ما لم يُخبرنى به أبى...

[د/ عبد الله]

من أسوأ اللحظات اللي ممكن تعيشها
لما تكون تعبان ومفيش حد من أهلك جنبك
ولا عايزهم يعرفو عشان ميقلقوش عليك

[د/ عبد الله]

عند تعاملك مع البشر بيقابلك نوعين
نوع صعب التفاهم معاه وصعب مراضاته مهما بينتله من اهتمام وتقدير مبيفرقش معاه وبيفتقد لأقل مستويات التقدير
بييجي وقت بتعامله بالمثل ومبيفرقش معاك.

النوع التاني بيكون سهل التعامل معاه وفهمه .الحياة عنده بسيطة
بتلاقي منه اهتمام وتقدير لأبسط الأشياء.
فبتلاقي نفسك تحب تتعامل معاه وتقرب منه
أصل هي الدنيا أصلا مكلكعة لوحدها مش ناقصة كلكعة ونرفزة زيادة

[د/ عبد الله]

ليس لها من دون الله كاشفة

[د/ عبد الله]

وإن تعدوا نعمة الله لا تحصوها.
مبنحسش بقيمة النعم اللي غرقانين فيها غير لما نتحرم منها
الهوا نعمة كبيررة مكنتش حاسس بيها
لما تبدأ تاخد نصيبك منها بحدود هتحس بقيمتها

[د/ عبد الله]

فيه ناس بيأكدولك كل مرة تتعامل معاهم انهم مش طبيعيين
يعني فيه حاجة غلط. البني ادمين العاديين مش كده
وانت تتغاضى وتستحمل وتعدي لحد ما تعرف ان لا معدش ينفع استحمال
وتتأكد انهم لا يصلحو للتعامل مع البشر.
وبعد ما تتعامل على هذا الاساس اذ فجأة تلاقي موقف...طبعا متفتكرش انه موقف غير طبيعته .بالعكس ابسليوتلي ههه . ده موقف قاموس اللغة العربية مفيهوش كلام يترد بيه عليه.

[د/ عبد الله]

ورغم كل شئ
ورغم الانحراف الكبير عن الطريق
تبقى متعتي في ترتيل القران والطرب به
فاللهم لا تحرمني هذه النعمة.

[د/ عبد الله]

وأتبع السيئة الحسنة تمحها.
أوقات كتير بعد ما نعمل ذنب بنفقد الأمل. نقول ازاي أصلي بعد كل اللي عملته
ازاي اقرأ القران مع البلاوي اللي بعملها ووو
بس هو الحل اننا بعد الذنب نعمل عمل صالح
ربنا بيقول: إن الحسنات يذهبن السيئات.
والرسول بيقول: وأتبع السيئة الحسنة تمحها.
يعني عمل الحسنات بعد السيئات مش بس هيغفرها لا ده يمحوها اصلا
فالحمد لله الرحمن الرحيم.

[د/ عبد الله]

لو قلتلك حبك خلاص..متصدقيش
جوايا عايز يحضنك
جوانا شئ عايز يعيش

[د/ عبد الله]

الواحد بيخرج ويرجع ولا كأنه خرج
يعني ادخل الماركت اشتري أحاسب امشي. متكلمتش غير مع الفلبيني اللي في ركن الاسماك عشان ينضفلي السمك هههه
نفسي في خروجة ضحك ولعب وتنطيط بس للاسف مفيش
حياة مملة

[د/ عبد الله]

وسط زحمة الدنيا والشغل والاصحاب والنت متنسوش القران
خلوا ليكم ورد يومي من القران
اقرأوا صفحتين بعد كل صلاة. اقرأوا اللي تقدروا عليه
متخلوش أبدا فتح المصحف من رمضان لرمضان
اقرأوا يوميا وتدبروا واحفظوا ولو قدر بسيط.