جرائم امناء الشرطه

[واد حبيب]

السلام عليكم ورحمه الله وبركاته موضوع النقاش النهارده ممكن يكون اهم عندي وعند الجميع من اي موضوع اخر موضوع زاد اوي عن حده ولزم يكون في وقفه من حديد بدل ما الدور يجي علي حد فينا ونلقي نفسنا مرميين في الشوارع ميتين موضوع امناء الشرطه اللي زاد عن حده وعملين يقتلو في خلق الله سواء بسبب او من غير سبب لدرجه دي دمنا عندهم رخيص ان واحد امين شرطه ملهوش اي تلاتين لزمه يقتل في الناس النهارده امين شرطه قتل واحد واصاب اتنين وقبل كده شاب الدرب الاحمر وقبل كده دكتور صيدلي مين المسئول عن الناس دي اللي عماله تقتل فينا هل كل جهاز الشرطه وحشين علشان قله من الناس المجرمه دي وايه الحل اللي ممكن يحصل علشان يبطلو في قتل الناس مش كل امين معاه خلاف مع واحد يطلع سلاحه ويقتله ولا علشان مفيش احكام ليكم زي الناس يقتلو فينا ارجو النقاش بهدوء تقبلو تحياتي

[Lamees]

امناء الشرطة بحس انهم ناس معقدة
عندهم نقص عشان كده بيحاولوا يعوضوا
النقص ده عن طريق الشدة والفتك بالشعب
عشان يحسوا يقيمتهم
اللي يزعل حقيقي ان مفيش رادع ليهم
ومش فاهمة ليه بيحموهم
لان المواطن مبقاش ليه اي لازمة عند الدولة
بجد حاجة بقت تنرفز

[همس الحنين]

مش بيقولك يافرعون ايه فرعنك

اهم دول طبقوا المثل ده

امين شرطه مع احترامى للشرفاء منهم

شخص بعتبرهه معقد لانه دايما حاسس انه اققل من الظابط

كمان عاوزهم يعملوا ايه وهما خط احمر ممنع اللمس والتصوير

ليهم الحق فى اختراق اى قانون
اى حاجز امنى

ليهم الحق فى ارهاب الناس عادى

لانهم حصانه

زى بتوع مجلس الشعب كده

اضرب احرق مش مهم قال بيحافظ على الامن

وهما اساس اختراق الامن

فاين المحاسبه هنا

تسلم على نقاشك

[واد حبيب]

اقتباس المشاركة الأصلية كتبت بواسطة lamees امناء الشرطة بحس انهم ناس معقدة عندهم نقص عشان كده بيحاولوا يعوضوا النقص ده عن طريق الشدة والفتك بالشعب عشان يحسوا يقيمتهم اللي يزعل حقيقي ان مفيش رادع ليهم ومش فاهمة ليه بيحموهم لان المواطن مبقاش ليه اي لازمة عند الدولة بجد حاجة بقت تنرفز

هوخ الشعب اللي عمل لهم قيمه في الاول
امين الشرطه ملوش اي لزمه اصلا
وبعد اللي بيحصل ده هيخافو يمشو في الشارع
لزم يكون في وقفه من الشعب ضدهم
نورتي يا ام احمد

[انجي_1]

مينفعش يقتلو الناس كده بصراحة
مش عشان هم رجال قانون يقومو يستعملو سلطتهم في البلطجة على خلق الله
لو مواطن يا سيدي غلط ما في الدولة قانون يعاقبه ولا ايه ؟
حتى لو غلط في حق الشرطة زات نفسها
ممكن نحاكمه ونتابعه بتهمة اهانة موظف مثلا زي عندنا
بس مواطن يشتم مثلا او يضرب امين شرطة يقوم يقتله ؟ اهو ده بقا الظلم بعينه
هنا في المغرب لو مواطن تطاول على شرطي او اي حد في الحكومة بما انهم سلطة عليا بيتحاكم او يتابع المواطن ده بتهمة اهانة موظف اثناء مزاولته عمله ويحبس عشان يكون عبرة للمواطنين الثانيين ويحترموا رجال الشرطة والقانون
بس انا مثلا اشتم او اضرب امين شرطة يقوم رافع عليا السلاح ؟ هنا بقا لازم الامين الشرطة ده يتابع ويتحقق معاه
اصل الدنيا مش سايبة
والسلام
بص يامحمد هحكي لك موقف شافته اختي من شهر كده وجات حكتهولي
في الشارع شافت بنت وصحبتها بيشتمو في شرطي وشتايم مش تقدر تسمعها اصلا عشان خادشة للحياء
اختي بتقول الشرطي ده فضل بيقول لها روحي لحالك احسن لك يلا
مرة و 2 و 3 وهو بيكلمهم بادب وبيقول لهم يا بنتي منك ليها يلا من هنا
قالت لي اختي والله الراجل مقلش اي كلمة وحشة ليهم
في الاخر لما مش رضيو يمشوا وفضلو بيشتموه وبيشتمو الشرطة قام مكلم في الفون مع المركز وقال لهم يبعتو له سيارة شرطة يعني عشان يعتقلهم
وفعلا جم الشرطة من المركز واعتقلو البنات دي وتمت متابعتهم بتهمة اهانة موظف
بس
لكن الشرطي ده ملوش الحق هنا مثلا يرفع عليهم السلاح ويموتهم
الشرطة هي الامان مش بلطجية

[حازم34]

اهلين اهلين اهلين اخي الحبيب


منور قسم النقاس

اولا عذائي للرجل الذي جاء الي مكان في مدينه من المدن لكي يطعم اولاده

بعمل شاي للناس ياكل من كد يده

مش زي الحراميه ال هما امناء الشرطه اقل راتب

4000جنيه

اقول ايه والله لو جلست اكتب شهر ما كفيت ووفيت حق ها الرجل

علي شعب نائم وسوف ينتهي وان لم يكن قد انتهي فعلا

شعوب مغلوب علي امرها لاتملك فقط الا ملئ البطون

باي طريق كان

اين شباب الدوله

اين مثقفي الدوله

اين اين

ايقتل البرئ هذا وعنده من الاولاد ما عنده

صدق الرئيس حينما قال في التسريب

المخذي حقيقه

حينما يقتل الظابط احمد ولا غيره هيتحاكم لا والله

هيا دي بلد الفوضي

هيا دي بلد مش هقول

لاني حقيقي طفح الكيل

اقسم بالله والله يشهد ان حكم الصهاينه اعدل واكرم

علي شعوبها من هؤلاء

باي ذنب قتل ها الرجل

نفسي اعرف

وحمل من مكانه وكان شئ لم يكن

اسال الله ان يرينا انتقامه من الشرطه الظالمين منهم

والساكتين علي الظلم

اعلي منصب في الشرطه يقبض من دم الشعب ليكون موظف عند الشعب

يا خساره يا خساره

ال امين ال

كلاب نبحوا وينبحون

وقتلوا ولا يحاكمون

لهم الحق طالما سيدهم راض

وهو كلب عقور


لك مني التحيه

والله غالب علي امره

ولكن اكثر الناس لايعلمون

[Fatma eissa]

عارف ايه الي يقويهم كدا
لأن مفيش عقاب رادع
تلاقي سعات
زملائه وغير الضباط
واقفين جنبه وغير طبعا المبررات
واكتر من كدا
حكم المحكمة
سعات الحكم مش قد كدا
ف يطلع علي شغله عادي ولا أكن حاجه حصلت
فيقوي اكتر واكتر ومفيش اي تغير
وسعات تنيه تلاقي الناس خيفه
الفدية ويتنازلو عن حقهم
فيبقى سعتها محدش هيعرف يوفقهم
ولا يقفو قدامهم
تسلم علي طرحك القيم والمهم

[أميرة محمود]

نقاش جيد سلمت
من آمن العقوبة أساء الأدب
ال يخاف من العقوبة هيمشي عدل
لكن ال حاسس انه في امان من العقوبة
خلاص بقا يسيء الآدب
وال بيحصل دا قلة أدب عشان مفيش عقوبة قوية

[واد حبيب]

اقتباس المشاركة الأصلية كتبت بواسطة ღهمس الحنينღ مش بيقولك يافرعون ايه فرعنك اهم دول طبقوا المثل ده امين شرطه مع احترامى للشرفاء منهم شخص بعتبرهه معقد لانه دايما حاسس انه اققل من الظابط كمان عاوزهم يعملوا ايه وهما خط احمر ممنع اللمس والتصوير ليهم الحق فى اختراق اى قانون اى حاجز امنى ليهم الحق فى ارهاب الناس عادى لانهم حصانه زى بتوع مجلس الشعب كده اضرب احرق مش مهم قال بيحافظ على الامن وهما اساس اختراق الامن فاين المحاسبه هنا تسلم على نقاشك

فعلا معاكي حق
مفيش حد فيهم بياخد العقاب اامناسب
غير انه الناس عمللهم اعتبار
تسلمي يا اختي علي المرور

[واد حبيب]

اقتباس المشاركة الأصلية كتبت بواسطة انجي_1 مينفعش يقتلو الناس كده بصراحة مش عشان هم رجال قانون يقومو يستعملو سلطتهم في البلطجة على خلق الله لو مواطن يا سيدي غلط ما في الدولة قانون يعاقبه ولا ايه ؟ حتى لو غلط في حق الشرطة زات نفسها ممكن نحاكمه ونتابعه بتهمة اهانة موظف مثلا زي عندنا بس مواطن يشتم مثلا او يضرب امين شرطة يقوم يقتله ؟ اهو ده بقا الظلم بعينه هنا في المغرب لو مواطن تطاول على شرطي او اي حد في الحكومة بما انهم سلطة عليا بيتحاكم او يتابع المواطن ده بتهمة اهانة موظف اثناء مزاولته عمله ويحبس عشان يكون عبرة للمواطنين الثانيين ويحترموا رجال الشرطة والقانون بس انا مثلا اشتم او اضرب امين شرطة يقوم رافع عليا السلاح ؟ هنا بقا لازم الامين الشرطة ده يتابع ويتحقق معاه اصل الدنيا مش سايبة والسلام بص يامحمد هحكي لك موقف شافته اختي من شهر كده وجات حكتهولي في الشارع شافت بنت وصحبتها بيشتمو في شرطي وشتايم مش تقدر تسمعها اصلا عشان خادشة للحياء اختي بتقول الشرطي ده فضل بيقول لها روحي لحالك احسن لك يلا مرة و 2 و 3 وهو بيكلمهم بادب وبيقول لهم يا بنتي منك ليها يلا من هنا قالت لي اختي والله الراجل مقلش اي كلمة وحشة ليهم في الاخر لما مش رضيو يمشوا وفضلو بيشتموه وبيشتمو الشرطة قام مكلم في الفون مع المركز وقال لهم يبعتو له سيارة شرطة يعني عشان يعتقلهم وفعلا جم الشرطة من المركز واعتقلو البنات دي وتمت متابعتهم بتهمة اهانة موظف بس لكن الشرطي ده ملوش الحق هنا مثلا يرفع عليهم السلاح ويموتهم الشرطة هي الامان مش بلطجية

الشرطه كان زمان الامن والامان
دلوقتي القتل والاجرام
ربنا يهدي الجميع
نورتي يا انجي بردك المتميز