ضرب الاب لزوجة ابنه

[واد حبيب]

	السلام عليكم ورحمه الله وبركاته موضوع النهارده مهم جداا طبعا معانا بنات كتير هنا مجوزه وفي بنات مخطوبه وفي بنات قريب هتنخطب ان شاء الله الموضوع باختصار كل بنت بتجوز بيكون المسئول عنها الاول والاخير جوزها حتي لو عملت غلط مفيش حد يحسبها الا جوزها لزم قبل شي يكون عند جوزها شخصيه قوبه علشان يقدر يحسبها لما تعمل غلط كل بنت بتجوز بيكون لها حما او ابو زوجها في شباب كتير مش بيكون عندهم شخصيه قويه وابوه متحكم فيه وفي زوجته وهوه المسئول عن كل شي لكن لما توصل ان ابوك يضرب زوجتك في غيابك وانت مش قادر تعمل شي ولا قادر تحمي مراتك ولا حتي قادر تكلم مع ابوك سؤالي لشباب والبنات لو ولدك ضرب زوجتك هتعمل ايه سوال للبنات لو والد زوجك ضربك وجوزك مش عارف يجبلك حقك هتعملي ايه تقبلو تحياتي

[توحد ارواح]

وعليكم السلام ورحمة الله

السؤال محير
يعنى للوهله الاولى نقول تسيب البيت طالما زوجها مش قادر يحميها
بس السؤال له شقين
اولا ابو الزوج ليس له الحق ف ضربها
ثانيا ليه اصلا تجيب لنفسها الضرب
يعنى ممكن نقول انها تحاول تحسن من معاملتها له
واكيد كل حاجة بتيجى بالحسنى
يعنى مش معقول هيضربها من غير سبب
حتى لو هو عصبى شويه تحاول تمتص غضبه
وشويه شويه بالمعامله بتاعتها تتصلح الامور ده حل

حل تانى
انه طالما زوجها ضعيف الشخصيه يبقى يستقلوا بحياتهم بعيدا عنه
تسلم ع موضوعك القيم

[همس الحنين]

ضعف الشخصيه مهما كانت سلبيه

صعب الحمى يمد ايده على زوجة ابنه النفترض انها بمثابة بنته

وهو مش هيرضى ان بنته يحصل فيها كده

حتى لو زوجة الابن مخطئه فلها زوج يشكى له والزوج صاحب التصرف

بس لو حصل يبقى الافضل الزوج يتدخل ولو بالمراضاه مش يخانق والده او يهاجمه
بالرفق واللين فى التعامل

اى شئ حله النقاش والتفاهم عشان المشاكل متزدش

تسلم ابو اياد

مشاركاتك كلها مهمه

[αЛαstoOorα]

مهو علي آساس آيه طيب الموضوع؟
مهو ممكن تكون عملت حاجة عدت كل الحواجز بيها
وعدت كل الخطوط الحمرا ..اللي بيها عمر ما والدك
هيشوف الحاجة دي ويقبلها ف غيابك ولا يعملك انت
كمان حساب ؟؟؟ ويقوم ضاربها؟
اما اذا كا مشاكل عادية وخلافات عائلية طبيعيه
آكيد لو آنا ليا كلمة مسموعة ف بيتي وشخصيتي
قوية علي مراتي؟ مش علي ابويا وامي ؟
الكل هيحترم دا بما فيهم مراتي وابويا
والموضوع مش هيوصل للمهزلة دي اساساً
لآن من الطبيعي هتكون عارفة اسلوبهم ودماغهم
وبتحاول تراضيهم معظم الوقت عشان دول مخلفين اللى بقة راجل ليها ^^
وف نفس الوقت ناس كبيرة ولازم يبقة فيه
حتة الآحترام والتعامل بحرص معاهم وآي حاجة تتقال
تتحسب قبل ما تتقال ليهم ..؟
ومش معني اني بقول شخصيتي قوية على مراتي مش علي ابويا وامي
يبقة ماشي مبدء راجل علي مراتي وبس؟
المعني مش كدا نهائي
بس انا بقول لو هي ذات نفسها حست ان فيه معاها راجل شخصيته
قوية ف معظم الآمور ..هتلم الدور اتوماتيك ولو هي مش غلطانة
هتقول لجوزها وجوزها يفهم آهله بالراحه عشان لو عطولو وعطولها
لمؤخذة يعني ميت جزمة ..محدش يقدر يرفع عينه فيهم ^^
المفروض ان الراجل بيبقة راجل لمراته؟ مش علي مراته؟
ونفس المقولة لآهله مش علي آهله؟
اما لو قصتك دي سببها انها مش غلطانة؟ ودا بالتآكيد مش صح
آكيد ردت عملت حاجة آستفزت آبوه
بس لو هي مش غلطانة ..وهو معندهوش شخصية .ودماغ اهله كدا
يشيل اهله فوق دماغه برضه ..ولو عايش ف نفس البيت معاهم
يشوف مكان بره ..وشيل دا من دا ..يا اما لو مش شيفاه مش راجل
تطلب الطلاق وتريحنا ههههه

[Lamees]

لا لا مفيش اي سبب يستدعي ان والد الزوج يرفع ايده على زوجة ابنه
معلش هي في حماه لو جوزها غايب يعني يحميها مش يضربها
الواحدة مش بتقبل ده من زوجها هتقبله كمان من والده
بصراحة كده كتير ومهما كانت غلطانة لو ليها اب ممكن نرجع الأمر ليه
وهو يتصرف مع بنته وقتها لو ضربها ده حقه لانه والدها ولو والدها مش موجود نشوف ولي امرها المهم
اي تصرف تاني نعمله بحيث نفهمها ونقنعها انها غلطت ونشوف رد فعلها
ونستنى منها انها تصحح غلطها ده
لكن مش بالضرب ابداً الضرب ده اهانة كبيرة للمرأة
دي انسانة عندها عقل يعني هتفهم لو اتكلمنا معاها
مش لمؤاخذة لازم تضرب عشان تفهم

[Fatma eissa]

دي تعتبر اهانه
كبيره
إذا كانت الزوجه لو زوجها ضربها
بتسبله البيت
حفاظا علي كرامتها
ايش حال بقي حماها
ده كدا كلمتها اتبعترت
وممكن يعملها تاني وتالت
لو محدش صد
وهو عشان الكل في الكل
يهينها
وبعدين الزوجه من لأول الغلطانه
ليه
عشان وافقة انها ترتبط بشخص
عديم الشخصيه
مش قادر يحسسها بأمان
ولا قادر ياخد حقها الميدور
وبعدين لابن ليه محدش في باله
ان ممكن بنته يحصلها كدا
وبعدين الي اعرفه
كرامة الزوجه من كرامة ابنه
وده بقي نتيجه عيش الزوجه
في بيت لأهل
وهنا بقي يفترقو بمعروف
الان بعد الي حصل
مفيش مجال انها تكمل معاه
طرح قيم ومميز
تسلم ايدك

[واد حبيب]

اقتباس المشاركة الأصلية كتبت بواسطة توحد ارواح وعليكم السلام ورحمة الله السؤال محير يعنى للوهله الاولى نقول تسيب البيت طالما زوجها مش قادر يحميها بس السؤال له شقين اولا ابو الزوج ليس له الحق ف ضربها ثانيا ليه اصلا تجيب لنفسها الضرب يعنى ممكن نقول انها تحاول تحسن من معاملتها له واكيد كل حاجة بتيجى بالحسنى يعنى مش معقول هيضربها من غير سبب حتى لو هو عصبى شويه تحاول تمتص غضبه وشويه شويه بالمعامله بتاعتها تتصلح الامور ده حل حل تانى انه طالما زوجها ضعيف الشخصيه يبقى يستقلوا بحياتهم بعيدا عنه تسلم ع موضوعك القيم

سواء بسبب او من غير سبب ليس له الحق ان يضربها وجوزها موجود
الشخصيه القويه اللي يحمي مراتو وبحمي اهلو معا
نورتي يا توجد

[ندوشه 2011]

ويضربها عشان ايه ولو غلطانه جوزها يعاتبها ومعلش في البيوت بيحصل كتير وان عاش النهارده مش هيعيش بكره .وياخد مراته ويشوف سكن بره ولوممعهوش يسكن عند حماته ربنا يهدي

[BaAnoOta]

بص هو طبعآآ شئ مرفوض مهمآآ تعددت آلاسباب ،،
لآن آلمعامله لآزم تبقي ب آلحسنه مش بآلضرب وآلاهانه
وآنا مش من مؤيدين آلضرب حته لو كآن آلزوج ،
ولو عمـلت آآي غلط ممكن معآلجته بطريقه تآنيه يكون فيهآ نوع من الادميه شويهه
مش بآلضرب وآلاساليب آلهمجيه دي ..
آسال ربنا يهدينآ ويرشدنا للصوآب
نقآآش ممتآز ، ودىىىى

[ندوشه 2011]

اقتباس المشاركة الأصلية كتبت بواسطة baanoota بص هو طبعآآ شئ مرفوض مهمآآ تعددت آلاسباب ،، لآن آلمعامله لآزم تبقي ب آلحسنه مش بآلضرب وآلاهانه وآنا مش من مؤيدين آلضرب حته لو كآن آلزوج ، ولو عمـلت آآي غلط ممكن معآلجته بطريقه تآنيه يكون فيهآ نوع من الادميه شويهه مش بآلضرب وآلاساليب آلهمجيه دي .. آسال ربنا يهدينآ ويرشدنا للصوآب نقآآش ممتآز ، ودىىىى

بارك الله فيكي يا أختاه ههههههههههههههه