لك بخاطرى كلمــــــــة

[شاعرة الرومانسيه]

ساعات كتير بقعد مع حالى بطبيعتى احب الهدوء وأميل للوحده بحب أدقق قوى فى تفاصيل يومى كلمت مين - قابل مين زعلت مين - نكدت على مين - بلاقى مشاعر متداخله غريبه بلاقى كلمت فلان فى كذا بس برغم أسلوبه العادى وإطراؤه المعهود وإستقباله الحافل بالورود بلاقى بين كلامه شىء من الغموض وبشم ريحة كدب فى حواره صحيح ساعات بنصدق كدب الى بنحبهم وكتير بنكدب عيونا عن افعالهم وكمان بنخلق أعذار لكدبهم ونضطر نصدقهم هو صحيح مراية الحب عاميه ؟ ولا احنا الى عايزين نِعمى أعيننا ولا مش عايزين نصدق أنهم بيكدبو علينا ؟ ولا كرامتنا تأبى الإعتراف أننا مضحوك علينا ؟ تساؤلات غريبه وأفكار أغرب والأخر نبكى ونتحسر هو أحنا كدا نحب الى بيكدبو علينا وكمان نصدق كدبهم ساعات كتير والله بضحك على حالى وأقول انا اكيد هبله أو طفله بتفرح بكلمة حلوه ومش مهم عواقبها جرح جايز طيب ليه ما نصارخهم على فعلهم ونعرفهم اننا كشفين كدبهم ؟ يمكن خايفين نبعد عنهم أو خلاص اتعودنا على كدبهم وبقينا نحبهم على حالهم هيييييييييح والله احنا نستاهل الى يجرالنا منهم يلا مسيرهم يعرفو اننا من الأول كنا كشفين كدبهم يمكن يتكسفو بقا على دمهم فضفضه على الصبح كنت عايزه افضفض وخلاص اقوم بقا افطر ودع الأمر لصاحب الأمر حنيــــــــــــــــــــــــــن

[۩۩ elMagic ۩۩]

جميله فضفضتك بقى
بالهنا ان شاء الله
صباحك ورد

[احساسى صحيح]

صباح جميل مشرق ايتها الطيبة
ربنا يريح قلبك اختى الطيبة
يسعد صباحك يا رب

[اشرف 2006]

هههههههههههههههههههههههههههههههههههه

ياجبروووووتك .. فجرتى القنبله ورايحه بكل برود تفطرى

هههههههههههههههههههههه

يابنى اسمع كلامى واخلع دى ناويالك نيه سوده

هههههههههههههههههه


بالف هنا وشفا


تحياتى

[الفيلسـوف]

طالما دخل الكدب والخداع ف الحب انتهى كل شى سلم فضفضتك الراقيه حنين اراح الله قلبك ورزقك الله بالراحه والهدوء

[فداااااااااااء]

لا اصدق قول مرآة الحب عمياء فى امر الكذب والخداع انما الافضل يقال العقل اصبح اعمى

تعلمين احب دائما ان اتبع اسلوب الاستغباء مع هؤلاء خاصة بعد ان سقطوا من القلب قبل العين
الاستغباء يجعلكِ ترى الامور اوضح بكثير
احترسي على قلبك عزيزتى فالمشاعر التى تشوبها شائبة الكذب عليكِ بإلقاءها
سلمتى حنين فضفضة راقية

[العندليب الاسـمر]

والمشكلة اننا كتير بنبقي عارفين ان اللي قدامنا بيشتغلنا ومع ذلك بنسكت ونبلع

يمكن علشان مفيش اثبات ويمكن علشان عارفين ان الصراحة ممكن تخسرنا اللي قدامنا

ويمكن علشان احيانا بيكون تمن الحقيقة اكبر من الحقيقة

لكن في النهاية فعلا احيانا السكوت بيكون افضل

فضقضة من القلب استاذة شعاعرة

حفظك الله ورعاكي

[شاعرة الرومانسيه]

اقتباس المشاركة الأصلية كتبت بواسطة ۩۩ elmagic ۩۩ جميله فضفضتك بقى بالهنا ان شاء الله صباحك ورد

تسلم يا ماجيك

نورتنى بقا

[شاعرة الرومانسيه]

اقتباس المشاركة الأصلية كتبت بواسطة احساسى صحيح صباح جميل مشرق ايتها الطيبة ربنا يريح قلبك اختى الطيبة يسعد صباحك يا رب

صباحك ورد اخى ياسر نورتنى

[شاعرة الرومانسيه]

اقتباس المشاركة الأصلية كتبت بواسطة اشرف 2006 هههههههههههههههههههههههههههههههههههه ياجبروووووتك .. فجرتى القنبله ورايحه بكل برود تفطرى هههههههههههههههههههههه يابنى اسمع كلامى واخلع دى ناويالك نيه سوده هههههههههههههههههه بالف هنا وشفا تحياتى

هههههههه اطمن دى فضفضه بريئه يعنى هزيان الصحيان بدرى

ملهاش اساس واقعى

واطمن هو ما يقدر ولا انا احنا وجهان لعمله واحده

نورتنى بتواجدك