انا مجرد عابر سبيل فى الدنيا

[طارق طروق]

مره كنت نايم بالليل متأخر
وصحيت عشان ادخل الحمام
واختى وعيالها الصغار كانوا بايتين عندنا
فجأه دوست على لعبه فى الصاله
والكل نايم طبعا
اللعبه فيها اغنيه اخاصمك اه
اتخضيت مبقتش عارف اجرى ولا ارقص

[طارق طروق]

ونفسى ارجع للزمن اللى كان اصعب قرار بيواجهنى هو
ياترى اشترى شيبسى بالطماطم ولا بالشطه والليمون؟
فعلا كان قرار صعب ومهم فى حياتى

[طارق طروق]

الذين يشاهدون محتوى الموضوع الآن : 1 ( الأعضاء 1 والزوار 0)
هو انتم يا زوارى يا تيجوا مع بعض يا تمشوا مع بعض؟
ميصحش كدا

[طارق طروق]

النهارده بالنهار كان الجو حر جدا
تحس ان الشمس طلعت النهارده هى وعيالها

[طارق طروق]

والدنيا علمتنا حاجه كويسه خالص
ان اللى بيروح مش بيرجع
زى مثلا الصحه
زى مثلا الحب
زى مثلا العمر
والاهم بقى لما تحول الرصيد غلط

[طارق طروق]

هو: انا معجب بيكى عشان انتى لذيذه وجدعه واموره
وحبيتك من اول نظره
هى: بلاش بكش انت بتلعب بيا
هو: ما شاء الله عليكى وكمان لماحه وذكيه؟

[طارق طروق]

واحد بخيل اوى جاله شحات وقاله
انا بقالى يومين مدوقتش طعم العيش
البخيل قاله:العيش هو هو طعمه متغيريش فى اليومين دول

[طارق طروق]

وهى صغيره كانت بتحط الماء تحت عيونها
وتتصنع البكاء
ولما كبرت بقت ترش الماء على وشها
عشان تدارى دموعها
مش مهم تعرفوا مين
المهم انكم عرفتوا حكايتها

[طارق طروق]

اه صح واحد نسكافيه بالحليب
لكل من مر او يمر من هنا
وكمان الزوار
والله ما حد يدفع فيكم حاجه
النسكافيه على حسابى
بس متتعودوش على كدا اوكى؟

[طارق طروق]

المنتدى ده بصراحه هيجنن امى
امال بقى لو كان العدد اللى بيدخل كبير
كان المنتدى بقى عامل ازاى بقى؟
وعلى رأى المثل اللى بيدخل
عد غناماتك يا جحا