بعد صعود الزمالك والاهلي لدور المجموعات

[محمود الصاروخ]

السلام عليكم ورحمة الله وبركاته
--



بعد صعود الاهلي المصري صاحب الـ ( 8 ) القاب
وأيضا بعد صعود الزمالك المصري صاحب الـ ( 5 ) القاب
لدور المجموعات من دوري ابطال افريقيا لهذا العام وبالفعل القادم سيكون
أصعب علي قطبي الكره المصريه بشكل عام نظرا لقوة المنافسين

وبعد خروج النجم الساحلي صاحب الخبره الكبيره في البطولات الافريقيه
وكما نعلم جميعا بأن النجم الساحلي لديه خبره كبيره في وصوله لنهائيات
البطولات الافريقيه وخروجه من البطوله بشكل عام في صالح الاهلي والزمالك
ولكن وجود الوداد المغربي قد يصعب المشوار علي قطبي الكره المصريه
نظرا لقوته واتوقع أن يقسوا الوداد علي الاهلي أو الزمالك في هذه
البطوله ولكن بعيدا عن أي حسابات نتمني التوفيق بالفعل
لقطبي الكره المصريه الاهلي والزمالك

الزمالك في الفتره الاخيره كما شاهدنا جميعا يعاني من بعض الأمور
الفنيه بعد تراجع مستوي المهاجمين مايوكا وباسم مرسي بشكل ملحوظ
وهناك عيب كبير في الزمالك بعد غياب النجم الموهوب مصطفي فتحي
اذا غاب ايمن حفني عن الزمالك نشاهد الزمالك في الملعب بلا روح
وكأنه يلعب من اجل الخروج وليس من أجل الصعود وأيضا بعد
رحيل ابراهيم صلاح عن صفوف الزمالك أصبح الزمالك يعاني
من منطقة وسط الملعب بشكل عام أو لكي لا نظلم طارق حامد
نقول هذه المنطقه غير متزنه تماما في الزمالك

ولكن بعد أن قدم الزمالك أداء جيد الموسم الماضي في الكونفدراليه
وكان الاقوي في البطوله بشهادة كبار المعلقين والمحللين وأيضا بعد
الاداء الجيد في المباراه السابقه أمام بجايه أتمني أن يكمل مشواره
بنفس المستوي لتخطي دور المجموعات والوصول للدور النهائي

أما الاهلي في الفتره الحاليه مكتمل الصفوف ولا يحتاج لكلام أو شرح
ولكن كل هذا اذا استمر المدرب الحالي لأنه بكل بساطه فاهم الامور ماشيه ازاى

ولكن بعيد عن كل هذه الأمور بالفعل يبقي الوداد المغربي
منافس قوي سواء للأهلي أو للزمالك وكما ذكرت أتوقع أن يقسو
الوداد علي أحد قطبي الكره المصريه في هذه البطوله وانا شخصيا اتمني
أن تكون توقعاتي خاطئه ويكون منافس سهل لنا

ماهي الا وجهة نظر كرويه بعد صعود الاهلي والزمالك لدور المجموعات
ويبقي النقاش مفتوح للجميع حول هذه الأمور بشكل عام

( اسئله للنقاش )

- برأيك ماذا يحتاج الاهلي والزمالك من أجل إكمال المشوار الافريقي ؟
- لو أهلاوي تتمني الاهلي يقع مع مين في مجموعته ؟
- لو زملكاوي تتمني الزمالك يقع مع مين في مجموعته ؟



تحياتي للجميع محمود الصاروخ

[۩۩ elMagic ۩۩]

الاهلى مش محتاج غير انه
يفضل زي ماهو كده واثق من اداءه
واللاعيبه بتأدي بشكل متميز في الفتره الحاليه
والمدرب مأدي بشكل جيد ومتناسق وان شاء الله يكمل المشوار
مشوفتش المجموعات عشان اقول ف اى مجموعه
انت كنت جيبت المجموعات مفصله وتبقى عرضت معلومات اكتر
ولكن اى مجموعه يدخل فيها الاحمر مش هتفرق كتير
وبالتوفيق لقطبي الكره المصريه بقى
تسلم للطرح الطيب

[محمود الصاروخ]

اقتباس المشاركة الأصلية كتبت بواسطة ۩۩ elmagic ۩۩ الاهلى مش محتاج غير انه يفضل زي ماهو كده واثق من اداءه واللاعيبه بتأدي بشكل متميز في الفتره الحاليه والمدرب مأدي بشكل جيد ومتناسق وان شاء الله يكمل المشوار مشوفتش المجموعات عشان اقول ف اى مجموعه انت كنت جيبت المجموعات مفصله وتبقى عرضت معلومات اكتر ولكن اى مجموعه يدخل فيها الاحمر مش هتفرق كتير وبالتوفيق لقطبي الكره المصريه بقى تسلم للطرح الطيب

بالفعل الاهلي في الفتره الحاليه متزن ولا يحتاج لأي تدعيمات
ولكن يحتاج أن يستمر المدرب مع هؤلاء اللاعبين
المجموعات لسه مش اتعملت لسه هيكون فيه قرعه
انا بسئل سؤال تتمني الاهلي يقع مع مين
في المجموعه هما بيتقسموا علي حسب القرعه
دي الانديه اللي هيتعمل مابينهم قرعه
الاهلي وسطيف - تصنيف اول
الزمالك و فيتا كلوب - تصنيف ثاني
الوداد و أسيك - تصنيف ثالث
أنيمبا - زيسكو - تصنيف رابع
تسلم علي مرورك

[حازم34]

لاخوف علي الاهلي والزمالك

الزمالك في المباراه الاخيره قدم ماتش جيد جدا

وخصوصا في الشوط الثاني

واستحق الوصول عن جداره واستحقاق

والاهلي كذلك

امنيتي الوحيده الايقع الاهلي والزمالك في مجموعه واحده


وان شاء الله سيصل الاهلي والزمالك الي المباراه النهائيه

الادوار المهمه الفرق بتختلف في تقديم كره غير

واسال الله التوفيق للفريقين

[العاشق الذى لم يتب]

ان شاءالله ربنايوفقهم
ويكون لهم نصيب للقاء الاخيروفوزاحدهمابالكأس
كل الشكرمحمود
مودتى

[shery]

برأي اتفرج ع التعليقات لاني مش بعرف ف الكوره

[سَـلمَى]

أنا متفائلة بالفريقين وإن شاء الله يعملو متشات حلوة في المجموعات

لا خوف عليهم رجالة مصر

بالتوفيق للأهلي والزمـَالك .. ♥

وتسسلم يامحمود عل التغطية
والمجهود الجميل

[اشرف 2006]

الاهى طبعا اكثر جاهزيه من الزمالك لانه يعيش حاله استقرار فنى الان


الزمالك ينقصه الاداره المحترمه اللى تخلى اللاعبين يتحمسوا اكثر للفوز بدون خوف او معايره من احد


وياريت طبعا يكونوا فى مجموعتين منفصلتين علشان على الاقل واحد منهم يوصل للنهائى


وهنشوف بقا الامور هتمشى ازاى



تحياتى

[طبيب الهوى]

بعيد عن موضوعك يا محمود

أتمنىَ ألا يقع الأهلي والزمالك في مجموعة واحدة

كما أتمنىَ أن يكون النهائي مصري بين الأهلي والزمالك

تحياتي وودي وورودي

أبو عصام

[محمود الصاروخ]

اقتباس المشاركة الأصلية كتبت بواسطة حازم34 لاخوف علي الاهلي والزمالك الزمالك في المباراه الاخيره قدم ماتش جيد جدا وخصوصا في الشوط الثاني واستحق الوصول عن جداره واستحقاق والاهلي كذلك امنيتي الوحيده الايقع الاهلي والزمالك في مجموعه واحده وان شاء الله سيصل الاهلي والزمالك الي المباراه النهائيه الادوار المهمه الفرق بتختلف في تقديم كره غير واسال الله التوفيق للفريقين

هذا ما نتمناه جميعا أن يكون الاهلي والزمالك في النهائي
والاهم ان تكون البطوله زملكاويه بإذن الله
منورني دايما حازم باشا
بالتوفيق