جزاء صحيحه للزمالك ؟؟؟ لماذا يوقف الحكم الزمالك في كل هجمه بفاول وهمي للإسماعيلي ؟؟؟ أرجو النظر للمباراه بمنطق الحياد اشرف وهتلاقي كلامي صح اتفرج علي المباراه تاني ولو فيه حاجه ف كلامي غلط انا معاك منورني دايما ياغالي بردود مميزه

اكيد يامحمود ياحبيبى كلامك غلط واليك الاسباب

1-اعجابى بشخصيه رئيس النادى الاهلى وفكره الادارى ده شئ ايجابى لان الراجل حقيقه محترم وحتى لما مرتضى هاجمه على كل الفضائيات الراجل بكل أدب رفض الدخول فى مهاترات ولم يرد عليه .. مش عايزين نطمس الحق يامحمود وبعدين نقول هو الظلم انتشر ليه !!!
2-من اكبر خيبات هذا الزمان ان ننتظر النجاح والفلاح على ايدى الفسده والظلمه والبلطجيه .لاعبى الزمالك يامحمود عايزين ادارى محترم يعطى الحقوق وينتظر الواجبات من اللاعبين مش يفضل لاعب على لاعب علشان دمه خفيف او ماشابه ذلك وطول عمر الزمالك كده على فكره ولو تفتكر كان فاروق جعفر وحسن شحاته حاجه وباقى اللاعبين حاجه تانيه مش بتكلم فى اختلاف التقدير المالى لاء طبعا لأنهم يستحقون هذا انا بتكلم ان واحد زى فاروق جعفر كل طلباته مجابه وواحد زى المحترم على خليل كان بيتسول مرتبه من النادى كل شهر .
3-نيجى بقا للكلام الفنى ياعم محمود وبكل حياديه لازم نسال أنفسنا هو الحكم منع الزمالك ان ينفذ هجمات تكتكيه منظمه ؟؟ هو الحكم منع الزمالك ان يلعب عن طريق الأجناب والتمريرات العرضيه اللى بيجى منها الان معظم الأهداف ؟؟ هو الزمالك جاب أهداف والحكم لغاها ؟؟ طب ليه الحكم ده مخافش من مرتضى منصور ؟؟ يامحمود ياحبيبى زمان كانوا بيسالوا بيليه ليه دفاعكم ضعيف والحكام مترصده ليكم ؟؟ بيليه ماقالش ساعتها أصل احنا محتاجين واحد زى مرتضى منصور هههههههه الراجل رد بكل بساطه وقال وأين المشكله ونحن نملك خط هجوم على اعلى مستوى فإذا دخل فى مرمانا هدف قام هجومنا بدك شباك الخصم ب 4اهداف .

هو ده اللى احنا عايزينه للزمالك ولكل مؤسسه عايزه تنجح فى هذا البلد يامحمود (أعطوا الحقوق لاصحابها وابتعدوا عن المجاملات والفساد )هتلاقوا الدنيا زى الفل

صباحك زى العسل

[Arco Baleno]

داخله اتفرج في النقاشات
حقيقي مش بعرف اناقش شي مش شفته
بس اسلوبك حلو كثير في الكتابه
موفق محمود كثييييييير

[۩۩ elMagic ۩۩]

هو اى حاجه نجيبها ف التحكيم
عمتا انا مشوفتش المباراة
فا مش هاقدر اقول إذ فعلا النتيجة مستحقه ولا لاء
ولكن انا بقتنع بكلام سلمي
وواضح ان الزمالك كان مقصر في الاداء
الجيات كتير بقى والدورى لسه بدري عليه

[طبيب الهوى]

شوف يا محمود

قبل أن أتحدث عن ضربة الجزاء التي تتحدث عنها

فريق الزمالك قدم أسوأ مباراة له هذا الموسم

أمام فريق الإسماعيلي الضعيف جداً

أما ضربة الجزاء فهي غير صحيحة

وقد شاهدتها أكثر من مرة ومن اكثر من زاوية

ضربة جزاء غير صحيحة وأيمن حفني يستحق الإنذار

شجع فريقك كما يحلو لك ودافع عنه

أما الأهلي يفوز بالتحكيم هذه الجملة أسمعها منذ بدأت أتابع الكرة

الأهلي يفوز لأنه الأحق والأجدر حتى إن كان مستواه هابطاً

لأنه يمتلك إدارة قوية تعلم ما لها وما عليها

الزمالك يخسر رغم أنه يمتلك أمهر اللاعبين

لأن إدارته تتدخل في كل شيء منذ اواخر الثمانيات

نصيحة يا بني

لا تعلق خيبة فريقك السيء على شماعة التحكيم

تحياتي وودي وورودي

أبو عصام