🎶 نبضات نافره 🎶

[ويبقى الأثر]

قلوبنا مليئه برسائل لم تكتب بعد !

[ويبقى الأثر]

أنا بحترم الناس الحنينة جدا،
الحنينين في كل حاجة، في صداقتهم، في حبهم، في خلافهم،
حتى في عداوتهم حنينين وبيراعو ربنا
، الشخص الحنين مستحيل يأذيك لإن هو تركيبته كدا
لا بيحب يضر حد ولا يكسر حد
ولا بيقبل على غيره الحاجة اللي عمره ما هيقبلها على نفسه..
عشان كدا الشخص الحنين رزق ان كان اب او اخ او زوج اوزوجه او صديق او اخت او صديقه او او ..
لو فى حياتكم الشخصيات دى حافظوا عليها .

[ويبقى الأثر]

ايه التقيمات المبهجة دى
بجد سعيده ان لى اخوات طيبين هنا ربنا يسعدكم
شاعر الحب الحزين
العاشق الذى لم يتب
ساحر الاحزان
بجد شكرا من القلب

[ويبقى الأثر]

واخيرا خلص ضغط الثانوية العامه
ربنا يفرح قلبك بنتيجتك ابن اخويا ياارب

[ويبقى الأثر]

نويت باذن الله انزل هنا فى المنتدى
سلسلة أمهات المؤمنين رضى الله عنهن
احتسبها عند الله صدقة جارية لوالدى وجميع أمواتنا

[ويبقى الأثر]

نهرب لحضن الصمت
عندما يتعثر الكلام بعتبة الوجع

[ويبقى الأثر]

الغلط مش فى المكان والمنتدى ياخالد
الغلط فى النفوس اللى مبقتش صافيه
عاوزه اقول اننا بندخل هنا نهون عن نفسنا واقع عايشينه
يعنى نستحمل بعض مش كل موقف اغضب وازعل واخد جمب
يعنى ايه شوية مشاركات دى مش فلوس يعنى ايه وسام ده صوره مش هاخده اعلقة على حيطه عندى يعنى
يعنى ايه مردش على موضوعى مايمكن ظروف عنده مضايق
او مش عارف يكتب رد
او دخل المنتدى وحاجه تانيه شغلته خرج من غير مايرد
افرض زعلت منى لسبب ما غير مقصود مايتبنيش عليه عداوه وابقا مش طايقك احنا بشر بنغلط ومفيش حد مابيغلطش
والله والله الدنيا مش مستاهله كل يوم بنفقد عزيز
ويمكن الدور الجاى علينا منكنش موجودين اصلا بالدنيا
ياريت اى حد هنا زعلته وضايقته بدون قصد يسامحنى
احنا ضيوف على الدنيا وفى وقت هنمشى فيه
شكرا لمشاركتك اللى اتاحت لى انى اكتب الفضفضة دى ياخالد

[ويبقى الأثر]

كل مانمر به سينتهى يوما

[ويبقى الأثر]

يعلم الإنسان كيف بإستطاعته أن يكون بخير حينما يدرك أن الله يراه ويستطيع تعويضه وإبهاجه، فيارب وأنت تدري أن ليس لنا مُجيب سواك اجعل كل أمرٍ عسير يسير.��

[ويبقى الأثر]

يحق للعين أن تبكي لفرقتهم..

أحـبة لن يأتي الزمان بمثلهم...

" .. فرآقكم أتعب قلبي .....��